Daniel 5:6 - Kashibo-Kakataibo Biblia

⁶ ratuti bëpëki bërëi saki ꞌikë anunbi aín xo rabë́ bëtsimi ratíkai aín maxkámibiki ꞌitsaira rakuë́ti bërëakëxa.

Daniel 5:6 ပူးပေါင်းရင်းမြစ်များ

Salmos 22:14

ꞌËx kana ꞌumpax ampë́nkikë usaribi ꞌain; ꞌën xokama ëchikibutia tankësa kana tanin. ꞌËn nuitunëx ka charokëxa xara kuëxu charákësa usaribi ꞌikën.

Salmos 69:23

¡Usakin ꞌimianan kamina bëxuñu ꞌixun iskasmanun ꞌimianan, nëtë́tima aín xokamax bërënun ꞌimiti ꞌain!

Isaías 35:3

An ꞌëx kia kuakë mitsun kamina, axa ꞌakinti kuëënkë unikama ꞌakinti ꞌain, ꞌakinkin kamina atsánkë unikama a kuëëntanun sinanamikin kati ꞌain,

Daniel 2:1

Anúan ax ꞌapu ꞌikë rabë́ baritia ꞌirukë anun ka Nabucodonosornën ꞌitsokin namákëxa, namákin iskëkama a ꞌitsaira sinani ka ꞌuxtisama tankëxa.

Daniel 3:19

Usokian rabë́ ꞌimainun achúshi uni bënákama an kakëxun kuati ka ꞌapu Nabucodonosor aín bëmánanbi panshínkuatsini ꞌitsaira nishakëxa. Usai ꞌikin ka an ñu mëëxunkë unikama anba tsi rëkarukin anu sënën xanatanua tikakë a inumikian ꞌaisamaira xana ꞌitanuan ꞌanun ꞌamiakëxa;

Daniel 4:19

Usa ꞌain ka Daniel kakin anëkë ꞌikëbi Beltsasar kakinribi anëkë ax ꞌëorapain ain sinánkë rakarakëtamainun sinani niaxa. Usai ꞌiabi kana ꞌëx ꞌapu ꞌixun kan: Beltsasar ꞌitsaira sinánkinma kamina uisakin namákë kara ꞌën namákë ax ꞌikë ꞌë ñuixunti ꞌain kixun kan. Kakëxun ka Beltsasarnën ꞌë kakëxa: Min namákë ax ka uin kara mi ꞌaisama oisatania a unikamanubi pakëti ꞌikën.

Daniel 4:5

ꞌAínbi kana achúshi imë́ ꞌuxi ꞌibúxunbi ꞌatimakin namán, namáxun ꞌën bëtsiokin sinánkëkama anunbi ꞌitsaira rakuëan.

Daniel 5:5

Usakin ꞌakëbëbi ka a horabi achúshi unin mëkën rëbu anua tirítan nankëxun pëkakë anu mërakëxa, mërakin ka anua timëkankë ꞌukëmëu kënë uxua anu kuënëokëxa. Kuënëoia mëkën rëbu a isíshi ka ꞌapu,

Daniel 7:28

Ënëx ka anu sënë́nkin namákësa okin iskë ñuikë a ꞌikën. ꞌËx Daniel ꞌaish kana ꞌitsaira anun masá nuitukin sinani, ꞌën bëmánanbi pëki ꞌian; usai ꞌikinbi kana uibi a ñukama ñuixunkëma ꞌain.”

Hebreos 12:12

Usa ꞌain camina tëmëraibi masá nuituquinma upí oquin sinani ami cushi Cristomi catamëti ꞌain.