Daniel 6:18 - Kashibo-Kakataibo Biblia

¹⁸ Usokin ꞌabiani ka ꞌapu aín xubunu kuankëxa, kuantankëx ka xupinbukëbëtanbi pianan ax ꞌikësabi kuaianan, ꞌima ꞌuxi rakabuakëxa usai rakabuaxi ka a imë́ uxima ꞌinëakëxa.

Daniel 6:18 ပူးပေါင်းရင်းမြစ်များ

2 Samuel 19:24

Usakin ꞌaxun ka Mefi-bóset kakë uni Saúlnën xuta aribi aia biakëxa. A nëtëan ꞌapu David Jerusalénnuax abati kuankë a nëtëkaman ka nitsibi uisaibi ꞌikëma asábi utëkëni, aín taë chukaima ꞌianan nashimabi ꞌiakëxa, usai ꞌianan ka aín kuëni kuëtërëkianan, ain chupabi chukaxun pañuima David ꞌikë ñu a sinanima ꞌiakëxa.

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

Salmos 137:2

Álamos kakë ëma rapasu ꞌikë i aín pëñanu kananuna nun arpakama bëntankën.

Daniel 2:1

Anúan ax ꞌapu ꞌikë rabë́ baritia ꞌirukë anun ka Nabucodonosornën ꞌitsokin namákëxa, namákin iskëkama a ꞌitsaira sinani ka ꞌuxtisama tankëxa.

Daniel 6:19

Usai ꞌinëti ka pëkarakëma ꞌaínshi bënëtishi nirukiani kuantankëx anua paru ꞌinúankama ꞌikë kini anu bëbakëxa.

Apocalipsis 18:22

Anu ꞌicë, an ñu marucë unicama bëtsi menu ꞌicë an ñu marucë unicamasama ꞌaish, ñubë́ ꞌixun ca camabi menu ꞌicë unicama paránquin ꞌatima ñu ꞌamiaxa. Usa ꞌaínbi ca Babilonia ëma cha anuxun arpa cacë ñua raírinën ꞌamainun raírinënribi pacon banomainun bëtsi bëtsi ñucamaribi ꞌai cuëëni sharatia unin cuatëcëntima ꞌicën. An i ꞌanan manë uniocë unían anuxun ꞌatëcënti ca ꞌaíma ꞌiti ꞌicën. An ñu rëncë xanúan ñu rënquin tarúncaia ca unin cuatëcëntima ꞌicën. Anun xubucama pëcati lamparín ca ꞌaíma ꞌiti ꞌicën. Unin xanu biti nëtë ca ꞌitëcëntima ꞌicën.