Daniel 7:22 - Kashibo-Kakataibo Biblia

²² usakin ꞌakëbëbi ukin ka uni apan ax bëbakin an ira Diosan kaískë uni ꞌakë unikama ꞌanun ꞌamiaxa, usakin ꞌatankëxun ka anuan ꞌati nëtë sënë́nkë ꞌain atúxa ꞌapu ꞌinun ꞌimiaxa.

Daniel 7:22 ပူးပေါင်းရင်းမြစ်များ

Isaías 63:4

ꞌËn kana bëráma sinánkë ꞌiakën, achúshi nëtën kana ꞌëmi nishkë unikama tëmërakin ꞌati ꞌai kixun; usa ꞌain kana a nëtë ꞌikëbëtan ꞌën unikama bitëkënkin ië́miti ꞌain.

Daniel 7:18

Usokin ꞌakë ꞌaínbi ka Dios manámi ꞌikë an kaískë unikama atúxa xënibua ꞌaínbi ꞌapu ꞌinun ꞌinánkë ꞌiti ꞌikën.

Daniel 7:23

Usa ꞌain ka ësai kiaxa: A ñuinakan ꞌëo achúshinëx ka raíripan ꞌia ꞌain, axribi ënë menu ꞌapu ꞌiti ꞌikën, ax ka bëtsi ꞌapukama ꞌiásama ꞌiti ꞌikën. Usa ꞌixun ka an kamabi menu ꞌikë ꞌapukama uisa kara okatsia usakin ꞌain taën amákësokin masókin këñuti ꞌikën.

Mateo 19:28

Cacëxun ca Jesusan aín ꞌunánmicë unicama cacëxa: —Asérabi cana ꞌën mitsu cain, uni ꞌinux anuax uá, ꞌëx Nucën Papa Diosan mëníosabi oi nëtë iótëcëncëbë ꞌapuira ꞌain camina, asérabi ꞌën bana cuacë ꞌaish mitsun ꞌëbë cushi ꞌixun Israelnën bëchicë mëcën rabë́ ꞌimainun rabë́ aín rëbúnqui judíoscamax cara atúan ñu ꞌacë cupí, uisai ꞌiti ꞌicë quixun cati ꞌain.

2 Tesalonicenses 2:8

Usoquin ëncëx pain aia cëmën tapun ꞌatima uni a camabi unin isiabi ca Nucën ꞌIbu Jesusan axira uquin aín cuëbitan uíncënëinshi ꞌaquin aín cushían pëcabëtsincë anúinshi cëñuti ꞌicën.

Apocalipsis 1:6

nuxnu ainan ꞌaish ax ꞌApu ꞌain nuxribi ꞌapu ꞌinun nu ꞌimianan, nux sacerdote an uni itsi a ñucáxuncë ꞌixun aín Papa Dios rabinun nu ꞌimiaxa. A ca camabi unin rabiquin —mixëshi cushi ꞌaish camina mixira cëñútimoi ꞌApu ꞌin —quixun caquin rabiti ꞌicën. Usaquin ca ꞌati ꞌicën.

Apocalipsis 20:4

Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.

Apocalipsis 5:10

Ië́mianan camina atu Nucën Papa Diosbë ꞌapu ꞌinun ꞌimianan judíos sacerdotesa ꞌimiquin an Nucën Papa Diosbë banaquin a rabicë ꞌimian. Usaquinmi ꞌimicëx ca mibë ënë menu ꞌicë unicaman ꞌapusa ꞌiti ꞌain.