Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Deuteronomio 10:12 - Kashibo-Kakataibo Biblia

12 Usa ꞌain ka Moisésnën israel unikama kakëxa: ¿añumi mitsun ꞌati kara Diosan kuëënin? An ka kuëënia ax kikësabiokin aín bana kuakin, nun nuitu upí ꞌixun nuibakin ami sinánkin rabiti,

အခန်းကိုကြည့်ပါ။ ကော်ပီ




Deuteronomio 10:12
55 ပူးပေါင်းရင်းမြစ်များ  

Usa ꞌain ka Salomónnën Dios nuibati ami katamëkin ax kikësabi oi ꞌiti aín banakama tankin, aín papa Davidtan ꞌasaribiokin Diosan kakësabiokin ꞌakëxa, ꞌakin ka anbi bashinu anuxun xaroti ꞌatankëxun ñuina rëtankëxun ꞌaímai këñuti xarátia sanutanun, ꞌanan sanuira rokëñun xaroxuankëxa,


Nukën ꞌIbun ka an nuibakë unikama nuibakin bëruaia, ꞌaínbi ka an ñu ꞌatima ꞌakë unikama ꞌatima okin këñuia.


Nukën ꞌIbu kamina an kaískë ꞌixun mitsun an kuëënkësabi okin ꞌaxunti ꞌain. Usa ꞌain ka an rabikë unikamax ñuñuma ꞌitima ꞌikën.


Ënë ñukama ꞌaxunti ka Dios kuëënima, an ka nukama kaxa uisa ñux kara upí ꞌikën, ꞌimainun uisa ñu nun ꞌaxunti kara ax kuëënia: ax ka ësa ꞌikën, bëtsi unikamabë upí ꞌiti, uisa ñu ꞌakatsi karanuna kia usakinbi ꞌati, ꞌimainun an kakësabiokin ꞌanan ax kikësabiokin ñu ꞌati.


Quixuan cacëxun ca Jesusan ësaquin cacëxa: —Axa quicësabi oíira ꞌiti bana ax ca ësai quia: “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain”.


Cacëxun ca a unin Jesús cacëxa: —Ca quia, “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain. ꞌIanan camina mixmi bërúancacësaribi oquin min aintsicama nuibanan axa ꞌaquinsa ꞌicë ꞌaquinti ꞌain”.


Catancëxun ca ësaquinribi Jesusan atu cacëxa: —Fariseo unicama, mitsu ca Nucën Papa Diosan uisa cara oti ꞌicë usoquin ꞌati ꞌicën. Mitsun camina Nucën Papa Dios anuxun rabiti xubunuxun ñu ꞌacë unicama mitsun pitimi anun nëish ocë robi mësú ꞌinanin, Moisés quiásabi oquin. Usa ꞌixunbi camina a bana itsi, axa quicësabi oi ꞌiti, axa quicësa oquin ꞌaiman. Nucën Papa Diosmi upiti sinánan upí sinánñu ꞌixun uni ꞌaquinti, acama camina ꞌaiman. Usaquinmi mitsun ꞌacëx ca asábiira ꞌitsíanxa. Usoquin ꞌaquinmi mitsun ro mësúribi ꞌinánti ca asábi ꞌitsíanxa.


Usa ꞌain ca Judea menu ꞌimainun Galilea menu ꞌimainun Samaria menuribi, axa Jesucristomi catamëcë unicama uínbi ubíocëma ꞌaish chuámarua bucüacëxa, usai ꞌi ca Jesucristomi catamëti ꞌitsarui cushiacëxa. Usaía ꞌicëbë ca raíri uniribi abë timëti Nucën ꞌIbu Diosan bana upí oquin cuati, aín Bëru Ñumshin Upitan ꞌaquincëx ꞌitsarui Jesúsmi sináncëxa.


ꞌËn cana Nucën Papa Dios cuëëncësabi oquin chiquíshquinma aín Bëchicë ñuiquin unicama bana ñuixunin. An ca ꞌunania, ꞌën cana abë banaquin nëtë camabi mitsu ñucáxunin.


Cananuna ꞌunanin, Nucën Papa Diosan ca uisa ñu cara ꞌia abi, ax ami sináncë unicamaxa an ꞌaquincëx, upí ꞌinun mëníoxunia, atúan ax cuëëncësabi oquin ñu ꞌamainun. A unicama ax cuëëncësabi oquin ainan ꞌinun sinánmicë ꞌixun ca Nucën Papa Diosan usoquin ꞌaia.


ꞌakima ka ꞌë ësokin kakëxa: Kuantankëxun kamina min aintsikama mëníokanun kai kuanti ꞌain ꞌën a ñuikin aín chaitiokëkama, aín rëbúnki ꞌinánuxun ka me a bitsi kuanuxa mëníokanun kixun kamina kai kuanti ꞌain.


ꞌimainun ka axa kikësaibira oi ꞌiti bana ꞌimainun a tanti bana ꞌai kamina mitsux upítax bukuti ꞌain.


Moisésnën ka amiribishi Israel unikama ësokin katëkëankëxa: Nukën ꞌIbu Dios an ka bërí aín bana kuënëo ꞌimainun ax kikësabi oi ꞌiti bana akamami mitsun min nuitunënbi sinánkin ax kuëënkësabi okinshi mitsun ꞌati kuëënia.


ꞌËn bërí mitsu kakë ësokin ꞌakinmi a nuibati ami katamëkin ax kikësabira oi ꞌiti bana ꞌianan a tanti bana kikësabi ꞌia ka Diosan bakë bëchipatimi tsónun mitsu ꞌimiti ꞌikën, ꞌimainun ka anumi mitsux tsóti me anu tsotia mitsu upíokin sinánxunti ꞌikën.


usa ꞌain kamina Nukën ꞌIbu Dios nuibati ami katamëkin ax kikësabiokin ꞌati ꞌain, usakin ꞌai kamina ꞌitsa baritia a me ꞌinánnuxua sinanatëkëntima okin Nukën ꞌIbun nun chaitiokë Abraham Isaac ꞌimainun Jacob ka a menu ꞌiti ꞌain kixun ka Moisésnën kakëxa.


ꞌAínbi kamina anua usa ñukama ꞌaínbi anuxun Dios kuëënkësabi oi ami katamëkin min nuitunënbi sinánkin ax kuënkësabi okinshi ꞌaia, ka mitsu ꞌakinti ꞌikën.


Usa ꞌain kamina Nukën ꞌIbu ashi rabianan ax kuëënkësa okinshi ñu ꞌaxúnti ꞌain, ꞌimainun kamina sinanatëkënkinma asérabi aín anëinshi ñu ꞌati ꞌain.


Usokin kamina mitsun Nukën ꞌIbu Dios ami rabikanti ax kikësabiokin ꞌakánti ꞌain, ꞌai tsókin kamina, a tanti bana ꞌimainun ax kikësabi oí ꞌiti bana, ꞌën ꞌunánmikë ënë mitsun bakë bëchikë ꞌimainun mitsun babakama ꞌunánmiti ꞌain; usakin ꞌai kamina ꞌitsa baritia a menu tsókanti ꞌain.


Usokin bëtankëxun ka Nukën ꞌIbu Diosan nukamanu ax kikësabi oi ꞌiti bana a ꞌunáni ami sinania iskin nu ꞌakinkëx kananuna upí ꞌiti ꞌain, ꞌimainun ka bërí ꞌakësaribi okin anbi nu bërúanuxun ꞌaia.


Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.


Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.


Ax xënibua ꞌaínbi cëñútimoi nucën ꞌApuira ꞌain cananuna nux nëtëtima anu abë ꞌianan aín unicamabë ꞌiti ꞌain. Usai ꞌiti sinánquin cananuna Nucën Papa Diosmi sinánquin aín bana cuaquin —asábi ca —cai cuëënquin a rabiti ꞌain, ax cuëëncësabi oquin,


—Ësokian kamabi ñu an a kupín kamina mitsun Nukën ꞌIbu asérabira ami sinánkin rabiti ꞌain. Rabikin kamina mitsun chaitiokëkaman Éufrates kakë baka kuëbí tsókin rabianan Egipto menuxun rabia dios a ënkin Nukën ꞌIbuira ashi rabiti ꞌain.


Ënë nëtënuxuan Nucën Papa Dios cuëëncëma ñu an ꞌunáncëma unin ꞌacësa oquin ꞌati camina cuëëntima ꞌain. Uix cara ax cuëëncëma ñu ꞌai cuëënia, ax ca Nucën Papa Diosmi sinanima.


Axa —Jesús ca asérabi Nucën Papa Diosan Bëchicë ꞌicë —quixun ꞌunani ami catamëcë uni an cuni ca ënë menuxuan ñu ꞌatima ꞌacëcama ënquin ꞌatëcënima.


Kikania ka Samuelnën atu kakëxa: —Kamina rakuë́kantima ꞌain. Ax ka asérabi ꞌikën mitsúnbi kamina ꞌaisama ñuira ꞌan; usa ꞌain kamina bërí an kakësokin ꞌaisamatankinma asérabi ashi min nuitunënbi sinánkin Nukën ꞌIbu rabikanti ꞌain.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ