Deuteronomio 10:21 - Kashibo-Kakataibo Biblia

²¹ Ax ka mitsun ashi rabiti Dios a ꞌikën; usa ꞌixun ka ax Dios ꞌixun mitsu kupí ñu chaiirabu mitsun ismainunbi ꞌakëxa.

Deuteronomio 10:21 ပူးပေါင်းရင်းမြစ်များ

2 Samuel 7:23

Min uni Israel unibu ñuikin kana mi kain, ¡bëtsi menu ꞌikë ëmanu ꞌikë unikama atusaribi ka ꞌaíma ꞌikën, atux ka ënë menu ꞌikë bëtsi unikabëtan sënë́nma ꞌikën! ꞌËn ꞌIbu Dios min kamina min uni ꞌinun atu chikiankën. ꞌImainun kamina ꞌaisamaira ꞌixun bana sinankian upíokin ñu ꞌanun atu ꞌamian, min kamina min unikama Egipto menua chikínbëtsinkin atun ismainunbi bëtsi menu ꞌikë unikama ꞌimainun atun rabikë dioskama këñunbi këñuakën,

Salmos 145:6

Kikëbëa unikamax min kushínbi kamina anun rakuë́ti ñukama ꞌakën a ñui kimainun kana, ꞌëx min kamina ñu chaiirabu ꞌakën kiax kiti ꞌain.

Salmos 148:14

¡Diosan ka aín unikama kushioia! ¡Usa ꞌain ka nux aín uni ꞌixun rabimainun aín uni a ꞌurama ꞌikë akamanribi rabiti ꞌikën! ¡Usa ꞌain kananuna ashi ësokin rabiti ꞌain!

Salmos 22:3

Usa ꞌain kamina mix bëtsi dios kamasamaira ꞌaish uisaibi ꞌikëma ꞌain; usa ꞌikë ka Israel unikaman mi rabiti ꞌikën.

Éxodo 15:2

ꞌËx ami kantaia ka kuatia, an ka ꞌë kushionan ië́miaxa, ax ka Dios ꞌën a rabiti ꞌikën. Ax ka ꞌën papan Dios ꞌikën, usa ꞌikë kana asábi ka kakin rabiti ꞌain.

Éxodo 34:10

Nukën ꞌIbun ka amiribishi Moisés kakëxa: —Bërí mi kamainun kamina kuati ꞌain, mi ꞌimainun min aintsikamabëtan kana achúshi ñu ꞌain. ꞌAnan kana bëtsi menu tsókë unikamanbia ꞌama ñu upíira ꞌati ꞌain, ꞌaia ka axa mitsu rapasu tsókë unikamanribi ꞌën mitsunu ñu upíira unin iskëma ñu ꞌaia isti ꞌikën.

Isaías 60:19

Usa ꞌain ka nëtë́n barin pë́kamainun, imë́ribi ꞌuxën pë́kakë ax kuëënkëma ꞌiti ꞌikën, ꞌëx mitsun ꞌIbu ꞌixun kana nëtë́tima okin mitsu pë́kati ꞌain, ꞌëx mitsun Dios ꞌixun kana ichu ichúkikësa ꞌitánun mitsu pë́kati ꞌain.

Isaías 64:3

Uisaran kaina min ñu ꞌatimaira ka inuti ꞌikë kixun nun sinánkë ꞌaínmabi anun mix ubúkëbë aín bashikama shaíkiakëxa.

Lucas 2:32

An ca Israel unibushima judíosma unicamaribi aín sinan upí ꞌinun ꞌimiti ꞌicën. Minan ꞌinúnmi caísa, Israel unibu, acama achúshi ꞌaish, a cupí ca camabi unin Israel unibu rabiti ꞌicën.

Josué 24:18

An ka anun nux uti menu ꞌikë ëmakamanu tsóa unikama chikínun ꞌimiakëxa, usaribi okin ka amorreo axa ënë menu tsóa akamaribi ꞌakëxa. Usokin akama ñu ꞌa ꞌikë kananuna nunribi a rabiti ꞌain ax ka nun Dios ꞌikën.

Apocalipsis 21:23

A ëma ca Nucën Papa Diosanbi pëcaia. Carnero ꞌicësaribitia unin ꞌucha cupí bama, anribi ca a ëma pëcaia. Usa ꞌain ca baribëtan ꞌuxën a ëma pëcaima.

1 Samuel 12:24

Mitsun kamina Nukën ꞌIbun kakësokinshi ꞌakin asérabi kuëënkin ashi rabikanti ꞌain, an ka nu upíokin ꞌitsaira ꞌakinia kixun ami sinánkin.