Daniel 9:6 - Kashibo-Kakataibo Biblia

⁶ ꞌIanan kananuna an min bana ñuikë min unikama kakëxunbi kuaisamatan, atun ka nun ꞌapukama ꞌimainun nun kushikama ꞌianan nun chaitiokëkama ꞌimainun kamabi Israel unikama min anë ñuikin bana ñuixuankëxa.

Daniel 9:6 ပူးပေါင်းရင်းမြစ်များ

2 Reyes 18:12

Ënë ñukama ka Israel unikama inúakëxa atúnbi ka Diosan bana kikësoi ꞌisamatankankëxa, usai ꞌikin ka a tanti bana ꞌatima okankëxa aín uni Moisés usakin atu ꞌunánminun kixun Diosan ká banakama abi kuaisama tankë kupín.

Nehemías 9:30

Usaia ꞌitsa baritia ꞌiabi kamina atu munu nuibakin min bëru ñunshin ꞌimainun; an min bana ñuikë unikaman usai kamina tëmërakanuxun ꞌai kixun kakëxa, kakëxunbi kuaisama tankën, usai ꞌia kana ami nishkë unikama bëtsi menu ꞌikë unikaman atu ꞌatimonun ëankën.

Nehemías 9:32

Mix kamina chaiira ꞌianan Dios kushiira ꞌain ꞌimainun ka kamabi unix mimi rakuë́tia, usa ꞌaish kamina Dios ñu ꞌakatsi kiax kana ꞌaima kikínma an ñu asérabi ꞌakë a ꞌain, ꞌimainun kamina uínsaranbi nu nuibakin ënkëma ꞌain, minbi kamina isan uitishi kara nun ꞌapukama ꞌimainun ain kushikama ꞌianan, nun sacerdote ꞌimainun an min bana ñuikë unikamabë nun chaitiokëkama ꞌiásaribiti tëmëraia, a nëtëkaman Asiria ꞌapun aín suntárukamabëtan ꞌakëxnu ꞌia usaibi kananuna bëríbi tëmërai ꞌin.

Nehemías 9:34

Usa ꞌaínbi ka nun ꞌapukama ꞌimainun aín kushikama ꞌianan sacerdotekama, ꞌimainun nun chaitiokë kamanbi ka min bana a tanti bana kikësokinbi ꞌama ꞌikën.

Jeremías 26:5

an bana ñuikë ꞌën unikama ꞌitsokin xutia xutiabi, kamina an kakë banakama kuaisamatankankë ꞌaínbi kamina atun bana kikësokin ꞌakankëma ꞌain,

Jeremías 7:13

ꞌËn amiribi amiribi usaími tsókankë a ñuikin kakëxunbi kamina mitsun kuaisama tankën, usa ꞌaínbi kamina kuaisama tankin, ꞌëbi kaisama tankën. ꞌËx Min ꞌIbu ꞌaish kana ësai kin.

Jeremías 7:24

ꞌAínbi ka ꞌëx kikësokin ꞌaisama tanan, ꞌën bana kuaisamatani, atun kuëënkësokinshi ñu ꞌatima ꞌatishi sinani ꞌikankëxa. Usakin ꞌakin ka ꞌëmi sinántëkënkinma, atun kuëënkë ñuishi rabiti ꞌakankëxa.

Daniel 9:10

nun kananuna min kakëxun min bana kuakinbi ax kikësokin ꞌakëma ꞌain, Nukën ꞌIbu ꞌimainun nun Dios kananuna min kakëxun min unikama an bana ñuikëkaman ꞌunánmikëxun min bana kuakëma ꞌain.

Daniel 9:9

ꞌAínbi kamina mix Dios ꞌixun nu nuibanan usai karanuna ꞌiisa tani uisai ꞌiabi nu nuibakë ax kuni asábi ꞌikën. Nukamax kananuna min kakësoi ꞌikëma ꞌain,

Mateo 23:37

Jerusalenu ꞌicë unicama, cana mitsu cain, mitsux camina an Nucën Papa Dios quicë bana uni ñuixuncë unicama ꞌanan a an aín bana ñuixunun xucë unicamaribi maxaxan ꞌá, mitsun raracama axa ꞌiásaribi ꞌain. ¿Uitishi oquin carana mitsu nuibaquin bërúanquin ꞌaquinsa tan? ꞌAtapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin ꞌaquinsa tan. ꞌAquinsa tancëxbi camina mitsux cuëëncëma ꞌain.

Hechos 13:27

Ësaquinribi ca Pablonën Pisidia menu ꞌicë ëma, Antioquíanu ꞌicë anua judíos unicama timë́ti xubunuxun cacëxa: —Jerusalénu ꞌicë unicamabëtan ca aín cushicamanribi Jesús, ax ca Cristo, axa uti atun caíncë, a ꞌicë quixun ꞌunánma ꞌicën. Anun ñu mëëtima nëtën ꞌicëbë timë́xun an Nucën Papa Dios quicë bana uni ñuixuncë unicaman cuënëo bana iscë ꞌixunbi ca uisai quicë cara quixun ꞌunanimabi —ax ca bamati ꞌicë —quiacëxa, a bana quicësabi oi.