Deuteronomio 10:18 - Kashibo-Kakataibo Biblia

¹⁸ an ka tuá papañuma ꞌimainun xanu kasunamëkë nuibakin aín piti ñu ꞌinánan aín pañuti chupa bëtsi menu ꞌikë unikama mitsubë tsókë akama këñunbi ꞌinania.

Deuteronomio 10:18 ပူးပေါင်းရင်းမြစ်များ

Salmos 103:6

Diosan ka asérabi upí ñu ꞌaxunkin, axa bëtsin ꞌatimokëx tëmërakë unikama ꞌakinia.

Salmos 145:9

Nukën ꞌIbu Dios ax ka kamabi unibë upí ꞌikën, usa ꞌixun ka an unio ñukama upíokin nuibakin bërúaia.

Isaías 1:17

¡Ñu ꞌupíshi ꞌati kamina ꞌunánkanti ꞌain, ꞌianan kamina abi sinani kushikin ñu ꞌupíshi ꞌanan, bëtsi unikaman ꞌatimoiabi bëtsi ꞌakinti ꞌain, ꞌakianan kamina ꞌibuñumakë tuákama aturibi ꞌakinti ꞌain, ꞌanan kamina kasunamëkë xanu bëtsi unin ꞌatima oiabi anun rabanan në́kin ꞌakinti ꞌain!”

Oseas 14:3

Asiria unikamax ka nu ië́misama ꞌikën, usa aín caballokama anbi nu abáti kuania ꞌabákintisama ꞌikën. Usa ꞌain kananuna mix kamina nun Dios ꞌai kixun nunbi uniokë ñukama anëtëkëntima ꞌain, axa ꞌibuñumakë unikaman ka ꞌain, Dios ꞌixun min nuibakëxun ꞌunania.”

Mateo 5:45

Usaquin ꞌacë ꞌaish camina asérabi mitsun Papa Dios axa naínu ꞌicë an sináncësabi oquin sináncë ꞌain. An ca camabi uni, upí uni ꞌimainun upíma uni aribia pëcanun bari urumianan camabi unin ñu ꞌapácë chabónun ꞌuíribi ꞌibúmia. Usaribi oquin camina camabi uniribi nuibaquin ꞌaquinti ꞌain.

Hechos 14:17

Usaquin ënquinbi ca, ax ca asérabi Dios ꞌicë quixun ꞌunánun, an ꞌacësabi oquin upí oquinshi camabi menu ꞌicë unicama ꞌaquinquin, ꞌuí ꞌibúmiquin ñu ꞌapácëcamaribi canimiquin bimimia. Usoquin an ꞌimicë cupí cananuna ñu pi nux chuámarua bucuin.