Deuteronomio 10:16 - Kashibo-Kakataibo Biblia

¹⁶ Usa ꞌain kamina achúshi ñu ꞌakë kikë bana manukin mitsun nuitu iruakinma sinánti ꞌain,

Deuteronomio 10:16 ပူးပေါင်းရင်းမြစ်များ

Génesis 17:11

ꞌUnántiorakakin kamina aín nëtokë ñu rëbu aín maxaka ꞌikë a tëati ꞌain, ënëx ka ꞌën mibëtan ꞌakë achúshi ñu a ꞌunánti ꞌikën, ësokin ꞌakin kamina ꞌunánti ꞌain nun kananuna achúshi ñu ꞌa kixun.

Deuteronomio 30:6

Usa ꞌain ka Diosan mitsun nuitu mëníokin sinánmianan mitsun bakë bëchikëkamaribi ꞌati ꞌikën, an ka aín bana ꞌunámianan uisakin karamina mitsun a asérabi nuibati ꞌai kixun ꞌunánmiti ꞌikën usa ꞌain ka a aín nuitubëtanbi sinánkin a menu atux upitax ꞌitsa bari ꞌimi tsóti ꞌikën.

Deuteronomio 31:27

ꞌËnbi kana upíokin ꞌunan mitsux kamina bana kuati ꞌunánmaira ꞌain; usa ꞌaish kamina ꞌëx mitsubë aínbi Nukën ꞌIbumi ꞌuchakën, ¿Usa ꞌaish karamina ꞌëx ñukëbë uisaira ꞌikanti ꞌain?

Deuteronomio 9:13

Kanan ka ësokinribi Nukën ꞌIbun ꞌë kakëxa: ꞌËnbi kana ënë unikama ꞌunan usa ꞌixun ka aín nuitu iruarakin ꞌatima ñu ꞌaxa.

Deuteronomio 9:6

Mitsun kamina ꞌunánti ꞌain, Diosan ka mitsu upí unibu ꞌikëmabi a me ꞌinania kixun, usa ꞌaínbi kamina bana kuaisama tankin mitsun nuitu iruarakë unibu ꞌain.

Colosenses 2:11

Mitsux usai Cristobë achúshisa ꞌaish camina Nucën Papa Diosnan cupí ꞌunántioracacësaribi ꞌain. Judíos unicamaxa chamaratsu ꞌaish ꞌunántiocë usa ꞌaíshmabi camina Cristonënbia mitsun sinan upí ꞌimianan ñu ꞌaisama ꞌati ëmicë ꞌaish, Nucën Papa Diosnan cupí ꞌunántiocësa ꞌain.