Deuteronomio 10:22 - Kashibo-Kakataibo Biblia

²² Usa ꞌain ka mitsun chaitiokëkama Egipto menu bëbakë atux setenta unishi ꞌiakëxa, ꞌaínbi ka bërí Nukën ꞌIbu Diosan atúxa ꞌuakamë ꞌëonun ꞌimikin ꞌispa naínua imë́ iskësaira ꞌinun ꞌimiakëxa kixun ka Moisésnën kakëxa.

Deuteronomio 10:22 ပူးပေါင်းရင်းမြစ်များ

Génesis 15:5

Usokin katankëxun ka Nukën ꞌIbun Abram ëman, buánxun ësokin kakëxa: —Upiokin ka naí manámia ꞌispakama is, iskin kamina min tupuntisa ꞌikë tupunti ꞌain. Usaribi ka min rëbúnkinëx tupuntisamaira ꞌitsaira ꞌiti ꞌikë kixun kakëxa.

Génesis 22:17

usa ꞌain kana ꞌën upíokin sinánxunkin min rëbúnkinëxa. ꞌAisamaira ꞌispa imë́ naínu iskësa usaribi ꞌianan masi bëru parúmpapa kuëbínua iskësaribi ꞌinun ꞌimiti ꞌain. Usa ꞌain ka bëtsi ëmanu ꞌikë unikama ax ami nishkë akama ꞌën ꞌamikëxun abë ꞌakanankin atun abámikin ꞌati ꞌikën,

Génesis 46:26

Ënë unikamax ka Jacobë Egipto menu kuankëxa, usa ꞌaish ka aín aintsi ꞌibukamaishi sesenta ꞌimainun seis uni ꞌiakëxa, usa ꞌain ka ꞌain bëchikënën xanukama ax tupunkëma ꞌiakëxa.

Génesis 46:27

Ënëx ka Josénën bëchikë rabë́ Egipto menuxuan aín titan tuá ꞌiakëxa. Usa ꞌain ka Egipto menu sesenta uni Jacobnën aintsi ꞌibukama abë bëbakëxa.

Nehemías 9:23

Usonan kamina atúxa ꞌitsaira bëchipati naínua imë́ ꞌispa iskësa ꞌitanua bakë bëchipanun ꞌimianan, atunan ꞌinun a ꞌinánnuxumi nun chaitiokëkama ká me a bitsi kuanun minbi a menu kuanun atu buánkën.

Éxodo 1:5

Usa ꞌain ka Jacobnën rëbúnkikamax tupúnkëx setenta uni ꞌiakëxa. Ax pain kuan ꞌaish Josénëx Egipto menu tsótan.

Hechos 7:14

Atubë banaquin ca Josénën aín xucë́antu cacëxa, aín aintsi ꞌibucamacëñuan aín papa Egiptonu bënun quixun. Aín aintsi ꞌibucamax ca setenta y cinco ꞌiacëxa.

Deuteronomio 26:5

usakin nani ka Nukën ꞌIbu Diosan kuamainun ësai kiti ꞌikën: ꞌËn rarakamax ka ꞌitsamashi ꞌaíshbi arameo ꞌikësa achúshi menushi tsótima kuaínbëkini tsótankëx Egipto menu kuantankëx anu tsóti bërúakëxa, anuax ka ꞌitsa baritia ꞌikëbë achúshi ëma chaiira ꞌianan kushiirabu ꞌimainun ꞌaisamaira ꞌinun ꞌuakamë ꞌëokëxa.

Hebreos 11:12

Usa ꞌain ca, Abraham caniacëcëra ꞌaíshbi bëchicëñu ꞌiacëxa. Aín bëchicënën rëbúnqui ca ꞌitsaira ꞌiacëxa. Naínu ꞌicë ꞌispacama cananuna tupúncasmati ꞌain. Parúnpapa cuëbí ꞌicë masiribi cananuna tupúntima ꞌain. Usaribiti ca Abrahamnën rëbúnqui ꞌaisamaira ꞌaish unin tupúntisama ꞌiacëxa.