Deuteronomio 1:2 - Kashibo-Kakataibo Biblia

² Aín bashi Sinaí anuax kuantankëx Cadés-barnea kakë anu bëbai kuani kuanti ka mapai rabë́ ꞌimainun achúshi nëtë niti ꞌiakëxa, ax ka anun Seír kakë me ꞌikëbia Edom kakinribi anëkë me anu kuanti bai a ꞌiakëxa.

Deuteronomio 1:2 ပူးပေါင်းရင်းမြစ်များ

Génesis 32:3

Usokin ꞌatankëxun ka Jacobnën aín unikama kuënxun Seír kakë me anua kuantanun xuakëxa, xukin ka min xukë́n Jacob ka aia kixuan aín xukë́n apan Esaú chaniotanun kixun xuakëxa, ax ka Edom kakë me anu tsókë uni ꞌiakëxa,

Éxodo 17:6

ꞌËn kana Horeb kakë bashi anuxun mi kaini kuanti ꞌain, usa ꞌain kamina anu bëbakin min tsatin mapara taxkai kuanti ꞌain. Taxkakëbëshi ka anuax ꞌumpax chikiti shakibutia ka unikaman xëati ꞌikën. Usakian kakëx kuanxun ka Moisésnën abëa kuankë Israel ain kushikaman ismainunbi aín tsatin mapara taxkakëxa,

Éxodo 3:1

Moisésnën ka aín kuku Jetró ꞌikëbi Reuel kakinribi anëkë uni an ꞌarakakë ovejakama bërúanxuankëxa, a unix ka sacerdote Madián kakë me anu ꞌikë ꞌiakëxa, achúshi nëtën ka anu uni ꞌikëma menu aín kukun ñuina ꞌarakakëkama buani kuankëxa, kuanx ka Diosan bashi kakë chairukë anu bëbakëxa ax ka Horeb kakë ꞌiakëxa.

Números 13:26

Cadés kakë anu uni ꞌikëma me Parán anubi rikuatsiankëxa. Anu ka Moisés, Aarón ꞌimainun kamabi israel unibu ꞌiakëxa. Anu bëbatankëxun ka uisa kara a mekama ꞌiaxa a ꞌimainun an buánkë bimi akama ismianan a menu ꞌikë unibu isbiankë akamabi Moiséskëñun israel unibu ñuixuankëxa.

Deuteronomio 9:23

ꞌImainun kamina Nukën ꞌIbun mitsu Cadés-barnea anuax kuanxumi an mitsu ꞌinánti me a bitánun kakëxbi kana biti ꞌain kixun sinanima, mitsux ꞌikësabi ꞌitëkënkin an kakësabiokin ꞌama ꞌain.