Daniel 9:9 - Kashibo-Kakataibo Biblia

⁹ ꞌAínbi kamina mix Dios ꞌixun nu nuibanan usai karanuna ꞌiisa tani uisai ꞌiabi nu nuibakë ax kuni asábi ꞌikën. Nukamax kananuna min kakësoi ꞌikëma ꞌain,

Daniel 9:9 ပူးပေါင်းရင်းမြစ်များ

1 Reyes 8:30

Usa ꞌain kamina ꞌën ñukákëxun kuanan min unikama Israel atúnribi anuxun mi rabiti xubu ënëmia iskin mi ñukákëxun atun bana kuati ꞌain. Kuakin kamina anumi ꞌikë naíkamë ꞌëo anuxunbi, ꞌatima ñu ꞌaínu ꞌuchakë akama nu mëníoxunti ꞌain.

Nehemías 9:31

Usai ꞌiabi kamina min ꞌitsaira nuibakin kamabi atu këñuananbi manukin ëanma ꞌain; usa ꞌaish kamina mix nuibanairakë Dios a ꞌain.

Salmos 130:4

ꞌAínbi kamina min nux ꞌuchakëkama nu mëníoxunin, usa ꞌixun kananuna nun mi rabiti kuëënin.

Salmos 130:7

usaribi okin kamina Israel unikama mitsun kaínti ꞌain, an ka asérabi nuibanankë ꞌixun nux uisaibi ꞌiti kuëënima.

Isaías 55:7

Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’

Isaías 63:7

ꞌËn kana ñuitisa tanin uisakin kara Nukën ꞌIbun nu nuibatia kixun, ꞌianan kana a rabi kantatisa tanin, kamabi ñu an nukama ꞌaxunkë a kupín, an ka Israel ꞌaintsikama ꞌitsaira nu nuibakin, ax nuibanankëira ꞌixun usakin ꞌaxa usa ꞌain, axëshi nuibanankë a ꞌikën.

Jeremías 14:7

¡Nukën ꞌIbu Dios nun ꞌuchakë anbi ka nukama ꞌaisama ꞌimia, usa ꞌain ka mix nuibanankë ꞌain min anë ax upíokin rabikë ꞌiti ꞌikën! Usa ꞌaínbi kananuna mix kikësoi ꞌima ꞌitsaira nukamax mimi ꞌuchan.

Daniel 9:5

nukamax kananuna ꞌatima ñu ꞌai ꞌuchan; usai ꞌikin kananuna ꞌatima ñuira an; ꞌianan min usai tsóti kuëënkë a ꞌunánimabi ꞌian; usai ꞌikin kananuna a tanti min banakama kikësokin ꞌanan, min sinánmikësoi ꞌisama tan.

Daniel 9:6

ꞌIanan kananuna an min bana ñuikë min unikama kakëxunbi kuaisamatan, atun ka nun ꞌapukama ꞌimainun nun kushikama ꞌianan nun chaitiokëkama ꞌimainun kamabi Israel unikama min anë ñuikin bana ñuixuankëxa.

Daniel 9:7

Nukën ꞌIbu Dios mix kamina uisa ñu ꞌatimabi ꞌakëma a ꞌain, ꞌaínbi kananuna judíos unikama nux bërí rabinkësa tanin; Jerusalénnu tsókë ꞌimainun raíri Israel unikama ꞌimainun, ꞌurama ꞌikë ꞌianan ꞌura ꞌikëkama min kakësa okin ꞌaiama, min ꞌamikëxun axa numi nishkë unikaman atun menu buanka akama ꞌikën.

Daniel 9:8

Nukën ꞌIbu, nukamaxribi kananuna nun ꞌapukama ꞌianan, nun kushibu, nun chaitiokëkama ꞌiásaribiti mimi ꞌuchakë ꞌixun rabinkësa tanin.

Jonás 4:2

Usa ꞌain ka abë banakin Dios ësokin kakëxa: —ꞌËn ꞌIbu Dios ësa ñu ka ꞌiti ꞌikë, kiax kana ꞌën menuaxi ꞌëx kian. Usa ꞌain kana bënëtishi Tarsis menu abáti sinánkë ꞌian, ꞌën kana mix kamina achúshi Dios nuibanairakë ꞌaish bënëtishi nishkëma a ꞌai kixun ꞌunánkë ꞌian, usa ꞌain kamina ꞌën sinánkëxun ꞌitsaira uni nuibakin ꞌatimokin tëmëramikatsi kixunbi mimia sinanatia ꞌakëma ꞌain kixun ka munuma banai ami nishkin Dios kakëxa.