Daniel 9:13 - Kashibo-Kakataibo Biblia

¹³ Kamabi ñu ꞌatimakama nuxnu ꞌinúkë ax ka Moisésnën kuënëo bananu kikësabi oi ꞌia; usa ꞌaínbi kananuna nun mixmi nun Dios ꞌikë mi barikëma ꞌain, ꞌianan kananuna nun ñu ꞌatima ꞌakëkama abi ënkëma ꞌain, ꞌimainun kananuna min bana kikësoibi ꞌikëma ꞌain.

Daniel 9:13 ပူးပေါင်းရင်းမြစ်များ

2 Reyes 22:16

ꞌëx Dios ꞌaish kana ësai kin: ꞌËn kana Jerusalénnu tsókë unikama ꞌanan ain ëmaribi ꞌatima oti ꞌain, Moisésnën kuënëo banakama kirikanua mërakë anuaxa Judánu ꞌikë ꞌapu banai kia kuakë banai kia kuakë usabi okin kana ꞌati ꞌain.

Isaías 31:1

¡Uisai kara an Egiptonu ꞌikë unikama ꞌakinun kixun bari kuankë unikama ꞌiti ꞌikën, ꞌimainun kara axa atuinsa aín caballo ꞌitsañu ꞌixun ꞌakinun kixun sinanan, anuaxa ꞌakanankë caballonën nirinkë ꞌitsaira anun, ꞌakianan isa caballonu ꞌiruax kuanti unainrabu suntáru ꞌitsaira an isa ꞌakinti ꞌikë kixun Israel unikaman Dios upíira an ꞌakinun kixun ñukátima!

Isaías 42:9

Kamina ꞌunánkanti ꞌain bërámabi uisai kara ñu ꞌinuxun ꞌaia ꞌëx kia akamax ka sënë́ankëxa, ꞌianan kana bëría bënoi ñu ꞌitëkënti ami iskankëma a ñuikin; a mitsun ꞌunánti a ñukama ꞌikëmapan ꞌaínbi kana mitsu ñuixunti ꞌain.”

Isaías 43:22

ꞌAínbi kamina Israel unikama Jacobnën rëbúnki, mitsun ꞌë baritisama tani atsankin ꞌë ënkankën.

Isaías 64:6

Kamabi nux kananuna uni achúshi upíma chuakë usaribi ꞌain; kamabi nun ꞌakë ñu upíkama ax ka chupa chua usaribi ꞌikën; ꞌimainun kananuna nukamax pëi chushitankëx rëukubukë usaribi ꞌain, ꞌianan ka nun uni rëtëkë ax ka nun ñu ꞌatimaira ꞌakin, a tanti bana kikësokin ꞌakinma uni ꞌakë ax suñun kuainkin pëi pukë usaribi ꞌinun nu ꞌimia.

Isaías 64:7

Uinu ꞌikë unibi ka an mi ꞌakinun kixun ñukákë ꞌaíma ꞌikën, ꞌianan ka an mimi kushikin ꞌakinun kixun barikë ꞌaíma ꞌikën; usa ꞌain kamina nukamami kasuakëkin nu ëan, nun ñu ꞌatima ꞌai ꞌuchakë kupín kamina nu rakan.

Jeremías 2:30

ꞌËn kana ñankáishibi mitsun bakë bëchikëkama tëmëramiakën, atun ka ꞌën bana ꞌunánkin ax kikësokin ꞌaisama tankëxa. Mitsúnbi kamina paru ꞌinúan raëkëma, ꞌain piti bitsi në́kësa usaribi ꞌikin, an ꞌën bana ñuikë unikama ꞌakankën.

Jeremías 31:18

ꞌËn kana Efraínën rëbúnkikama ꞌitsaira masá nuituti ësai kikania kuan: ꞌËx kana bana kuakëma ꞌaish achúshi vaca tuá raëmisama usaribi ꞌiakën, usa ꞌikëbi kamina min ꞌë ꞌunánmamiakën; usa ꞌain kamina amiribishi mi rabitëkënun ꞌë ꞌimiti ꞌain, mix kamina ꞌën ꞌIbu Dios ꞌain.

Daniel 9:11

Kamabi Israel unikaman ka min ꞌunanmikëxunbi min bana kuaisama tanxa, usa ꞌain ka nunu ꞌatima ñuira min uni Moisésnën usakin kana ꞌatima oti ꞌai kixun kuënëomia usaibi ꞌiaxa, nux kananuna mimi ꞌuchan usa ꞌain.

Lucas 24:45

Usaquin caxun ca a ñuiquian cuënëo banacama upí oquian cuanun ñuixunquin anu timë́cë unicama ꞌunánmiacëxa.

Juan 10:35

Cananuna ꞌunanin, Nucën Papa Diosan bana cuënëo a ca unin —asérabima ca —quixun catima ꞌicën. Usa ꞌain ca an asérabi ami sinánquin aín bana cuacë unicama Nucën Papa Diosan “ꞌËn bëchicë ꞌaish camina dioscama ꞌai” quixun cacëxa.

Juan 6:45

An Nucën Papa Dios quicë bana uni ñuixuncë unicama achúshinën ca ësaquin cuënëocëxa: “Nucën Papa Diosan ca camabi uni ꞌunánmiti ꞌicën”. A unían cuënëosabi oi ca ui unicaman cara Nucën Papa Diosan sinánmicëxun ꞌunania, acamax ca ꞌëmi catamëtia.

Juan 8:32

Usai ꞌiquin camina ꞌën cushi, anun mitsux upí ꞌiti, a asérabi ꞌunánti ꞌain. ꞌUnanimi mitsux ꞌëx cuëëncësa oíshi ꞌia ca uínbi uisa ñu ꞌatimabi mitsu ꞌamitima ꞌicën.

Efesios 4:21

Mitsúxmi a rabi timë́cë ꞌain cara Jesús uisai mitsux ꞌiti cuëënia quixun ꞌunánmicë ꞌixun camina ꞌunanin, Jesusax ca mitsúxmi a unicama ꞌicësaribiti ꞌiti cuëënima quixun.

Santiago 1:5

Uisaira caramina ami cushiti ꞌai quixun ꞌunáncëma ꞌixun camina Nucën Papa Dios ñucáti ꞌain. Ñucácëxun ca an mi usaími ꞌiti ꞌunánmiquin cushioti ꞌicën. An ca an a ñucácë unimi nishquinma cuëënquin upí oquin ꞌunánmia.