Daniel 4:34 - Kashibo-Kakataibo Biblia

³⁴ Anun ꞌëx usai ꞌiti nëtë a sënë́nkëbëtan kana ꞌëx Nabucodonosor ꞌixun naímiu bësukin isan, iskin kana ꞌën sinan bëtsikë a mëníokakin asábi tan; usai ꞌikin kana Dios manámi ꞌikë a asabika kixun sinánxunkin rabian, ax ka nëtë́tima oi tsotia, aín kushix ka këñutima oi ꞌiti ꞌikën, ax ka kamabi nëtën xënibua ꞌaínbi ꞌiti ꞌikën.

Daniel 4:34 ပူးပေါင်းရင်းမြစ်များ

2 Samuel 22:31

ꞌËn ꞌIbu Dios min akë kamabi ñux ka upíira ꞌikën; minmi ꞌë ꞌakinkë an ka ꞌë kuëëmia, min kamina uix kara mimi katamëtia a unikama upíokin ꞌakinin suntárunëxa aín manë pará ami katamëkë usaribi ꞌitánun.

Job 1:21

Usai ꞌika ësai kiakëxa: —Ñuñu kana ënë menu ꞌëx bakë́anma ꞌain, usa ꞌain kana ñukin ënë menu ꞌikë ꞌën ñukama uantima ꞌain, usa ꞌain kana ënë menubi ꞌën ñukama ëbiani ñuti ꞌain, Diosan ka kamabi ꞌën ñukama ꞌë ꞌinánkëxa, usa ꞌixun ka anbi ꞌën ñukama kamabi ꞌë bikuantëkëanxa; ¡Nukën ꞌIbu Dios ax ka ꞌupiokin rabikë ꞌiti ꞌikën!

Salmos 107:15

Usa ꞌain kananuna Nukën ꞌIbu Dios nu ꞌakinkëxun asabika kakin rabiti ꞌain, ¡an ka kamabi unikama ꞌupiokin ñu ꞌanun ꞌakinia!

Salmos 107:22

Usa ꞌain ka ñuina ꞌaxun xaroxuni an ꞌa ñukama, a sinani kuëënkin rabikanti ꞌikën.

Salmos 107:31

Usa ꞌain kananuna Nun ꞌIbu Dios nu ꞌakinun asábi ka kakin rabiti ꞌain, an ka kamabi uni ñu ꞌupiokin ꞌanun ꞌakinia.

Salmos 107:8

Usa aín kananuna Nukën ꞌIbu Dios nu ꞌakinkëxun asabika kakin rabiti ꞌain, ¡an ka kamabi unikama upíokin ñu ꞌanun ꞌakinia!

Salmos 121:1

ꞌËx kana aín bashikama iskin sinani ꞌësai kin; ¿Uinuax kara an ꞌë ꞌakinti uti ꞌik?

Salmos 145:13

Mix ꞌapu ꞌia ax ka xënibua ꞌainbi mix ꞌapu ꞌiti ꞌikën, usa ꞌain ka kamabi unin rëbúnki ax mix kuëënkësabi oi ꞌiti ꞌikën.

Salmos 66:7

Usa ꞌain ka ax kushiira ꞌixun xënibua ꞌaínbi; kamabi nëtënu ꞌikë aín unikama isia; an ka ñunshinakëkin bana kuakëma unikama ami nishkima, tsuákirukin ꞌatima oti rabanan bërúaia.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Daniel 4:2

ꞌËn kana mitsunmi Dios kamabi kushiñu an ꞌë ꞌaxunkë ñukama mitsun ꞌunánti kuëënin.

Daniel 4:26

Aín buru ꞌimainun aín tapunkama ñui kikë ax ka ësaimi ꞌiti ñui kikë ꞌikën, mix kamina amiribishi ꞌapu ꞌitëkënti ꞌain, mix ꞌapu ꞌixun Dios ax ka asérabi kushiñu ꞌikë kixun ꞌunanin.

Daniel 4:3

An ꞌakë ñux ka chaiirabu ꞌimainun upíira ꞌikën, usa ꞌain ka ax xënibua ꞌaínbi ꞌiti ꞌikën, ꞌimainun ka aín kushi ax xënibua ꞌaínbi këñutima ꞌiti ꞌikën.

Daniel 4:32

ꞌën kana unikamabë ꞌimami ñuinakamabë ꞌinun mi ꞌimiti ꞌain; anuxun kamina pasto vaca bënëkaman ꞌakësaribi okin mapai achúshi ꞌimainun rabë́ baritia anúnmi, Dios ax ka ënë menu ꞌikë ëmakama aín kushi ꞌianan ui kara aín kushi ꞌimitisatania a aín kushi ꞌimia kixun min ꞌunánti nëtë sënë́ntamainun ꞌiti ꞌain.

Daniel 4:36

Ësai banai sënënishi kana a nëtënbi ꞌën ꞌatimakin sinánkë a mëniokatëkëni pëxkúti amiribishi upíokin sinánkën. Usai ꞌia ka ꞌëx ꞌapu ꞌaia aín kushikama ꞌixun an bana mëníokë unikama ꞌimainun an uni bana ñuixunkin ꞌësëkë akama ꞌënu utëkëankëxa, uxun ka amiribishi ënë menubi ꞌapu ꞌinun ꞌë ꞌimiakëxa, ꞌimikëx kana bëráma ꞌiásamaira ꞌinun ꞌapu ꞌitëkëni chaiira ꞌapu ꞌianan kushiira ꞌapu ꞌiakën, usai ꞌi mënin sinánñushi ꞌia ka usa ka a ꞌapu ꞌikë kixun unin ꞌunánkë ꞌiakën.

Daniel 5:18

Dios manámi ꞌikë kushiira an ka, min papa Nabucodonosor, axa ꞌapu ꞌaish chaiira ꞌikëa kamabi menu ꞌikë unin uisakinbi kakëma ꞌinun ꞌimiakëxa.

Daniel 5:21

Usakin ꞌatankëxun ka uni ꞌikëbi unikamanua chikinkin achúshi ñuinasa ꞌinun ꞌimiakëxa; usokëx ka ñuina raëkëma ꞌimainun vaca bënëkamabëtan pasto pi nitsia ka, nibítan ꞌibúkin aín nami chabókëxa, usa ꞌain ka Dios manámi ꞌikë an kushiira ꞌixun kamabi menu ꞌikë unikama ꞌakianan, ui kara ꞌapu ꞌimitisa tania a ꞌapu ꞌimia kixuan anun ꞌunánti nëtë ꞌitámainun ꞌakëxa.

Daniel 6:26

ꞌimainun ka ësokinribi unikama kanun kakëxa, kamabi uni ꞌëx ꞌapu ꞌaían tsókë unikaman ka Danielnën rabikë Dios ꞌashi rabikanti ꞌikën. Ax ka uínsaranbi nëtë́tima oia tsókë a ꞌikën, usa ꞌaish ka Dios xënibua ꞌaínbi tsotia. ꞌImainun ka uínsarabi ꞌatima okë ꞌianan ka uínsarabi aín kushi këñutima ꞌikën.

Daniel 7:14

ꞌAmitankëxun ka uni apan an aín kushi ꞌinánkin axa ꞌapu chaiira ꞌi kushiira ꞌinun ꞌimianan, kamabi menu ꞌikë ꞌimainun bëtsi banan banakë unikaman ñu mëëxunkin rabinun ꞌimiaxa. Usa ꞌaish ka aín kushi ax ꞌiásabi kushiira ꞌiti ꞌikën, ꞌimainun ka uínbi ax ꞌapu ꞌikë uínsaranbi masókë ꞌitima ꞌikën.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Daniel 9:14

Usa ꞌain kamina mix Dios ꞌixun ënë ñu ꞌatimakama inuti tëmëranun nu ꞌimian, mix kamina nun ꞌIbu ꞌianan Dios ꞌain, usa ꞌain ka min ꞌakë ñukama ꞌupíira ꞌikën, ꞌaínbi kananuna nukaman min bana kuaisatankin min kikësokin ꞌaisama tan.

Jonás 1:14

Usai ꞌikëbëtan ka munuma banakin an ꞌakinun kixun ñukákin Dios ësokin kakankëxa: Dios nukamina ënë unin ꞌucha kupín bamanun ꞌimitima ꞌain. ꞌIanan kamina axa ñu ꞌatima ꞌakëma ꞌaish bamakëbëtan, nukamaxnu anun ꞌuchakësa ꞌinun ꞌimitima ꞌain, usa ꞌixun kamina mix Dios ꞌixun uisakin kaina ꞌaisatani usakin ñu ꞌain.

Lucas 1:33

ꞌApu ꞌaish ca Israelnën rëbúnquinën ꞌapu nëtë́timoi ꞌiti ꞌicën. Ax ca cëñútimoi ꞌapu ꞌinuxun ꞌaia.

Lucas 18:13

Fariseo uníxa usai quimainun ca an ꞌapu buánmiti curíqui bicë unin, ꞌuri niracëti manámi bësuima meuishi bësui, masá nuituquin aín nuitu mëëi abë banaquin, —Nucën Papa Dios, ꞌëx ꞌuchañu ꞌicë camina ꞌë nuibaquin ꞌën ꞌuchacama ꞌë tërë́nxunti ꞌai —quixun caxa.

Juan 5:26

Usa ꞌinun ca Nucën Papa Diosan, ënë nëtënu tsónan ainan ꞌaish aín nëtënuribi abë ꞌinun uni ꞌimia. An ca aín Bëchicë ꞌënribi usaribi oquin uni ꞌiminun ꞌë ꞌimiaxa.

Deuteronomio 32:4

Ax ka an nu bërúankë ꞌikën; an ꞌakë ñux ka upíira upí ꞌikën, an ꞌakë ñux ka asérabi upí ꞌikën. Ax ka Dios ꞌaish këmëima asérabi banaia, ¡an ka uínsaranbi an ñu ꞌatima ꞌakë uni abi ꞌatima oima ꞌaínbi ka ënkinma a unikama ꞌatima onuxun ꞌaia!

1 Timoteo 1:17

Usa ꞌain cananuna Nucën Papa Dios, axa usabi ꞌApuira ꞌiá ꞌaish cëñútimoi usabi ꞌiti, a unin aín bërúnbi iscëma, ꞌianan an camabi ñu ꞌunáncë, axëshia Dios, a xënibua ꞌaínbi rabiti ꞌain. Usai ca ꞌiti ꞌicën.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

Apocalipsis 10:6

Manámi oquin ca caxa: —Axa bamatimoi tsócë, an naí, me, parúnpapa, acama ꞌimainun anu ꞌicë ñucamaribi unio Nucën Papa Dios, an cuamainun cana cain: Ax quiasabi oi ca bërí ꞌiti ꞌicën.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 4:10

ca mëcën rabë́ ꞌimainun taë rabë́ ꞌimainun rabë́ ꞌimainun rabë́ a caniacëcë unicama an axa xënibua ꞌaínbi bamatimoi tsócë Nucën Papa Dios ami bësui, rantin puruni tsóbuquin a rabiia. Rabiquin ca curi ꞌacë mañuti atúan mañucë Nucën Papa Dios ꞌinánquin anua ax ꞌicë aín bëmánon nanquin rabiquin ësaquin caia:

Apocalipsis 4:9

Usaquian ꞌitsa bëruñu ñu an Nucën Papa Dios, axa anu ꞌApuira tsóti, anu ꞌianan bamatimoi tsócë, a nëtë́timoquin rabianan —ca asábi ꞌicë —quixun cacëbëtan cacëbëtan,