Daniel 4:35 - Kashibo-Kakataibo Biblia

³⁵ An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Daniel 4:35 ပူးပေါင်းရင်းမြစ်များ

Salmos 115:3

Nun ꞌIbu Dios ax ka naínu ꞌikën; usa ꞌixun ka añu kara ꞌaisa tania akamabi ꞌakëxa.

Salmos 33:14

ꞌanan ka uinu kara ax ꞌia anuxunbi ënë menu tsókë unikama ꞌunania;

Isaías 43:13

Bërámabi ꞌiá ꞌaish kana ꞌëx Dios a ꞌain. Uínbi ka ꞌën kushinua uni chikintima ꞌikën. Uínbi ka ꞌën ꞌakë ñu ꞌaisama ꞌinun kamina ꞌai kixun ꞌë katima ꞌikën.

Daniel 6:27

Ax ka an uni ië́mianan upiti tsónun ꞌakinkë a ꞌikën; an ka unin iskëma ñu chaiirabu naínu ꞌanan menuribi ꞌaia. An ka Daniel paru ꞌinúankaman aín ꞌuntsisan ꞌati ꞌikëbi ië́miaxa.

Jonás 1:14

Usai ꞌikëbëtan ka munuma banakin an ꞌakinun kixun ñukákin Dios ësokin kakankëxa: Dios nukamina ënë unin ꞌucha kupín bamanun ꞌimitima ꞌain. ꞌIanan kamina axa ñu ꞌatima ꞌakëma ꞌaish bamakëbëtan, nukamaxnu anun ꞌuchakësa ꞌinun ꞌimitima ꞌain, usa ꞌixun kamina mix Dios ꞌixun uisakin kaina ꞌaisatani usakin ñu ꞌain.

Hechos 11:17

Usa ꞌaían nu ꞌacësaribi oquin Jesucristomia catamëtia, atu aín Bëru Ñumshin Upí ꞌinania cana ꞌën ꞌinánxunma ꞌanun quixun Nucën Papa Dios catima ꞌain.

Hechos 4:28

usai ca ꞌiti ꞌicë quixunmi mëníosabi oi ca usai ami ꞌiaxa.

Hechos 5:39

ꞌAínbi, Nucën Papa Diosanbi ꞌunánmicëxun bana ñuixuanan ñu ꞌacë ꞌicë camina uisabi ocantima ꞌain. Nucën Papa Diosmi atumina nishcanin ca bërúanracat.

Hechos 9:5

Ësai quia ca cacëxa: —¿Ui caramina ꞌain, Nucën ꞌIbu Dios sapi camina ꞌain. Cacëxun ca cacëxa: —ꞌËx cana Jesús, ami bëtsi bëtsi ocë, a ꞌain. Ami tatíqui chacati nishquin i tapun, taën ꞌaquinmi paë tancësa, usaribiti camina mibi ꞌin.

1 Corintios 10:22

Nucën ꞌIbu Jesús nishmiquin camina ñunshin ꞌatima rabitima ꞌain. Nuxnu cushima ꞌimainun ca axira nubë sënë́nmaira ꞌaish cushi ꞌicën.

1 Corintios 2:16

Aín bana cuënëo ca quia: “¿Uin cara Nucën Papa Diosan sinan ꞌunanx? ¿Uin cara a ꞌunánmiti ꞌic? An usaquin ꞌunánti uni ca ꞌaíma ꞌicën”. Usa ꞌaínbi cananuna nun Nucën Papa Diosan Bëru Ñunshin Upitan sinánmicëxun Cristonën sináncësaribi oquin sinanin.

Efesios 1:11

Nux Cristonan cupí aín uni raíri ꞌacësaribi oquin nu axa cuëëncësabi oi ꞌianan aín nëtënu abë ꞌiti nu ꞌiminuxun ca Nucën Papa Diosan ainan ꞌinun nu caísacëxa. Usai nux ꞌinun ca Nucën Papa Diosan camabi ñu ax cuëëncësabi oquin ꞌaquin mëníocëxa.

Josué 2:2

ꞌAínbi ka anu ꞌikë unin ñuia kuabianxun Jericó ëmanu ꞌikë ꞌapu ësokin kakëxa: —Uiti israel uni sapi kaisa nun me ñachai ënë imë́ uonxa.

1 Samuel 3:18

Kakëxun ka Samuelnën unë́kinma kamabi ñu ñuixuankëxa, ñuixunkëx ka ratuti Elí munuma kuënkëni kiakëxa: —¡Ax ka Nukën ꞌIbu ꞌikën! Usa ꞌain kamina uisakin kara mi kaia usakinbi ꞌati ꞌain.