Daniel 6:16 - Kashibo-Kakataibo Biblia

¹⁶ Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Daniel 6:16 ပူးပေါင်းရင်းမြစ်များ

Job 5:19

Uínsaran kaina ñu ꞌatima inuti ꞌai anun ka achúshira okin ꞌakintankëxun ënkinma mi ꞌakinti ꞌikën, ꞌianan ka uisa ñu inuti kaina tëmërati ꞌai usabi mi tsónun mi ꞌimitima ꞌikën.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Jeremías 26:14

Usa ꞌain kamina mitsun kamina ꞌë ñatankan usa ꞌain, uisa kaina oisatani usokin ꞌë ꞌakánti ꞌain.

Jeremías 38:5

Kixun kakëxun ka ꞌapu Sedequíasnënribi atu kakëxa: —Ka kuat, asábi ka, mitsun kuëënkësa okin kamina a uni ꞌati ꞌain. ꞌËn kana uisokin kaina ꞌakatsi usokin ꞌaxuma ꞌanun mitsu kaiman.

Jeremías 38:6

Usokian ꞌapun kakëxun ka Jeremías atun ñatantankëxun kini ëskikë ꞌumpaxñuma anu nampákankëxa, a kinix ka ꞌapun bakë bëchikë Malquías ainan ꞌiakëxa, ax ka anua suntárukama an ëma bëruankë ꞌikë me mëníokë anu ꞌiakëxa. Anua itsin nanpakë ax ka ꞌumpaxñuma ꞌaíshbi me kini anu nisama chua ꞌiakëxa, anu ka Jeremías ënuma sënëni nanë́ax niakëxa.

Daniel 3:15

¿Mitsun kaina ñukama banamia kuakinshi ꞌën ꞌamikë ñu ami ñanati ꞌikin rabikantishi ꞌain? Usakin ꞌaíma kamina bëríbi mitsux tsi rëkirukë a ꞌukëmëu nikë ꞌiti ꞌain; ¿usakin ꞌaia kara uinu ꞌikë diosan mitsu ië́miti ꞌit?

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Daniel 3:28

Usa ꞌikë iskëbëshi ka Nabucodonosor munuma banai kiakëxa: “¡Sadrac, Mesac ꞌimainun Abed-negó akaman Dios ax ka rabikë ꞌiti ꞌikën, an ka aín unikama an ënkinma rabikin ꞌapux kikë bana tani aín diosma ꞌain ami rantinpuruni ꞌikëma ꞌikëa bamamiti ꞌaínbi an ië́miti aín ángel xuaxa!

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Daniel 6:7

Kamabi ꞌapukama ëma kamanua ꞌikë atún ka timë́xun ësokin sinánxun bana nanxa, uínbi ka achúshi ꞌuxë sënë́mi atún dios ñukatima ꞌikën, usai ika uibi ñukatima mix kikësoishi ꞌikanti ꞌikën. Usa ꞌain ka uin kara a bana kikësokinbi ꞌaima ax ka anua paru ꞌinúan bukukë kini anu nikë ꞌiti ꞌikë kixun ka sinánkanxa.

Hechos 24:27

Usaquin rabë́ baritia inúnmi ꞌapu ꞌaíshbi chiquíquin ca Felixnën judíos unicamabë upí ꞌiisa tanquin Pablo sipunubi ëancëxa. Felix chiquícëbë ca bëtsi uni Porcio Festo cacë, ax ꞌapu ꞌiacëxa.

Hechos 25:11

Axa quicësabi oquin nun ꞌati bana quicësa oquin ꞌacëma ꞌicëa unin ꞌë bamamiti ca asábi ꞌitsíanxa. Usa ꞌaínbi ca uisa ñubi ꞌuchacëma ꞌicë atúxa ꞌë ñui quicë bana asérabima ꞌain, uinu ꞌicë unínbi atúan ꞌanun judios unicama ꞌë ꞌinántima ꞌicën. Usa ꞌain cana Romanu ꞌicë ꞌapu Césarnënbia uisa cupí cara uni ꞌëmi manania quixun isti cuëënin.

Hechos 25:9

Quia ca Festonën judíos unicamabë upí ꞌiisa tanquin Pablo cacëxa: —¿Mi ñuia quicancë bana ënë ꞌën anuxun mi mëíoxunun caina Jerusalénu cuainsa tanin?

Romanos 13:3

An ñu upí ꞌacë uni ax ca aín ꞌapumi racuëtíma. An ñu ꞌatima ꞌacë uni ax cuni ca aín ꞌapumi racuëtia, ꞌë cara uisoti ꞌicë quixun sinani. ꞌApucaman ca an ñu upí ꞌacë unicama upíoia. Usa ꞌain camina mitsux ꞌapucamami racuë́cëma ꞌiisa tanquin ñu upíshi ꞌati ꞌain.

2 Corintios 1:10

Nuxnu bamati ꞌicëbi ca Nucën Papa Diosan nu ië́miaxa. Usa ꞌixun ca usabi oquin nu ꞌati ꞌicën. Cananuna ꞌunanin, mitsúnmi a nu ñucáxuncëxun ca an ꞌacësabi oquin nu ië́miti ꞌicën. ꞌItsa unían a nu ñucáxuncëxuan, an nu ië́mianan nu ꞌaquincë cupí, nun upí oquin bana ñuixunia cuati ca ami sinánquin ꞌaisamaira unin cuëënquin, asábi ca quixun caquin Nucën Papa Dios rabiti ꞌicën.