Daniel 4:31 - Kashibo-Kakataibo Biblia

³¹ Usai banai sënë́nxumabi ka ꞌapun naínuaxa ësai achúshi bana kia kuakëxa: Ënë bana kamina kuati ꞌain ꞌapu Nabucodonosor anumi ꞌapu ꞌikë ëma ax ka minama ꞌikën;

Daniel 4:31 ပူးပေါင်းရင်းမြစ်များ

Génesis 14:18

ꞌImainun ka bëtsi ꞌapu Melquisedec, kakë ꞌapu Salem ëmanu ꞌikë anribi biakëxa, ax ka sacerdote Nukën ꞌIbu Dios an kamabi ñu unio kushiira naí manámi ꞌikë aín uni ꞌiakëxa, an ka pán këñun vino ꞌinánkin.

Salmos 145:13

Mix ꞌapu ꞌia ax ka xënibua ꞌainbi mix ꞌapu ꞌiti ꞌikën, usa ꞌain ka kamabi unin rëbúnki ax mix kuëënkësabi oi ꞌiti ꞌikën.

Daniel 4:24

Ënëkamax ka ësai kikë ꞌikën, Dios kushiira manámi ꞌikë an ka usokin mi ꞌapu ꞌikëbi ꞌatima oti ꞌikë kixun sinánxun nanxa.

Daniel 4:26

Aín buru ꞌimainun aín tapunkama ñui kikë ax ka ësaimi ꞌiti ñui kikë ꞌikën, mix kamina amiribishi ꞌapu ꞌitëkënti ꞌain, mix ꞌapu ꞌixun Dios ax ka asérabi kushiñu ꞌikë kixun ꞌunanin.

Daniel 4:30

nitsax ësai kiakëxa: ¡Ka kuat, chaiira cha ka Babilonia ëma ꞌikën! ꞌËx kushiira ꞌixun kana anu ꞌëx ꞌapu ꞌia ꞌikëa unin ax kushiira ꞌixun ka usakin ꞌamiakëxa kixuan unin ꞌunánun kana ꞌamia kiakëxa.

Daniel 4:32

ꞌën kana unikamabë ꞌimami ñuinakamabë ꞌinun mi ꞌimiti ꞌain; anuxun kamina pasto vaca bënëkaman ꞌakësaribi okin mapai achúshi ꞌimainun rabë́ baritia anúnmi, Dios ax ka ënë menu ꞌikë ëmakama aín kushi ꞌianan ui kara aín kushi ꞌimitisatania a aín kushi ꞌimia kixun min ꞌunánti nëtë sënë́ntamainun ꞌiti ꞌain.

Daniel 4:34

Anun ꞌëx usai ꞌiti nëtë a sënë́nkëbëtan kana ꞌëx Nabucodonosor ꞌixun naímiu bësukin isan, iskin kana ꞌën sinan bëtsikë a mëníokakin asábi tan; usai ꞌikin kana Dios manámi ꞌikë a asabika kixun sinánxunkin rabian, ax ka nëtë́tima oi tsotia, aín kushix ka këñutima oi ꞌiti ꞌikën, ax ka kamabi nëtën xënibua ꞌaínbi ꞌiti ꞌikën.

Daniel 5:20

ꞌAínbi ka ꞌëx kana usaira ꞌai kixun sinani ax chaiira ꞌia iskin, an kuëënkësa okia uni ꞌaia Diosan aín kushi biküankëxa.

Daniel 5:28

Usa ꞌain ka PARSÍN kikë bana axribi ësaribiti ki kikë ꞌikën: Diosan ka mixmi ꞌapu ꞌikë anua chikínkin mi medos ꞌimainun persianu ꞌikë unikaman ꞌanun mi ꞌinánti ꞌikën. Kixun ka Danielnën kakëxa.

Daniel 6:27

Ax ka an uni ië́mianan upiti tsónun ꞌakinkë a ꞌikën; an ka unin iskëma ñu chaiirabu naínu ꞌanan menuribi ꞌaia. An ka Daniel paru ꞌinúankaman aín ꞌuntsisan ꞌati ꞌikëbi ië́miaxa.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Lucas 12:20

Usaquian sinania ca Nucën Papa Diosan caxa: Sinánñuma uni camina mix ꞌain. Ënë ñantánbi camina bamain. ¿Bamacëbë cara minmi bucúncë ñucama uinan ꞌiti ꞌic? Ca minanma ꞌiti ꞌicën.

Juan 12:28

Papan, unicaman mix cuëëncësa oquin mi rabinun ca uisashi cara, ꞌë ocancëxbi asábi ꞌiti ꞌicën. Cacëxun ca naínuax banaquin aín Papan cacëxa: —Atúan ꞌë rabinun cana mëníocën, mënío ꞌixun cana ꞌëa rabinun sinánmitëcënti ꞌain.

1 Tesalonicenses 5:3

Axa Jesucristomi sináncëma unicamaxa: “Chuámashi cananuna bucuin, uisa ñunbi ca nu uisotima ꞌicë” quicëbëbi ca anúan cëñúcanti nëtë atun sináncë ꞌaímabi unuxun ꞌaia. Xanu tuñunën ca anúan ax bacë́nti nëtë sënéncëbëtan paë taníma ꞌima. Usaribiti ca axa usai banacë unicama anúan cëñúti nëtëa ucëbë ië́tima ꞌicën.

Apocalipsis 16:7

Usaquin cuanan cana anuxun tsëpasa ñu sanutanun nëënti, anuax ësai qui banaia cuan: —Usa ca. Nucën ꞌIbu Dios ꞌaish camina min cushi chaira ꞌaish, bëtsi cushisama ꞌain. Min sinan upíira ꞌixun camina uisa caramina oti ꞌai usoquin ꞌan. Mixmi ñu ꞌatima cuëëncëma cupí camina usoquin ꞌan.

1 Samuel 13:14

Usa ꞌaínbi ka mi ꞌimainun min rëbúnkikama uínsaranbi ꞌapu ꞌinuxuma ꞌaia. Usa ꞌain ka Nukën ꞌIbun achúshi uni an kuëënkësabi okin an ꞌati barixun aín unikama ꞌapu ꞌinun ꞌimiti ꞌikën, min kamina an kakësokin ain bana kuaisama tan.

1 Samuel 15:23

Usa ꞌaish ka uin kara ax kikësokin ꞌaima ax ami ꞌuchai an ñu tankë unikamasa ꞌiti ꞌikën; usa ꞌaish ka ñu tankin ꞌaxun rabikë unikamasa ꞌixun Diosan kakësokin ꞌaima ami ꞌuchaia. Usa ꞌaínbi kamina min an kikësokin ꞌakëma ꞌain, an kakësokin kamina ꞌaisama tanin, usa ꞌikë ka ꞌapu ꞌikëbi mi ꞌakintima ꞌikën.