Daniel 6:10 - Kashibo-Kakataibo Biblia

¹⁰ Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Daniel 6:10 ပူးပေါင်းရင်းမြစ်များ

1 Reyes 8:30

Usa ꞌain kamina ꞌën ñukákëxun kuanan min unikama Israel atúnribi anuxun mi rabiti xubu ënëmia iskin mi ñukákëxun atun bana kuati ꞌain. Kuakin kamina anumi ꞌikë naíkamë ꞌëo anuxunbi, ꞌatima ñu ꞌaínu ꞌuchakë akama nu mëníoxunti ꞌain.

1 Reyes 8:38

usai ñu ꞌikëbë tëmërakin Israel unikaman Diosan ka nux ami ꞌuchakë ꞌikë ësokin nu tëmëramia kixun sinánkin manámi mëshpakin anuxun mi rabiti xubu au bësui nixun ñukákëxun kuankin kamina. Anumi ꞌikë naíkamë ꞌëo anuxunbi atun bana kuakin; uisa ñu ꞌatima kara ꞌakanxa kixun min ꞌunánkin asérabi mimi katamëkian mi ñuixunkëxun atun ꞌakë ñukama mëníoxunti ꞌain, minshi kamina aín nuitunëan unin sinánkë a ꞌunanin.

1 Reyes 8:44

Uínsaran kara min uni Israelkamax axa atumi nishkë unikamabë ꞌakananux min xukëx uinu kaina xuti anu kuania, anuxua mibë banakin min nu kaisuan ëma ënëmiokin isanan ꞌën unikama anuxun mi rabiti ꞌamia xubu,

1 Reyes 8:54

Ësai abë banakin Dios ñukátankëxun sënën oin ka Salomón aín rabuxunën menu rantinpuruni tsóbuxun anuxun ñuina xarotia ꞌakë bëmánon auxun aín mëkën rabë́ manámi oi mëshpati tsóxun ñukákëxa,

Salmos 34:1

ꞌËn kana Nukën ꞌIbu kamabi nëtë, ënkima rabiti ꞌain.

Salmos 95:6

Usa ꞌain kananuna rantinpuruni ꞌikin a rabiti ukanti ꞌain; a rabi kananuna Diosan ismainunbi rantinpuruni ꞌiti ꞌain, an ka nuribi uniokëxa.

Daniel 6:13

Usa ꞌain ka a unikaman karaishikin ꞌapu kakëxa: —Achúshi uni ñatanbëtsinkin bëa Daniel kakë judíos uni an ka mix ꞌapu ꞌixunmi usai ꞌiti nankë bana a tanima, nun kananuna isan rabë́ ꞌimainun achúshi okían nëtë́tibi ꞌain Dios ñukatia mëran kixun ka ax ami manánkin unikaman kakëxa.

Daniel 9:4

Ñukákin kana ësakin Dios kakën: Nukën ꞌIbu Dios chaiira ꞌianan kushiira min kamina mix kikësabiokin ñu ꞌakin, nuibanankë ꞌixun min kikësabiokin kara min unikama ñu ꞌaia isin, a tanti min bana a kara asérabi ꞌaia kixun isin:

Jonás 2:4

Usakin ꞌakëxun kana mi ꞌura ꞌinunmi ꞌë ënkësa tankin; uínsaranbi kana anuxun mi rabiti xubunu atsíntëkëntima ꞌai kixun sinan.

Marcos 3:3

Bërúancëxunbi ca aín mëcën bamacë uni Jesusan cacëxa: —Nirucuatsini ca nëri ut.

Lucas 14:26

—Uix cara ꞌën uni ꞌiisa tania an ca aín papa, aín tita, aín xanu, aín bëchicë, aín xucën, aín chirabacë, acama nuibacësamaira oi ꞌëmi sinánti ꞌicën. Usai ꞌianan ca ax upiti tsótishi sinanima ꞌëmi sinani ꞌëx cuëëncësabi oishi ꞌiti ꞌicën. Ui unix cara usai ꞌiisama tania ax ca ꞌën uni ꞌitima ꞌicën.

Lucas 22:41

Usoquin cabiani unin nicë́xa maxax ꞌibúcë ꞌurasa cuanx ca rantin puruni, Jesús Nucën Papa Diosbë banacëxa.

Hechos 10:9

Xucëx pëcaraquiani bain cuani Jope ꞌuramaquianmainun ca bari xamárucëbë Nucën Papa Diosbë banai Pedro tapitinën xubu mascuan cata itsi masapan oquin ꞌacë anu ꞌiruacëxa.

Hechos 2:15

Mitsun sináncëxa ënë unicamax paë́ncë ꞌaínbi ca bari xamárucëma pain ꞌain asérabi paë́ncëma ꞌicën,

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 20:36

Ësaquin catancëx ca Pablo rantin puruni tsóbuti anu ꞌicë unicamabë Nucën Papa Diosbë banacëxa.

Hechos 21:5

Usaquian cacëbëbi cananuna a nëtëcama inúcëbë cuancën. A ëmanuax cuancëbë ca axa Jesucristomi catamëcë unicamax aín xanu ꞌimainun aín bëchicëbëbi nubë masinu cuancëxa. Cuanx cananuna rantin puruni tsóbuax masinuax Nucën Papa Diosbë banacën.

Hechos 3:1

Usa ꞌain ca bari cuabúcëbë a las tres ꞌain camabi nëtë́an ꞌicësabi, Pedrobë Juan anuxun Nucën Papa Dios rabiti xubunu abë banai cuancëxa.

Hechos 4:29

Usa ꞌain camina a unicamaxa usai numi ꞌësë́nancë a bana min ꞌunánquin, racuë́quinma nun min bana uni ñuixunun nu ꞌaquinti ꞌain.

Hechos 5:20

—Anuxun Nucën Papa Dios rabiti xubunu cuanxun camina Jesúsmi catamëcë ꞌaish ca uni Nucën Papa Diosnan ꞌiti ꞌicë quicë bana unicama ñuixunti ꞌain.

Hechos 5:29

Ësai quia ca Pedrobëtan Jesusan aín bana ñuixunun caíscë unicaman cacëxa: —Unin cacësa oquin ꞌaquinbi cananuna Nucën Papa Dios, a ꞌati cuëëncëma ñu a ꞌaquinma, a ꞌatia ax cuëëncë, a ñu cuni ꞌati ꞌain.

Hechos 7:60

Catancëx rantin purúnxun ca munuma banaquin Nucën ꞌIbu Jesús catëcëancëxa: —Atúxa ësari ꞌuchaiabi camina ꞌënun rabanan uisabi otima ꞌain. Ësai quíshi ca bamacëxa.

Hechos 9:40

Ismicëxun anu ꞌicë xanucama ëman chiquínun catancëx ca Pedro rantin purúanx tsóbuax Nucën Papa Diosbë banacëxa. Banatancëxun, anua racácë au bësuquin isquin ca cacëxa: —Tabita, ca nirut. Cacëxëshi bëpëquiquin Pedro isi nirui ca tsóracëacëxa.

Efesios 3:14

Usa mitsux ꞌain cana Nucën ꞌIbu Jesucristonën Papa, Nucën Papa Dios, a rantin purúnquin mitsu ñucáxunin.

Filipenses 1:14

ꞌËx usai ꞌia ꞌunáncë cupí ca axa Cristomi catamëcë uni aín patsanën, atun ꞌacësamaira oquin Jesucristomi catamëquin, racuë́quinma Nucën Papa Diosan bana uni ñuixunia.

Filipenses 1:20

Usa ꞌain cana ꞌëx Jesucristomishi catamëtia uni ië́ti bana, a ñui rabínquinma, ꞌën ꞌacësabi oquin ñuitisa tanin. Usoquin ꞌai cana nëtë camabi ami catamëti asaribi ꞌiisa tanin, ax ca asérabi upíira ꞌicë quixun ꞌunania camabi uni ami catamënun. Bamacëma ꞌixun ꞌën bana ñuixuncë cupí ꞌiananbia, ꞌëx bamacëbëbi uni ꞌën aín bana ñuixuncë cupí Jesucristomi sinánti cana cuëënin.

Filipenses 4:6

Usa ꞌain camina uisa ñu cara ꞌicëbëbi bënë́tima ꞌain. Bënë́quinma camina abë banaquin Nucën Papa Dios a ñucama ñuiquin cati ꞌain. An mitsu ꞌaquinun ñucáquin camina ami catamëquin —asábi ca —quixun rabiquin cati ꞌain.

Colosenses 3:17

Uisa ñu caramina ꞌain, a upí oquin ꞌanan camina banairibi upiti banaquin mitsux Nucën ꞌIbu Jesúsnan ꞌixun a ꞌaxuncësa oquin ꞌati ꞌain. ꞌAnan camina Cristonan ꞌixun Nucën Papa Dios —asábi ca —cati ꞌain.

Hebreos 13:15

Usa ꞌain cananuna Jesucristo cupí camabi nëtën abë banai cuëënquin Nucën Papa Dios nun cuëbitan rabianan —mix camina asérabi nun ꞌApu ꞌai —quixun caquin a rabiti ꞌain.

Hebreos 4:16

Asérabi ca usa ꞌicë quixun ꞌunánquin cananuna ami racuë́quinma, an nu nuibacë Nucën Papa Dios a nun ꞌuchacama tërë́nquin nu ꞌaquinun ñucáti ꞌain, an nu nuibacë cupí. Usaquin cananuna anúnu uisai cara ꞌicë nëtën, nuibaquian nu ꞌaquinun ñucáti ꞌain.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.

Apocalipsis 2:13

ꞌËn cana ꞌunanin, anumi mitsux ꞌicë anu ca ñunshin ꞌatimanën ꞌapu, Satanás, ax cushi ꞌicën. Anu ꞌicë unicama an sinánmicëxun ꞌatima ñu ꞌacëbëtanbi camina mitsun ꞌëmi sinánti ëncëma ꞌain. Micama achúshi, Antipas cacë, ax ꞌëmi sinánti ëncëma ꞌixun ꞌë ñuiquin bana ñuixuncë cupía axa ꞌëmi sináncëma unicaman ꞌacë́xa bamacëbëtanbi camina mitsun ꞌëmi sinánti ëncëma ꞌain.