Daniel 4:26 - Kashibo-Kakataibo Biblia

²⁶ Aín buru ꞌimainun aín tapunkama ñui kikë ax ka ësaimi ꞌiti ñui kikë ꞌikën, mix kamina amiribishi ꞌapu ꞌitëkënti ꞌain, mix ꞌapu ꞌixun Dios ax ka asérabi kushiñu ꞌikë kixun ꞌunanin.

Daniel 4:26 ပူးပေါင်းရင်းမြစ်များ

Daniel 2:18

ñuixuntankëxun ka Dios naínu ꞌikë a kamina uisakin kara ꞌapun namáxa a ñuixunua nu ꞌakinun ñukati ꞌai kixun kakëxa, usakin ñukákëxuan nu ꞌakinia ka an ñu ꞌunánkë unikama Babilonianu ꞌikë akama këñun nuribi ꞌatima ꞌikën.

Daniel 2:19

A ꞌimë́bi ka ꞌunátisama ñu a Daniel Diosan uisokin namákë ꞌianan uisai ꞌiti kara ax ꞌikë kixun kakëxa, usakia kakëxun ka Danielnën Dios naínu ꞌikë a ꞌupiokin sinánxunkin,

Daniel 2:37

Mix kamina chaiira ꞌaish bëtsi ꞌapukama samaira ꞌain, usa ꞌikë ka Nukën ꞌIbu Dios naínu ꞌikë an ka mixmi kamabi unikaman ꞌapu ꞌianan mix kushiira ꞌixunmi, min unikama ꞌakinun mi ꞌimiaxa

Daniel 4:15

ꞌAínbi ka aín buru ꞌimainun aín tapunkama ax menu ënkë ꞌiti ꞌikën; a kamina manë tunan këñun manë panshian ꞌakë risi anun tëkërëkati ꞌain, ꞌatankëxun kamina ninu ꞌikë basinua ꞌinun ënti ꞌain. Usokin ꞌakë ꞌain ka anu nibí ꞌibúti ꞌikën, ꞌimainun ka an basi pikë ñuinakamabëtan basi pi niti ꞌikën.

Daniel 4:23

ꞌImainun kamina min namákin ꞌapu ꞌixun achúshi ángel an bërúankë unisa ꞌaish upíira naínuax ubuti ësai kia kuan: I chaiira ax ka rëratankëxun masókë ꞌiti ꞌikën, ꞌaínbi ka ꞌain buru menu ꞌikë a ꞌimainun ꞌain tapunkama ax anubi ënkë ꞌiti ꞌikën, usakin ꞌaxun ka manë risi tunan ꞌimainun panshian mëskukin ꞌakë anun tëkërëkatanxun ninu ꞌikë xubi kamanu ꞌinun ënti ꞌikën. Usokin ꞌakëx ka ami nibí ꞌibúmainun ñuinakamabëtan ninu nikin basi pi mapai achúshi ꞌimainun rabë́ baritia niti ꞌikë kiax ka kiakëxa.

Daniel 4:31

Usai banai sënë́nxumabi ka ꞌapun naínuaxa ësai achúshi bana kia kuakëxa: Ënë bana kamina kuati ꞌain ꞌapu Nabucodonosor anumi ꞌapu ꞌikë ëma ax ka minama ꞌikën;

Daniel 4:37

Usa ꞌain kana ꞌëx Nabucodonosor ꞌixun bërí Dios naínua ꞌapu ꞌikë a rabin, an ꞌakë ñukama ax ka asérabi ꞌianan upíira ꞌikën, an ka ax isa usaira ꞌikë kixun sinani rabiakakë unikama aín kuëënkësa okin ꞌati ꞌikën.

Daniel 5:20

ꞌAínbi ka ꞌëx kana usaira ꞌai kixun sinani ax chaiira ꞌia iskin, an kuëënkësa okia uni ꞌaia Diosan aín kushi biküankëxa.

Daniel 5:21

Usakin ꞌatankëxun ka uni ꞌikëbi unikamanua chikinkin achúshi ñuinasa ꞌinun ꞌimiakëxa; usokëx ka ñuina raëkëma ꞌimainun vaca bënëkamabëtan pasto pi nitsia ka, nibítan ꞌibúkin aín nami chabókëxa, usa ꞌain ka Dios manámi ꞌikë an kushiira ꞌixun kamabi menu ꞌikë unikama ꞌakianan, ui kara ꞌapu ꞌimitisa tania a ꞌapu ꞌimia kixuan anun ꞌunánti nëtë ꞌitámainun ꞌakëxa.

Mateo 21:20

Usaquian cacë́xa xanáncë isquin ca aín ꞌunánmicë unicaman Jesús cacëxa: —¿Uisa ꞌaish cara ënë higuera bënëtishi xananx? —quixun.

Mateo 5:34

Usa ꞌaínbi cana ꞌën mitsu cain, —Nucën Papa Diosan ismainun cana mi cain —qui camina banatima ꞌain. ꞌImainun camina —naitan cuamainun cana cëmëquinma asérabi mi cain —qui banatima ꞌain, naínu ca Nucën Papa Dios ꞌicë, usa ꞌain.

Lucas 15:18

Usa ꞌain cana ꞌën papanu cuanti ꞌain. Cuanx bëbaquin cana ësaquin cati ꞌain: Papan, cana Nucën Papa Diosmi ꞌuchanan mimiribi ꞌuchan.

Lucas 15:21

Usaquian bicëxun ca aín papa caxa: Papan, cana Nucën Papa Diosmi ꞌuchanan mimiribi ꞌuchan. Usa ꞌain camina ꞌëx cana min bëchicë ꞌai quiax quitima ꞌain.