Daniel 7:23 - Kashibo-Kakataibo Biblia

²³ Usa ꞌain ka ësai kiaxa: A ñuinakan ꞌëo achúshinëx ka raíripan ꞌia ꞌain, axribi ënë menu ꞌapu ꞌiti ꞌikën, ax ka bëtsi ꞌapukama ꞌiásama ꞌiti ꞌikën. Usa ꞌixun ka an kamabi menu ꞌikë ꞌapukama uisa kara okatsia usakin ꞌain taën amákësokin masókin këñuti ꞌikën.

Daniel 7:23 ပူးပေါင်းရင်းမြစ်များ

Daniel 2:40

Usakin an pain ꞌan ka bëtsi ꞌapuribi manë tunanën kushisa ꞌixun, anribi manë tunanën ꞌakësa ꞌinun aín suntárukamabëtan bëtsi ꞌapukaman ꞌakin masókin ꞌati ꞌikën.

Daniel 7:22

usakin ꞌakëbëbi ukin ka uni apan ax bëbakin an ira Diosan kaískë uni ꞌakë unikama ꞌanun ꞌamiaxa, usakin ꞌatankëxun ka anuan ꞌati nëtë sënë́nkë ꞌain atúxa ꞌapu ꞌinun ꞌimiaxa.

Daniel 7:24

Mapai rabë́ manchankama ax ka mapai rabë́ ꞌapu axa bëtsix ꞌikëbë ꞌikëbë ënë menu ꞌapu ꞌikanti a ꞌikën. Usai atux pain ꞌapu ꞌian ka bëtsiribi, ꞌapu ꞌiti ꞌikën, ax ka ax pain ꞌapu ꞌikë usamaira ꞌiti ꞌikën, ax ka manchan chukúma a ꞌiti ꞌikën. Usa ꞌixun ka an rabë́ ꞌimainun achúshi ꞌapu atu meu ꞌinun ꞌimiti ꞌikën,

Daniel 7:7

ꞌImainun ka ashiti sënë́nkin ꞌën namákësokin iskë ñuinakan ꞌëo ax ꞌaisama ꞌianan rakuë́mianankë ꞌaish kushiirabu ꞌiaxa. Aín xëta ax ka chaiira ꞌaish manë iruira usa ꞌiaxa; usa ꞌixun ka kamabi ñu pianan masókin ꞌanan axa tëxëkëkama aribi chakakin amáxa. Usa ꞌaish ka achúshi ñuinakan ꞌëo ꞌën namákësokin iskë usama ꞌiaxa, ꞌimainun ka mapai rabë́ manchanñu aín maxkánu ꞌiaxa.

Lucas 2:1

Ënë menua Jesús uti ca ësai ꞌiacëxa: Romanu ꞌicë ꞌapu, César Augusto, aín bana ca cuacocancëxa, camabi unix ca aín anë quiricanu ꞌai cuanti ꞌicë quixun.