Deuteronomio 1:8 - Kashibo-Kakataibo Biblia

⁸ ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 1:8 ပူးပေါင်းရင်းမြစ်များ

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 15:16

Usai cuatrocientos baritia tsótankëx ka min bëchikënën bëchikë min xuta aín bëchikënën bëchikë akamax ka min rëbúnki ꞌaish amiribishi ënë menu utëkënuxun ꞌaia, usa ꞌaínbi ka anun ꞌën amorreo unikama aín ꞌucha kupín ꞌatima oti nëtë ꞌisama pain ꞌikën.

Génesis 15:18

Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Nehemías 9:15

ꞌImainun kamina naínu ꞌikë pán ꞌakëñuma ꞌixuan pinun ꞌinánan ꞌumpaxribi maparanua shióbutia shimaxun xëanun ꞌinánkën. Usokin pain ꞌatankëxun kamina a ꞌinánkatsi kixunmi nun chaitiokëkama ká me a bitsia anu kuanun atu ꞌimiakën.

Éxodo 33:1

Usotankëxun ka Nukën ꞌIbun Moisés anu kuantëkënkë kakëxa: —Ënuax kuankin kamina Egipto menuami chikínbëtsinkin bëkë unikama buánti ꞌain, ꞌën min chaitiokë Abraham, Isaac ꞌimainun Jacob akama aín rëbúnki ꞌinánuxun ká me anu kamina kuanti ꞌain.

Números 14:23

a unikama achúshinëxi ka ꞌën a ꞌinánuxun aín chaitiokëkama ka me anu kuantima ꞌikën. ꞌImainun ka ui unikamax kara ꞌën ñu ꞌaia isíbi ꞌëmi ꞌatimati banaxa ax ka anu tsóti kuantima ꞌikën.

Deuteronomio 10:11

ꞌakima ka ꞌë ësokin kakëxa: Kuantankëxun kamina min aintsikama mëníokanun kai kuanti ꞌain ꞌën a ñuikin aín chaitiokëkama, aín rëbúnki ꞌinánuxun ka me a bitsi kuanuxa mëníokanun kixun kamina kai kuanti ꞌain.

Deuteronomio 26:15

Min kamina naíkamë ꞌëo anuxunbi iskin xubu chaiorukin upíira okin ꞌakë aín manánxun iskësokin iskin, uisai kara ënë menuax ñu ꞌia a ꞌunánin, usa ꞌain kamina min unibu Israelkama upíokin sinánxunin, min nu ꞌinánkë me anua, usa ꞌaish ka ënë menu a xëati ñu ꞌimainun a piti ñu ꞌaisamaira ënu ꞌikën, minmi nun chaitiokëkama a ꞌinánuxun kásabiokin.

Deuteronomio 26:3

Anuxun ka Sacerdotekaman mitsu kati ꞌikën: ꞌËx kana ësai bërí kin a me ꞌinánkatsi kixuan nun chaitiokëkama Nukën ꞌIbun ka me anu kananuna bërí ꞌain kiax ka kiti ꞌikën.

Deuteronomio 30:20

usa ꞌain kamina Nukën ꞌIbu Dios nuibati ami katamëkin ax kikësabiokin ꞌati ꞌain, usakin ꞌai kamina ꞌitsa baritia a me ꞌinánnuxua sinanatëkëntima okin Nukën ꞌIbun nun chaitiokë Abraham Isaac ꞌimainun Jacob ka a menu ꞌiti ꞌain kixun ka Moisésnën kakëxa.

Deuteronomio 31:7

Usakin pain atu katankëxun ka Moisésnën Josué kuënxun kamabi Israel unibunën kuamainun ësokin kakëxa: Min kamina rakuë́tima kushikin ënë unikama a ꞌinánuxuan sinántëkëntima okin Nukën ꞌIbun nun chaitiokëkama ka me a binun ꞌakinti ꞌain.

Deuteronomio 34:4

Ismikin ka Nukën ꞌIbun ësokin kakëxa: Ënë mekama ñuikin kana ꞌën min chaitiokë Abraham, Isaac ꞌimainun Jacob akama kakën, a me kama kana min rëbúnki ꞌinánuxun ꞌain kixun. Usa ꞌain kana anu bëbanuxumabi min bërúnbi isti ꞌën kuëëan.

Deuteronomio 4:1

Bërí kamina Israel unikama mitsun kuati ꞌain, ax kikësaibi ꞌiti bana ꞌën mitsu ꞌunánmikë ami kuanxun ax kikësabiokin ꞌakëbëtan ka a ꞌinánnuxua Diosan nun chaitiokëkama ka a me mitsu ꞌinántankëxun anuax upitax tsónun mitsu ꞌimiti ꞌikën.

Deuteronomio 6:10

Nukën ꞌIbu Dios an ka mitsu a me ꞌinánuxuan nukën chaitiokë Abraham, Isaac, Jacob akama sinanatëkëntima okin ka a asérabi mitsu ꞌinánti ꞌikën. A ëmakamax ka chaiirabu ꞌaish upíirabu ëma ꞌikën, usa ꞌaish ka mitsun ꞌama a ëmakama ꞌikën;

Deuteronomio 7:12

Ësokin ka Moisésnën aín aintsi Israel unikama raíri kakëxa: Asérabi mitsun ꞌën ꞌunánmikë bana ënëkama kikësabiokin ꞌakëbëtan ka Diosan an nun chaitiokëkamabëtan achúshi ñu ꞌakin kásabiokin mitsu ꞌakinti ꞌikën.

Deuteronomio 7:13

ꞌAkin ka an mitsu nuibakin ꞌuakamë ꞌëoimi bëchipanun ꞌimianan mitsun bakë bëchikëkama upíokin sinánxuanan mitsun ñu ꞌapákë bitsia aribi ꞌanan trigo bimi ꞌimainun, uvas baka ꞌakë, ꞌimainun xëni, akëñunbi, ꞌanan mitsun vaca bakëkama ꞌimainun, ovejakama a kamabi a me ꞌinánnuxua nun chaitiokëkama ka a menua upí ꞌinun ꞌimiti ꞌikën.

Deuteronomio 7:8

Nukën ꞌIbun ka Egipto menuax ꞌaisamaira tëmëraiabi mitsu chikíankëxa, ꞌimainun ka aín kushínbi ꞌapu faraónën ꞌibuaxun ñu mëëmiabi mitsu chikíankëxa, usa ꞌixun ka an mitsu nuibakin nun chaitiokëkama kásabiokin ꞌakëxa.

Deuteronomio 8:1

“Moisésnën ka amiribishi Israel unikama katëkëankëxa, ax kikësabi oi ꞌiti bana ꞌën mitsu kakë ënë kamina tanti ꞌikanin, usakin ax kikësabiokin ꞌai kamina bakë bëchipati achúshi ëma chaiira ꞌixun atu ꞌakin kupitanunma ꞌaxun kamina, a ꞌinánnuxua nun chaitiokëkama Diosan ka me a biti ꞌain.

Deuteronomio 9:5

Usa ꞌain ka mitsun upí ꞌixun biti kupíma a memi binun; atun ꞌucha kupín mitsun ismainunbi atun menua a unikama Nukën ꞌIbun chikínti ꞌikën, ꞌimainun ka anbia nun chaitiokë Abraham Isaac ꞌimainun Jacob akama kásabiokin ꞌati ꞌikën.

Hebreos 6:13

Nucën Papa Diosbë ca camabi uni ꞌimainun ángelcamaribi sënëníma. Usa ꞌixun ca anbi sinanatëcëntimoquin Abraham cacëxa:

Hebreos 6:14

“Ësoquin cana asérabi ꞌati ꞌain. Cana mi upí oquin sinánxunquin bëchicëñu mi ꞌimianan min rëbúnqui ꞌitsaira ꞌinun uámiti ꞌain”.

Josué 1:6

Usa ꞌain kamina rakuë́ti sinanima kushikanti ꞌain, min kamina ënë unikama me ꞌinánti ꞌain, a me ꞌinánuxun kana ꞌën mitsun chaitiokëkama kakën.

Jueces 2:1

Nukën ꞌIbu ángelnën ka Guilgal kakë anuax kuanxun Boquim kakë me anua Israel unibu ësokin kakëxa: ꞌËn kana mitsu Egipto menua chikínbëtsinkin a ꞌinánuxun mitsun chaitiokëkama ka me ënu bëakën, bëxun kana ësokin kakën: Uinsaranbi kana ꞌën mitsubëtan achúshi ñu ꞌakë a manutima ꞌain,