Daniel 7:14 - Kashibo-Kakataibo Biblia

¹⁴ ꞌAmitankëxun ka uni apan an aín kushi ꞌinánkin axa ꞌapu chaiira ꞌi kushiira ꞌinun ꞌimianan, kamabi menu ꞌikë ꞌimainun bëtsi banan banakë unikaman ñu mëëxunkin rabinun ꞌimiaxa. Usa ꞌaish ka aín kushi ax ꞌiásabi kushiira ꞌiti ꞌikën, ꞌimainun ka uínbi ax ꞌapu ꞌikë uínsaranbi masókë ꞌitima ꞌikën.

Daniel 7:14 ပူးပေါင်းရင်းမြစ်များ

Salmos 103:19

Nukën ꞌIbu Dios ax ka naíkamë ꞌëo anu ꞌapuira ꞌikën, usa ꞌaish ka ax kamabi ñukaman ꞌibuira ꞌikën.

Salmos 145:13

Mix ꞌapu ꞌia ax ka xënibua ꞌainbi mix ꞌapu ꞌiti ꞌikën, usa ꞌain ka kamabi unin rëbúnki ax mix kuëënkësabi oi ꞌiti ꞌikën.

Salmos 72:11

¡Kamabi menu ꞌikë ꞌapukamax ka, an ismainunbi menu rantinpuruni tsóbuti ꞌikën! ¡Kamabi menu ꞌikë unikaman ka an kakësabiokin aín bana tankin ñu ꞌati ꞌikën!

Salmos 72:17

¡Usa ꞌain ka ꞌapun anë ax manukima usabi okin sinánkë ꞌiti ꞌikën; usa ꞌain ka an ꞌakë ñukama kamaxunbi ꞌunánkë ꞌaish bari këñutisama pain ꞌain an ꞌakë ñukamaxribi këñutima ꞌikën! ¡ꞌIanan ka kamabi menu tsókë unikama a ꞌapu kupín upíokin sinánxunkë ꞌiti ꞌikën! ¡Usa ꞌain ka kamabi menu ꞌikë unikaman ax ka chuámarua tsotia kiax kiti ꞌikën!

Salmos 8:6

Usakin ꞌaxun kamina min uniokë kamabi ñun ꞌibu ꞌinun nu ꞌimianan, kamabi ñu a manámi ꞌixun bërúain:

Isaías 60:12

Uinu ꞌikë menu ꞌikë ꞌapun kara aín unikamabëtan ꞌakinsama tania ax ka; aín ëmakama këñunbi ꞌatima okin masókin këñúkë ꞌiti ꞌikën.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

Daniel 2:35

Usakian ꞌakëx ka bënëtishi, manë tunan, me tëi, manë panshian, manë uxua a ꞌimainun kuri akamaxi baritiañu me kupúkë iskësaribiti ꞌiaxa, ꞌianan ka baritiañu barionkin tákaia trigonën chua aín bëru a bërutamainun suñun aín chua chamarabi bërutanuma buánkë usaribiti ꞌiaxa. ꞌAínbi ka an ñu nitsínkë chakakë maxá chaiira ax aín bashi chaiira ꞌinun unikin mekama tsitsiruaxa.

Daniel 2:37

Mix kamina chaiira ꞌaish bëtsi ꞌapukama samaira ꞌain, usa ꞌikë ka Nukën ꞌIbu Dios naínu ꞌikë an ka mixmi kamabi unikaman ꞌapu ꞌianan mix kushiira ꞌixunmi, min unikama ꞌakinun mi ꞌimiaxa

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Daniel 3:4

Usa ꞌain ka unikama timë́kë ꞌain an pëuti anëkë an munuma banakin unikama kakëxa: Kamabi ëmanu ꞌikë unikama axa bëtsi bëtsi menuax ukë ꞌimainun aín bananbi banakë unikaman mitsun kamina kuati ꞌain:

Daniel 4:3

An ꞌakë ñux ka chaiirabu ꞌimainun upíira ꞌikën, usa ꞌain ka ax xënibua ꞌaínbi ꞌiti ꞌikën, ꞌimainun ka aín kushi ax xënibua ꞌaínbi këñutima ꞌiti ꞌikën.

Daniel 6:26

ꞌimainun ka ësokinribi unikama kanun kakëxa, kamabi uni ꞌëx ꞌapu ꞌaían tsókë unikaman ka Danielnën rabikë Dios ꞌashi rabikanti ꞌikën. Ax ka uínsaranbi nëtë́tima oia tsókë a ꞌikën, usa ꞌaish ka Dios xënibua ꞌaínbi tsotia. ꞌImainun ka uínsarabi ꞌatima okë ꞌianan ka uínsarabi aín kushi këñutima ꞌikën.

Daniel 7:18

Usokin ꞌakë ꞌaínbi ka Dios manámi ꞌikë an kaískë unikama atúxa xënibua ꞌaínbi ꞌapu ꞌinun ꞌinánkë ꞌiti ꞌikën.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Lucas 1:33

ꞌApu ꞌaish ca Israelnën rëbúnquinën ꞌapu nëtë́timoi ꞌiti ꞌicën. Ax ca cëñútimoi ꞌapu ꞌinuxun ꞌaia.

Lucas 10:22

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Juan 12:34

Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua ꞌaínbi ꞌiti ꞌicën. ¿Usa ꞌaínbi caramina min, axa Nucën Papa Diosnuax uni ꞌinux uá, ax ca i curúsocënu matáscë ꞌiti ꞌicë quixun nu cain? ¿Ui cara Nucën Papa Diosnuaxa uni ꞌinux uá ax ꞌic?

Juan 3:35

Nucën Papa Diosan ca aín Bëchicë nuibaquin axa aín ꞌibu ꞌinun camabi ñu a ꞌináncëxa.

Hebreos 12:28

Ax xënibua ꞌaínbi cëñútimoi nucën ꞌApuira ꞌain cananuna nux nëtëtima anu abë ꞌianan aín unicamabë ꞌiti ꞌain. Usai ꞌiti sinánquin cananuna Nucën Papa Diosmi sinánquin aín bana cuaquin —asábi ca —cai cuëënquin a rabiti ꞌain, ax cuëëncësabi oquin,

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.

Apocalipsis 1:6

nuxnu ainan ꞌaish ax ꞌApu ꞌain nuxribi ꞌapu ꞌinun nu ꞌimianan, nux sacerdote an uni itsi a ñucáxuncë ꞌixun aín Papa Dios rabinun nu ꞌimiaxa. A ca camabi unin rabiquin —mixëshi cushi ꞌaish camina mixira cëñútimoi ꞌApu ꞌin —quixun caquin rabiti ꞌicën. Usaquin ca ꞌati ꞌicën.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.