Mitsux kamina ësai kin: “Nukamax kananuna bamati abë achúshi ñu ꞌai mënion, usa ꞌain kananuna uisa ñu kara ꞌikëbëbi bamatima ꞌain. Usai ꞌia ka ñu ꞌaisama ꞌinúkë anbi nu ꞌaisama otima ꞌikën, nun kananuna këmëkë an nu ꞌakinun kixun barian, ꞌimainun kananuna bëtsi paránkë anribia nu bërúanun kixun baria.”
Daniel 9:27 - Kashibo-Kakataibo Biblia27 Usa ꞌain ka achúshi semana ꞌitëkënkë anun ꞌitsa uni kamabëtan mëníokin achúshi ñu ꞌati ꞌikën, ꞌaínbi ka achúshi semana ꞌikë a nëbë́tsinuxunshi uínbi ñuina ꞌaímai këñutanun Dios xaroxuanan ñu ꞌinainshitima ꞌikën. Usa ꞌain ka anuxun ñuina Dios xaroxunkë ax ꞌatima tikiti ꞌikën, usa ꞌain ka ꞌami kuaikin usakin an ꞌakë uni a Diosan ꞌatimaira oti ꞌikën, kiax ka kiakëxa.” (Bana ꞌunánkë uni raírinën sinánkëx ka achúshi semana ꞌain ki kikë ax siete baritia ꞌikën.) အခန်းကိုကြည့်ပါ။ |
Daniel 9:27
43 ပူးပေါင်းရင်းမြစ်များ
“ꞌËx min ꞌIbu ꞌixun kana ꞌën unimi ꞌinun mi kuëankën, ꞌimainun kana ꞌën mëkënan tuinkësa ꞌixun mi ꞌakinkëxmi, a banamiti ñusa ꞌixunmi, min uni ië́minun mi ꞌimiti ꞌain; ꞌën kana mi uniokën, usa ꞌixun kamina min, ꞌën ꞌa ñukama ñuikin ꞌën unikama kati ꞌain, an ka min tirítan pëkakësa ꞌixun bëtsi menu tsókë unikama asérabi ënkinma upíokin ñu ꞌanun ꞌunánmiti ꞌikën.
Usa ꞌixun ka an Dios manámi ꞌikë kushiira ꞌatimakin ñuianan an rabikë unikama këñukin pëuti ꞌikën; ꞌanan ka Dios kia bana aribi bëtsiokin nainsa tanan usakin unikaman fiesta ꞌatia Dios kia aribi bëtsiokin nainsa tanti ꞌikën, usa ꞌain ka an Dios rabikë unikaman ꞌapu an kakësokinshi ꞌati ꞌikën, rabë́ ꞌimainun achúshi baritia ꞌirukë anua mapai achúshi ꞌimainun achúshi ꞌuxë sënë́mi kiti ꞌikën.
Usaquin caxun ca Jesusan ësaquinribi aín ꞌunánmicë unicama cacëxa: —An Nucën Papa Dios quicë bana unicama ñuixuncë uni Danielnëan a ñuiquin cuënëo uni ax ca ꞌatimaira ꞌicëa unin timacë ꞌaíshbi aín suntárucamabë uti ꞌicën. Danielnëan ñuia uni ax ca utancëx ami sinanimabi anuxun Nucën Papa Dios rabiti xubu Jerusalénu ꞌicë, anu ꞌiti ꞌicën. An ënë bana iscë uni an ca uisai quice cara quixun ꞌunánti ꞌicën.
Usaquin caxun ca Jesusan ësaquinribi aín ꞌunánmicë unicama cacëxa: —An Nucën Papa Dios quicë bana unicama ñuixuncë uni, Danielnëan a ñuiquin cuënëo uni ax ca ꞌatimaira ꞌicëa unin timacë ꞌaíshbi aín suntárucamabë uti ꞌicën. Aí ca ax anua ax ꞌitima anu ꞌiti ꞌicën. An ënë bana iscë uni an ca uisai quicë cara quixun ꞌunánti ꞌicën. Usai ꞌicëbë ca unicama ami racuëti Judea menu ꞌicë ëmacamanuax abáquiani matánu cuanti ꞌicën.
Judíosma unibu ami catamëcëbë ca judíos unibunëxribi ami catamëti ꞌicën, Nucën Papa Diosan bana cuënëo ësai quicësabi oi: An unicama asérabi Nucën Papa Diosnan ꞌinun ië́miti ax ca Siónu ꞌicë judíos unicama achúshi ꞌiti ꞌicën. An ca Jacobnën rëbúnqui judíos unicama ami catamëcëxun atun ꞌucha tërë́nquin atun nuitu upí ꞌimiti ꞌicën.
Adán cupía unicama ꞌuchañu ꞌaínbi ca Nucën Papa Diosan a ꞌuchacama tërë́ncë ꞌinun mëníocëxa. Adanëxa Nucën Papa Diosmi ꞌuchacë cupí ca ꞌaisamaira uni Nucën Papa Diosbë ꞌitimoi bamaia. Usa ꞌaínbi ca achúshi uni, Jesucristo, a cupía ꞌaisamaira uni cupíoima abë nëtë́timoi ꞌinun Nucën Papa Diosan mëníocëxa.
Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.
ကြော်ငြာတွေ