Daniel 5:18 - Kashibo-Kakataibo Biblia

¹⁸ Dios manámi ꞌikë kushiira an ka, min papa Nabucodonosor, axa ꞌapu ꞌaish chaiira ꞌikëa kamabi menu ꞌikë unin uisakinbi kakëma ꞌinun ꞌimiakëxa.

Daniel 5:18 ပူးပေါင်းရင်းမြစ်များ

2 Reyes 25:28

Usa ꞌixun ka upiti abë banakin abëa ꞌikë ꞌapukaman ñatanbiankin buánkë ꞌapukama a ꞌakësamaira okin Babilonianu ꞌikë ꞌapun nuibakin abëa ꞌinun ꞌimiakëxa.

Salmos 47:2

Nun ꞌIbu ax ka kushiira ꞌaish manámi ꞌikë ꞌaish ami rakuë́ti ꞌikën; ax ka ꞌapuira ꞌapu ꞌaish kamabi menu ꞌikën,

Daniel 4:17

Ënëx ka usai ka ꞌiti ꞌikë kiaxa an bërúanti nankë ángelkama ax kikë ꞌikën, usa ꞌikë ka kamabi unikaman ꞌunánti ꞌikë, ax ka manámi ꞌikë Dios kamabi kushiñu a ꞌikën, an ka uikara ꞌapu ꞌimitisatania a ꞌapu ꞌimianan uix kara ñuumasara ꞌikë a unikamaribi aín kushia aín menubi ꞌinun ꞌimia.

Daniel 4:19

Usa ꞌain ka Daniel kakin anëkë ꞌikëbi Beltsasar kakinribi anëkë ax ꞌëorapain ain sinánkë rakarakëtamainun sinani niaxa. Usai ꞌiabi kana ꞌëx ꞌapu ꞌixun kan: Beltsasar ꞌitsaira sinánkinma kamina uisakin namákë kara ꞌën namákë ax ꞌikë ꞌë ñuixunti ꞌain kixun kan. Kakëxun ka Beltsasarnën ꞌë kakëxa: Min namákë ax ka uin kara mi ꞌaisama oisatania a unikamanubi pakëti ꞌikën.

Daniel 4:2

ꞌËn kana mitsunmi Dios kamabi kushiñu an ꞌë ꞌaxunkë ñukama mitsun ꞌunánti kuëënin.

Daniel 4:32

ꞌën kana unikamabë ꞌimami ñuinakamabë ꞌinun mi ꞌimiti ꞌain; anuxun kamina pasto vaca bënëkaman ꞌakësaribi okin mapai achúshi ꞌimainun rabë́ baritia anúnmi, Dios ax ka ënë menu ꞌikë ëmakama aín kushi ꞌianan ui kara aín kushi ꞌimitisatania a aín kushi ꞌimia kixun min ꞌunánti nëtë sënë́ntamainun ꞌiti ꞌain.

Daniel 4:34

Anun ꞌëx usai ꞌiti nëtë a sënë́nkëbëtan kana ꞌëx Nabucodonosor ꞌixun naímiu bësukin isan, iskin kana ꞌën sinan bëtsikë a mëníokakin asábi tan; usai ꞌikin kana Dios manámi ꞌikë a asabika kixun sinánxunkin rabian, ax ka nëtë́tima oi tsotia, aín kushix ka këñutima oi ꞌiti ꞌikën, ax ka kamabi nëtën xënibua ꞌaínbi ꞌiti ꞌikën.

Daniel 5:21

Usakin ꞌatankëxun ka uni ꞌikëbi unikamanua chikinkin achúshi ñuinasa ꞌinun ꞌimiakëxa; usokëx ka ñuina raëkëma ꞌimainun vaca bënëkamabëtan pasto pi nitsia ka, nibítan ꞌibúkin aín nami chabókëxa, usa ꞌain ka Dios manámi ꞌikë an kushiira ꞌixun kamabi menu ꞌikë unikama ꞌakianan, ui kara ꞌapu ꞌimitisa tania a ꞌapu ꞌimia kixuan anun ꞌunánti nëtë ꞌitámainun ꞌakëxa.

Daniel 6:22

ꞌËn Diosan ka ꞌë uisabi oima paru ꞌinúankama kuëëtsë́kinun an ꞌimiti ain ángel xuaxa, Diosan ka ꞌëx kana uisa ñu ꞌatimabi ꞌakëma ꞌai kixun ꞌunánan ꞌën kana uisa ñu ꞌatimabi mix ꞌapu ꞌikë ꞌaxunkëma ꞌai kixun ꞌunánxa.

Hechos 26:13

Cuanquin cana bari xamárucëbë naínuax pëqui, barían pëcacësamaira oi ichuquin nëbë́tsioraquin axa ꞌëbë cuancë unicamacëñunbi ꞌë pëcacëxun isacën.

Hechos 26:19

Pablonën ca ësaquinribi Agripa cacëxa: ꞌApu Agripa, cana mi cain, usaquian Jesusan naínuxun ꞌë cacëxun cana aín bana parë́quinma an cacësabi oquin ꞌacën.

Hechos 7:48

ꞌAxuan ꞌaínbi ca Nucën Papa Dios, ax ꞌApuira ꞌaish, unin ꞌacë xubunu tsotima. Ësai ca an Nucën Papa Dios quicë bana unicama ñuixuncë unían cuënëo bana quia:

Deuteronomio 32:8

Achúshi okin ka Diosan ax kushiira ꞌixun unikama amanu amanu kuani bëtsi bëtsi menu tsóti kuanun ꞌimiakëxa, ꞌimianan ka uinu kara atun me sënë́nti ꞌikë aribi kamabi menu ꞌikë unikama ꞌunánmiakëxa. ꞌAínbi ka usakin atu ꞌanan Israel unibu aín uni ꞌiti kaisakëxa,