Daniel 9:8 - Kashibo-Kakataibo Biblia

⁸ Nukën ꞌIbu, nukamaxribi kananuna nun ꞌapukama ꞌianan, nun kushibu, nun chaitiokëkama ꞌiásaribiti mimi ꞌuchakë ꞌixun rabinkësa tanin.

Daniel 9:8 ပူးပေါင်းရင်းမြစ်များ

Nehemías 1:6

ꞌën mi ñukákëxun kamina bërí kuati ꞌain, imë́ ꞌimainun nëtën kana min uni Israel unikama mi ñukáxunin. ꞌËnbi kana ꞌunanin Israel uni nukamax kananuna mimi ꞌuchan; ¡ꞌën aintsi ꞌibu kamabëbi kana ꞌëxribi mimi ꞌuchakën!

Isaías 64:4

Uinsaranbi ka uinu ꞌikë unínbi, anu ka misaribi bëtsi dios ꞌikë kixun ñuia unin kuananbi ꞌisama ꞌikën, usa ꞌain ka bëtsi dios an min ꞌakësokin an ñu ꞌakin, axa ami katamëkë unikama ꞌakinkin ꞌakë ꞌaíma ꞌiakëxa.

Jeremías 14:20

Nukën ꞌIbu Dios nun kananuna ꞌatima ñu ꞌakë ꞌimainun nun chaitiokëkamaxa mimi ꞌucha akamaribi ꞌunanin; usa ꞌain kananuna nukamax mimi ꞌuchan.

Jeremías 7:19

ꞌAínbi ka ꞌëa aín banan nishmikë usamaira oi atúxa kikë bana anunbi nishia, usai ꞌika aín bana anunbi katë́ti ꞌikania. ꞌËx Min ꞌIbu ꞌaish kana ësai kin.

Daniel 9:9

ꞌAínbi kamina mix Dios ꞌixun nu nuibanan usai karanuna ꞌiisa tani uisai ꞌiabi nu nuibakë ax kuni asábi ꞌikën. Nukamax kananuna min kakësoi ꞌikëma ꞌain,