Daniel 7:28 - Kashibo-Kakataibo Biblia

²⁸ Ënëx ka anu sënë́nkin namákësa okin iskë ñuikë a ꞌikën. ꞌËx Daniel ꞌaish kana ꞌitsaira anun masá nuitukin sinani, ꞌën bëmánanbi pëki ꞌian; usai ꞌikinbi kana uibi a ñukama ñuixunkëma ꞌain.”

Daniel 7:28 ပူးပေါင်းရင်းမြစ်များ

Génesis 37:10

Ësokin ka Josénën namátankëxun aín papa këñun aín xukë́antu ñuixuankëxa, ñuixunkëxunbi ka aín papan ësokin kakëxa: —¿Uisakin namákin kaina usokin namán? ¿Min kaina min tita ꞌimainun min xukë́nkamabë isana ꞌëx mi ꞌurama kuani mimi ñanati tëtúbuti ꞌai kixun sinanin?

Génesis 37:11

Usa ꞌain ka aín xukë́n apankama ꞌaisamairai ami xuamati nishakëxa, usai atux ꞌia iskin ka aín papan aín nuitu mëushi ënë ñukama manukima sinánkëxa.

Daniel 4:16

ꞌImainun ka unin sinánkësa okían sinánkë a nëtë́ti ñuinanën sinánkësoi achúshi ñuinasaribi ꞌiti ꞌikën, usaía ꞌatimakë ax ka mapai achúshi ꞌimainun rabë́ baritia pain basiti ꞌikën.

Daniel 4:19

Usa ꞌain ka Daniel kakin anëkë ꞌikëbi Beltsasar kakinribi anëkë ax ꞌëorapain ain sinánkë rakarakëtamainun sinani niaxa. Usai ꞌiabi kana ꞌëx ꞌapu ꞌixun kan: Beltsasar ꞌitsaira sinánkinma kamina uisakin namákë kara ꞌën namákë ax ꞌikë ꞌë ñuixunti ꞌain kixun kan. Kakëxun ka Beltsasarnën ꞌë kakëxa: Min namákë ax ka uin kara mi ꞌaisama oisatania a unikamanubi pakëti ꞌikën.

Daniel 5:6

ratuti bëpëki bërëi saki ꞌikë anunbi aín xo rabë́ bëtsimi ratíkai aín maxkámibiki ꞌitsaira rakuë́ti bërëakëxa.

Daniel 7:15

“ꞌËx Daniel ꞌaish kana namákësokin iskë anun ꞌitsaira rakuëan; usai ꞌi kana ꞌën iskë ñukama ami ꞌitsaira sinan,

Marcos 9:15

Usai cuëbicanánquinbi Jesús aia isi camáxbi ratuti abáquiani riquianxun ca —¿Caina ain? —quixun cacëxa.

Lucas 2:19

Ratúquinbi ca Maríanën aín nuitu mëúishi ënë ñucama manuquinma sináncëxa.

Lucas 2:51

Usa ꞌain ca José ꞌimainun Maríabë Jesús Nazaretnu cuantëcëancëxa. Cuanx anuax caniquin ca aín ꞌunan papa ꞌimainun aín tita quicësabi oquin ñu ꞌacëxa. Usaía canimainun ca Maríanën Jerusalénuaxa Jesús ꞌicëcama a manuquinma sináncëxa.

Lucas 9:44

—Camina upí oquin cuati ꞌain. Cuaquin camina mitsun uisa ꞌixunbi manutima ꞌain, uni ꞌinux Nucën Papa Diosnuax uá ꞌë ca unin an raíri uni ꞌaminun uni ꞌinánti ꞌicën.