Daniel 7:9 - Kashibo-Kakataibo Biblia

⁹ Usai ꞌikëbëtan abi ꞌën iskëxun ka anu tsótikama nanxa, nankëbë ka anu achúshi uni apan tsóbuaxa. Aín chupax ka matsi uxua iskësa uxuira ꞌiaxa, ꞌimainun ka aín bu axribi xapu uxua upíira iskësa ꞌiaxa. Usa ꞌain ka anua tsókë anun mañakë ax tsi ërë́rukë iskësa usaribi ꞌiaxa,

Daniel 7:9 ပူးပေါင်းရင်းမြစ်များ

1 Reyes 22:19

Kia ka Micaíasnën kakëxa: —Mix kamina usai kian, usa ꞌain kamina ꞌën ꞌIbun iskë ñu ñuikin mi kamainun upíokin kuati ꞌain: ꞌËn kana Nukën ꞌIbu anua tsótinua tsókë isan, isanan kana aín ángel naínua ꞌikë kamaribi a rapasu sëtë́kë aín mëkeu raíri ꞌimainun aín mëmiu sëtë́kë isan.

Salmos 90:2

Anun bashikama ꞌimainun me ꞌianan ënë, nëtëkama unitisama ꞌaínbi ꞌiá ꞌaish, kamina ënë nëtëkamanbi bëríbi mix Dios aira ꞌain.

Salmos 93:2

Usa ꞌain kamina bërámabi ꞌapu ꞌia ꞌaish bëríbi mix usabi ꞌain, ¡Mix kamina bërámabi usabi ꞌiakën!

Isaías 6:1

A baritian ꞌapu Ozías ñukë anun kana Dios anua tsókë manainra anuxunbia; aín chupa kuëxitan anun anuxun a rabiti xubu a mapukë isan.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Ezequiel 1:26

Kuanan kana anu niti ꞌakë a manámia anu tsóti ꞌakësa maxax upíira zafiro kakë, kuman batsisa isan isanan kana anu tsóti a manámiaribi uni achúshi iskësa ꞌiaxa.

Daniel 7:13

ꞌËn kana ënë ñukama namákësokin imë́ isan: Iskëbëshi ka nëtë kuin mëu unin bëchikësa ꞌaish uaxa, aia anua tsókë ami kikiani kuania ka uni apan an a ꞌurama onun ꞌamiaxa.

Daniel 7:22

usakin ꞌakëbëbi ukin ka uni apan ax bëbakin an ira Diosan kaískë uni ꞌakë unikama ꞌanun ꞌamiaxa, usakin ꞌatankëxun ka anuan ꞌati nëtë sënë́nkë ꞌain atúxa ꞌapu ꞌinun ꞌimiaxa.

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Habacuc 1:12

Ësai kia ka Habacucnën kakëxa: ¿Nukën ꞌIbu Dios mix karamina bërámabi ꞌia ꞌaish, ꞌën Dios upíira ꞌianan ñutima oi tsókë a ꞌain? Usa ꞌikë kana ꞌën mi rabin min kamina ꞌë bërúankin ꞌakian, minbi kamina an kuëënkësa okían nu ꞌatimonun Babilonianu ꞌikë unikama kushiira ꞌinun ꞌimia.

Mateo 17:2

Anu cuantancëx ca a unicaman ismainunbi Jesús bëtsiacëxa. Bëtsii ca barin pëcacësa ꞌinun aín bëmánan ichúacëxa. Aín chuparibi ca uxuira ꞌaish bari upí uruia iscësa ꞌiacëxa.

Mateo 28:3

A ángelnëx ca caná mëritia iscësa ꞌianan aín chupa uxuira uxu ꞌiacëxa, matsi uxuira iscësaribi ꞌiacëxa.

Marcos 9:3

Bëtsicëbë ca aín chupa uxuira ꞌaish chabachabaquicësa ꞌiacëxa. Usa ꞌaish ca ënë menu ꞌicë unínbia chupa chacaquinbi uxuocësamaira ꞌaish uxuira ꞌiacëxa.

Hechos 2:30

David, ax ca an Nucën Papa Dios quicë bana unicama ñuixuncë ꞌiacëxa. Usa ꞌixun ca paránuxunma Nucën Papa Diosan —min rëbúnqui achúshinëx ca judíos unicaman ꞌapu, Cristo, ꞌinuxun ꞌaia —quixun cá bana a ꞌunáncëxa.

Hechos 2:33

A ca Nucën Papa Diosan abë ꞌApu ꞌiti aín cushínbi baísquimiquin an cásabi oquin aín Bëru Ñumshin Upí ꞌinánxa. Usa ꞌain ca ami mitsun isanan cuacë ñucama, ënëx aín Bëru Ñumshin Upitan ꞌimicëx ësai ꞌia.

Filipenses 3:9

Usa ꞌaish cana usai judíos unicama ꞌiti Moisésnën cuënëo bana quicësabi oquin ꞌacë cupíma axa ꞌëbë ꞌinun Cristomi catamëcë cupíshi Nucën Papa Diosan iscëx upí ꞌain. Usa ꞌicë ca an axa Cristomi catamëcë aín unicama ꞌacësaribi oquin Nucën Papa Diosan ꞌë upí isia.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

1 Juan 1:5

Jesucristonënbia nu pain ꞌunánmia ꞌixun cananuna ënë bana mitsu ñuixunin: Nucën Papa Dios an ca asérabi upíira ꞌixun ñu upíshi ꞌaia. An ca unë́xun ñu ꞌaima. Usa ꞌain ca uisa ꞌuchabi anu ꞌaíma ꞌicën.

Apocalipsis 1:14

A uni ca aín maxcánu ꞌicë aín bu uxua ꞌaish carnero rani uxuira iscësa ꞌianan matsi uxuira iscësaribi ꞌiaxa. ꞌIanan ca ax cushiira ꞌaish aín bëru rabë́ tsi rëquirucë ënxáira iscësa ꞌiaxa.

Apocalipsis 19:18

ꞌApucama ꞌimainun suntárunën capitáncama, ꞌimainun aín cushi unicama, ꞌimainun axa caballonu tsócë unicama a ꞌimainun atun caballocamaribi, ꞌimainun an uni ñu mëëxuncëma unicama, ꞌimainun an uni ñu mëëxuncë unicama, ꞌimainun aín cushima unibu, ꞌimainun aín cushi unibu acama bamacë pi ca ut.

Apocalipsis 20:4

Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.

Apocalipsis 4:2

Cacëxunshi Nucën Papa Diosan Bëru Ñunshin Upitan ꞌimicëxun cana ꞌuxúnmabi namácësa oquin naicamëꞌëonua anu tsóti upíira upí anu ꞌApuira tsóti, a isan. Isanan cana axa anu tsócë Nucën Papa Dios aribi isan.