Daniel 6:20 - Kashibo-Kakataibo Biblia

²⁰ Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Daniel 6:20 ပူးပေါင်းရင်းမြစ်များ

Génesis 18:14

¿Nukën ꞌIbun ꞌakasmati ñu kara ꞌaíma ꞌik? bëtsi bari ꞌirukëbë kana ꞌëx mi istëkëni uti ꞌain, ꞌimainun ka Sara achúshi tuáñu ꞌiti ꞌikën kixun ka kakëxa.

Salmos 119:112

Usa ꞌain kana min banakama kikësokin ꞌanuxun sinanin, usa ꞌain kana xënibua ꞌaínbi bamakin ënuxun ꞌati ꞌain.

Salmos 73:23

Usa ꞌaínbi kana ꞌëx mi ënima mibëbi ꞌiakën. Usai ꞌia kamina min kushínbi ꞌë ꞌakiankën,

Daniel 3:15

¿Mitsun kaina ñukama banamia kuakinshi ꞌën ꞌamikë ñu ami ñanati ꞌikin rabikantishi ꞌain? Usakin ꞌaíma kamina bëríbi mitsux tsi rëkirukë a ꞌukëmëu nikë ꞌiti ꞌain; ¿usakin ꞌaia kara uinu ꞌikë diosan mitsu ië́miti ꞌit?

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Daniel 6:16

Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Daniel 6:19

Usai ꞌinëti ka pëkarakëma ꞌaínshi bënëtishi nirukiani kuantankëx anua paru ꞌinúankama ꞌikë kini anu bëbakëxa.

Daniel 6:26

ꞌimainun ka ësokinribi unikama kanun kakëxa, kamabi uni ꞌëx ꞌapu ꞌaían tsókë unikaman ka Danielnën rabikë Dios ꞌashi rabikanti ꞌikën. Ax ka uínsaranbi nëtë́tima oia tsókë a ꞌikën, usa ꞌaish ka Dios xënibua ꞌaínbi tsotia. ꞌImainun ka uínsarabi ꞌatima okë ꞌianan ka uínsarabi aín kushi këñutima ꞌikën.

Daniel 6:27

Ax ka an uni ië́mianan upiti tsónun ꞌakinkë a ꞌikën; an ka unin iskëma ñu chaiirabu naínu ꞌanan menuribi ꞌaia. An ka Daniel paru ꞌinúankaman aín ꞌuntsisan ꞌati ꞌikëbi ië́miaxa.

Números 11:23

Ësai kiabi ka Nukën ꞌIbun kakëxa: —¿Min sinánkëx kara ꞌën kushi chamaratsu ꞌik? Bërí kamina asérabi kara ꞌëx kikësabi oi ꞌia kara ꞌima kixun isti ꞌain.

Lucas 1:37

ꞌAíma ca Nucën Papa Diosan ꞌacasmati ñu ꞌicën.

Lucas 18:1

Aín unix ca atsani, abë cana banatisama tani quixun sinanima, nëtë camabi Nucën Papa Diosbë banati ꞌicë quixun ꞌunánmiquin ca bana itsi ñuicësoquin,

Hechos 6:4

Usocëbëtan cananuna nun abë banaquin Nucën Papa Dios unicama ñucáxuanan aín bana ñuixunti ꞌain.

Romanos 2:7

Axa —Nucën Papa Diosan ca ꞌë upí isquin abë nëtë́timoi tsónun ꞌimiti ꞌicë —qui cuëëncë uni, an ca ënquinma Nucën Papa Dios cuëëncësabi oquin ñu ꞌaia. Usoquin an ꞌacë uni a ca Nucën Papa Diosan xënibua ꞌaínbi abë ꞌinun ꞌimia.

2 Corintios 1:10

Nuxnu bamati ꞌicëbi ca Nucën Papa Diosan nu ië́miaxa. Usa ꞌixun ca usabi oquin nu ꞌati ꞌicën. Cananuna ꞌunanin, mitsúnmi a nu ñucáxuncëxun ca an ꞌacësabi oquin nu ië́miti ꞌicën. ꞌItsa unían a nu ñucáxuncëxuan, an nu ië́mianan nu ꞌaquincë cupí, nun upí oquin bana ñuixunia cuati ca ami sinánquin ꞌaisamaira unin cuëënquin, asábi ca quixun caquin Nucën Papa Dios rabiti ꞌicën.

Colosenses 4:2

Ami manúquinma ábi sinani camina atsánquin ëníma Nucën Papa Diosbë banati ꞌain. —Asábi ca —quixun cai camina abë banati ꞌain.

2 Timoteo 1:12

An ꞌimicëxun usoquin ꞌacë cupía bëtsi bëtsi ocancëxbi cana rabiniman. Ami catamëquin cana ꞌunanin, ax cushiira ꞌixun ca Nucën Papa Diosan, ꞌëx a ꞌinamëcë ꞌicë bërúanquin aín bana bëtsi oquin ñuiquinma upí oquinshi unicama ꞌunánminun ꞌë ꞌaquinti ꞌicën. ꞌAquianan ca anúan ax utëcënti nëtën uquin an ꞌën ꞌacë ñucama upí isti ꞌicën.

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.

Santiago 1:25

Usa ꞌaínbi ca an a bana cuaquin manuquinma sináncë uni, ax a bana quicësabi oquin ënquinma ꞌacë ꞌaish chuámarua tani cuëënti ꞌicën. A banax ca anúnu upí ꞌianan, ñunshin ꞌatima cuëëncësa oi ꞌima Nucën Papa Dios cuëëncësabi oi ꞌinux ië́ti a ꞌicën.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.