Deuteronomio 10:5 - Kashibo-Kakataibo Biblia

⁵ ꞌinánkëx kana ꞌëx aín bashinuax taramëkëbuakën; usai taramëbutankëxun kana bunántisa okin ꞌakë anu maxá parókin ꞌakë rabë́ anu ꞌaruakën Nukën ꞌIbun ꞌë kakësabiokin, ax ka anu nan ꞌaish bëríbi anubi ꞌikën.”

Deuteronomio 10:5 ပူးပေါင်းရင်းမြစ်များ

Éxodo 32:15

Usa ꞌain ka Moisés aín bashinuax utëkënkin maxá pará rabë́ Diosanbia aín bana amo rabë́bi kuënëoxun usai ax kikësa oí ꞌiti bana ꞌinánkë a bëi uakëxa.

Éxodo 34:28

Usa ꞌain ka Nukën ꞌIbubë Moisés cuarenta nëtë ꞌimainun cuarenta imë́ aín bashi Sinaí kakë anu bërúakëxa anuxun ka añubi pima ꞌianan xëama ꞌikën. Anu ꞌixun ka maxá pará anu këñutima okin ñuikë bana, mapai rabëbëtan sënën ꞌitánun kuënëokëxa.

Éxodo 34:29

Usakin ꞌatankëx ka aín bashi Sinaí kakë anuax Moisés taramëbuakëxa, anua usai ꞌiti bana maxá pará rabë́nu kuënëokë a bëi ka uakëxa, usai anuax ukinbi ka Moisésnën Nukën ꞌIbubë banakë ꞌaían ain bëmánan chabáchabákikë ꞌikëbi ꞌunánma ꞌikën.

Éxodo 40:20

Usakin akamapain sënë́ontankëxun ka Moisésnën ax kikësabi oi ꞌiti bana kuënëokë maxá pará rabë́ a bunántisa kurin ratakakakë mëu ꞌaruakëxa; ꞌarutankëxun ka bunántisa kurin ratakakakë aín ñaruantikama ꞌakëxa, ꞌimainun ka aín maputiribi ꞌatankëxun xubu chatani aín kata upíira a ꞌukëmëu uankëxa; uanxun ka chuparibi bunántisa kurin ratakakakë axa ꞌukëmëu ꞌinun nëbëtsin amo rabë́ ꞌitanun bëarakin bëpankëxa; Nukën ꞌIbun usakin ꞌanun kakësabiokin ka ꞌakëxa.

Deuteronomio 10:2

ꞌËn a pain mi ꞌinánkë maxá pará anu kuënëokë ꞌikëbimi tukakë banakama abi kana anu kuënëotëkënti ꞌain, a kamina bunántisa anu nanti ꞌai kixun ka Diosan ꞌë kakëxa.

Deuteronomio 9:15

Kakëx aín bashi anuaxa tsi rëkirukësa ꞌikë anuax taramëbukuatsini ukin kana ꞌën maxá pará rabë́ anua achúshi ñu a tanti bana kuënëokë a ꞌën mëkënanbi tuinbëtsikin bëakën.

Josué 4:9

ꞌAmainun ka Josuénënribi mapai rabë́ ꞌimainun rabë́ maxáx bixun anua sacerdotekamax bunántisa okin ꞌakë kurin ratakakakë anua Diosan bana usai ꞌiti ꞌarukë a ꞌiax baka ëskikë nëbë́tsi sëtë́kë anubi bukunrukin nankëxa. A maxákama ka bëríbi anu ꞌikë kixun ñuikin atun aintsikama ñuixunkankëxa.