Daniel 6:22 - Kashibo-Kakataibo Biblia

²² ꞌËn Diosan ka ꞌë uisabi oima paru ꞌinúankama kuëëtsë́kinun an ꞌimiti ain ángel xuaxa, Diosan ka ꞌëx kana uisa ñu ꞌatimabi ꞌakëma ꞌai kixun ꞌunánan ꞌën kana uisa ñu ꞌatimabi mix ꞌapu ꞌikë ꞌaxunkëma ꞌai kixun ꞌunánxa.

Daniel 6:22 ပူးပေါင်းရင်းမြစ်များ

Génesis 40:15

ꞌËx kana mëkama bëtsinkin hebreo unikama anu ꞌikë menua bëa ꞌain. Usa ꞌaish kana ꞌëx ñu ꞌatima ꞌakëma ꞌaish sipunu ꞌiti kuëënima.

2 Samuel 22:7

Usai rakuë́ti bënëti atsanxun kana Dios ꞌë ꞌakinun kixun ñukákën, usakin ꞌakëxun ka Diosan naínuxunbi ꞌën bana kuakin ꞌakiankëxa ꞌimainun ka; ¡munuma banakin ñukákëxun ꞌën bana kuakëxa!

Salmos 118:28

Asabi ka kakin rabikin kana mix ꞌën Dios chaiira ꞌikë, mi rabiti ꞌain.

Salmos 34:7

Nukën ꞌIbun ka aín ángel kushiira an rabikë unikama ꞌakianan ië́minun kixun xutia.

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Jeremías 37:18

Usakin katankëxun ka an bana ñuikë Jeremías anribi ꞌapu Sedequías ñukákëxa: —¿Uisa ñu ꞌatimaira ꞌai a tanti bana kikësokin ꞌaíma mimi ꞌuchanan, min unikamamiribi ꞌianan, unikamami ꞌuchakë kara ꞌë sipuakanx?

Daniel 3:28

Usa ꞌikë iskëbëshi ka Nabucodonosor munuma banai kiakëxa: “¡Sadrac, Mesac ꞌimainun Abed-negó akaman Dios ax ka rabikë ꞌiti ꞌikën, an ka aín unikama an ënkinma rabikin ꞌapux kikë bana tani aín diosma ꞌain ami rantinpuruni ꞌikëma ꞌikëa bamamiti ꞌaínbi an ië́miti aín ángel xuaxa!

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Daniel 6:23

Usa ꞌain ka ꞌitsaira kuëënkin ꞌapun anua paru ꞌinúan ꞌikë kini anua Daniel binun kixun aín unikama kakëxa. Kakëxuan bitsia iskëxbi ka Diosmi katamëkë ꞌikëa paru ꞌinúanën uisabi aín namikama okëma isakëxa.

Daniel 6:4

Usa ꞌain ka abëtan ñu ꞌaia iskë raíri ꞌimainun ꞌapukaman uisakin karaisa ꞌatimakin a menu ñu ꞌaia kixun bariakëxa, ꞌaínbi ka Daniel ax upí uni ꞌain an ꞌakë ꞌatima ñu achúshirabi mërama ꞌikën; usa ꞌain ka Danielnën ka ñu ꞌatima ꞌaia kiax ami këmëi manánti ꞌatima ñubi ꞌaíma ꞌiakëxa.

Daniel 6:7

Kamabi ꞌapukama ëma kamanua ꞌikë atún ka timë́xun ësokin sinánxun bana nanxa, uínbi ka achúshi ꞌuxë sënë́mi atún dios ñukatima ꞌikën, usai ika uibi ñukatima mix kikësoishi ꞌikanti ꞌikën. Usa ꞌain ka uin kara a bana kikësokinbi ꞌaima ax ka anua paru ꞌinúan bukukë kini anu nikë ꞌiti ꞌikë kixun ka sinánkanxa.

Números 20:16

usakin ꞌakëxun kananuna Nukën ꞌIbu nu ꞌakinun kixun sharákin ñukákën, ñukákëxun kuankin ka aín ángel achúshi Diosan xuakëxa, xukëxun ka Egipto menua nu chikíankëxa. Usa ꞌain kananuna bërí, Cadés kakë ëma anua min me sënënakëkë anu ꞌain.

Mateo 27:46

Usai ꞌicëbë bari pëquitëcëntishi ꞌain ca Jesús munuma cuëncëni quiacëxa: “Elí, Elí, lama sabactani”. Usai quicë bana, ax ca —ꞌën Papa Dios, ꞌën Papa Dios, ¿uisa cupí caramina ꞌë ëan? —qui quicë ꞌicën.

Hechos 12:11

Nëtë́cëbë ca upí oquin sinani Pedro quiacëxa: —Asérabi cana bërí ꞌunanin, judíos unicamax cuëëncësabi oquian Heródesnën ꞌë ꞌati ꞌicëbi ca aín ángel xuquin Nucën ꞌIbu Diosan ꞌë ië́miaxa —quixun.

Hechos 24:16

Usaquin sináncë ꞌaish cana Nucën Papa Diosmi ꞌuchaima ꞌianan uisa unimibi ꞌuchaima ꞌiisa tanin. Usai ꞌinuxun cana camabi nëtën ñu ꞌatima ꞌaquinma ñu upíshi ꞌain.

Hechos 27:23

Ënë imë́ cana ainan ꞌixun ꞌën a rabicë, Nucën Papa Diosan xucë́xa ucë ángel isan.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 11:33

Raíri unínribi ca Nucën Papa Diosmi catamëquin —an ca nu ꞌaquinia —quixun ꞌunánquin bëtsi ꞌapun suntárucamabë ꞌacananquin ñusmocëxa. Raíri uniribi ꞌapu ꞌixun ca Nucën Papa Diosmi sinánquin a unicama upiti bucunun, upí oquin ꞌaquiancëxa. Ami sinania ca a unicama ax quicësabi oquin Nucën Papa Diosan ꞌaquiancëxa. Raíriribi ca ami nishquian, unin ꞌinun pinun quixun aín cënënu niabi, Nucën Papa Diosan sinanën ꞌinúnbi piama ꞌicën.

1 Samuel 17:37

Nukën ꞌIbu an ꞌë paru ꞌinúan ꞌimainun xaë́onnën bisa tana nitsiabi ꞌë ꞌakinkë, an ka filisteo uni ënë ꞌaia ꞌë ꞌakinti ꞌikën. Ësai kia kuakin ka Saúlnën kakëxa: —Asabi ka usa ꞌain kamina Nukën ꞌIbun mi ꞌakimainun ꞌai kuanti ꞌain.