Daniel 5:21 - Kashibo-Kakataibo Biblia

²¹ Usakin ꞌatankëxun ka uni ꞌikëbi unikamanua chikinkin achúshi ñuinasa ꞌinun ꞌimiakëxa; usokëx ka ñuina raëkëma ꞌimainun vaca bënëkamabëtan pasto pi nitsia ka, nibítan ꞌibúkin aín nami chabókëxa, usa ꞌain ka Dios manámi ꞌikë an kushiira ꞌixun kamabi menu ꞌikë unikama ꞌakianan, ui kara ꞌapu ꞌimitisa tania a ꞌapu ꞌimia kixuan anun ꞌunánti nëtë ꞌitámainun ꞌakëxa.

Daniel 5:21 ပူးပေါင်းရင်းမြစ်များ

Job 39:5

¿Uin kara raëkëma ñuina asno kakë a atuxi nitsia uisaibi ꞌiaxma ꞌinun ëankëx? ¿Uin kara uinu kuani kara nisatania anu kuania ninun ëankëx?

Daniel 4:14

ax ka kushin banai ësai kiaxa: i akamina menu nipakëtanun rëti ꞌain ꞌaxun kamina aín pëñankama tëakëbëa, aín pëchikama tákikëbë aín bimikama abístanun tëati ꞌain. Usokin ꞌakëbë ka an tupë́onkë tëmú bukukë ñuinakama ꞌimainun ñuina pëchiu aín pëñanu ꞌikë akamaxribi kuani nëtë́ti ꞌikën.

Daniel 4:17

Ënëx ka usai ka ꞌiti ꞌikë kiaxa an bërúanti nankë ángelkama ax kikë ꞌikën, usa ꞌikë ka kamabi unikaman ꞌunánti ꞌikë, ax ka manámi ꞌikë Dios kamabi kushiñu a ꞌikën, an ka uikara ꞌapu ꞌimitisatania a ꞌapu ꞌimianan uix kara ñuumasara ꞌikë a unikamaribi aín kushia aín menubi ꞌinun ꞌimia.

Daniel 4:22

a iásaribi kamina mix ꞌapu ꞌaish chaiira ꞌianan kushiira ꞌain. Usai ꞌimi mix chaiira ꞌikë ax ka naíbëtan sënë́nsa ꞌikën, usa ꞌain kamina min kamabi menu ꞌikë unikama minan ꞌinun ꞌimia.

Daniel 4:25

ꞌImainun kamina mix ꞌapu ꞌaíshbi chikiti unikamabë ënanantankëx chikítankëx ñuina kamabë niti ꞌain; usai ꞌikin kamina vaca bënëkamasa ꞌixun pasto pinuxun ꞌain, usai ꞌia ka pëkarakuatsínkëbëtan nibí ꞌibúkin min nami chabóti ꞌikën. Usai kamina mix ꞌapu ꞌaish mapai achúshi ꞌimainun rabë́ baritia anúnmi Dios an ka kamabi kushiñu ꞌixun axa aín kushi ꞌiti unikama ax kuëënxun aín kushi ꞌinun ꞌimia, kixun ꞌunánti nëtë ꞌitámainun niti ꞌain, an ka uikara ꞌapu ꞌimitisatania a ꞌapu ꞌimia.

Daniel 4:26

Aín buru ꞌimainun aín tapunkama ñui kikë ax ka ësaimi ꞌiti ñui kikë ꞌikën, mix kamina amiribishi ꞌapu ꞌitëkënti ꞌain, mix ꞌapu ꞌixun Dios ax ka asérabi kushiñu ꞌikë kixun ꞌunanin.

Daniel 4:34

Anun ꞌëx usai ꞌiti nëtë a sënë́nkëbëtan kana ꞌëx Nabucodonosor ꞌixun naímiu bësukin isan, iskin kana ꞌën sinan bëtsikë a mëníokakin asábi tan; usai ꞌikin kana Dios manámi ꞌikë a asabika kixun sinánxunkin rabian, ax ka nëtë́tima oi tsotia, aín kushix ka këñutima oi ꞌiti ꞌikën, ax ka kamabi nëtën xënibua ꞌaínbi ꞌiti ꞌikën.

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Daniel 4:37

Usa ꞌain kana ꞌëx Nabucodonosor ꞌixun bërí Dios naínua ꞌapu ꞌikë a rabin, an ꞌakë ñukama ax ka asérabi ꞌianan upíira ꞌikën, an ka ax isa usaira ꞌikë kixun sinani rabiakakë unikama aín kuëënkësa okin ꞌati ꞌikën.

Daniel 5:18

Dios manámi ꞌikë kushiira an ka, min papa Nabucodonosor, axa ꞌapu ꞌaish chaiira ꞌikëa kamabi menu ꞌikë unin uisakinbi kakëma ꞌinun ꞌimiakëxa.