Daniel 9:17 - Kashibo-Kakataibo Biblia

¹⁷ Usa ꞌain kamina mix Dios ꞌixun min kaisa uni ꞌixun ꞌën mi ñukákëxun ꞌën bana kuati ꞌain; minbi kamina a isi masá nuitukin uisa kara anuxun mi rabikë xubu ax bërúakëxa kixun isin.

Daniel 9:17 ပူးပေါင်းရင်းမြစ်များ

1 Reyes 8:28

Usa ꞌain kamina akama këñunbi mi ñukákëxun kuakin; mix Nun Dios ꞌixun mi ñukamainun bërí ꞌën bana kuakin min uni ꞌikë ꞌë ꞌakinti ꞌain.

Nehemías 1:6

ꞌën mi ñukákëxun kamina bërí kuati ꞌain, imë́ ꞌimainun nëtën kana min uni Israel unikama mi ñukáxunin. ꞌËnbi kana ꞌunanin Israel uni nukamax kananuna mimi ꞌuchan; ¡ꞌën aintsi ꞌibu kamabëbi kana ꞌëxribi mimi ꞌuchakën!

Salmos 119:135

Min uni ꞌikë ꞌë upíokin isanan kamina, a tanti min bana akamaribi ꞌë ꞌunánmiti ꞌain.

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Salmos 80:19

Nun ꞌIbu Dios kamabi kushiñuira, ¡Bëráma nux ꞌiásabi tsónun kamina, nu ꞌakinti ꞌain! ¡Usokin nu ꞌakinkin kamina nu ië́miti ꞌain!

Salmos 80:3

Mix nun Dios ꞌixun kamina, ¡bëráma ꞌiásaibi ꞌinun nu ꞌakinti ꞌain! ¡Upiokin iskimi nu ꞌakinkëx kananuna nukamax ië́kë ꞌiti ꞌain!

Salmos 80:4

Nun ꞌIbu Dios kamabi kushiñuira, ¿uínsarainra kaina min unikaman ñukákëxbimi nishkë ꞌixun atu ꞌakinkëma a ënti ꞌain?

Salmos 80:7

Nukën ꞌIbu Dios kamabi kushiñu nukama kamina, ¡bëráma ꞌiásabinu ꞌinun ꞌakinti ꞌain! ¡ꞌIanan kamina min upíokin nu isti ꞌain, usakinmi ꞌakëx kananuna ië́kë ꞌiti ꞌain!

Daniel 9:19

¡Nukën ꞌIbu, Nukën ꞌIbu! ¡Nun bana kamina kuati ꞌain, nun ꞌakë ñukama kamina nu mëníoxunti ꞌain! ¡ꞌAnan kamina nukamannu mi ñukákëkama nu ꞌakini uti ꞌain! ¡Mixi Dios ꞌixun ꞌanan kamina min ëma ꞌimainun min unikama an min anë rabikë akama ꞌakinti ꞌain kamina basitima ꞌain!

Juan 16:24

ꞌËnan ꞌixunbi camina ꞌëx quicësabi oquin añu ñubi Nucën Papa Dios ñucácancëma pain ꞌain. Ca ñucát. Ñucácëxun ca cuëëinra cuëënun an mitsu ꞌaxunti ꞌicën.

2 Corintios 1:20

Nucën Papa Dios quicësabi oi ca camabi ñu Cristo Jesús cupí sënë́oncë ꞌiti ꞌicën. Usaquin ꞌunánquin cananuna Jesucristo cupí, aín bana cuaquin —ca usai ꞌiti ꞌicë —quixun Nucën Papa Dios rabin.

Apocalipsis 21:23

A ëma ca Nucën Papa Diosanbi pëcaia. Carnero ꞌicësaribitia unin ꞌucha cupí bama, anribi ca a ëma pëcaia. Usa ꞌain ca baribëtan ꞌuxën a ëma pëcaima.