Daniel 4:22 - Kashibo-Kakataibo Biblia

²² a iásaribi kamina mix ꞌapu ꞌaish chaiira ꞌianan kushiira ꞌain. Usai ꞌimi mix chaiira ꞌikë ax ka naíbëtan sënë́nsa ꞌikën, usa ꞌain kamina min kamabi menu ꞌikë unikama minan ꞌinun ꞌimia.

Daniel 4:22 ပူးပေါင်းရင်းမြစ်များ

Génesis 11:4

Usai kitankëx ka amiribishi kanantëkënkankëxa: Achúshi ëma chaiira ꞌanan kananuna torre ënën menma uarukin chaiorukin naíbëtan sënën ꞌati ꞌain. Usakin ꞌaia iskin ka bëtsi unikaman sinánti ꞌikën a unikamax ka sinánñuira ꞌianan kushiirabu ꞌikën kiax ka kiti ꞌikën, usa ꞌain kananuna nukamax bëtsi mekamanu kuani abístima ꞌain.

Génesis 28:12

Anuxun namákin, iskëxbi ka achúshi tapitinëx menuaxbi kuarutankëxa naínu sënën ꞌikë isakëxa, iskin ka anua Diosan ángelkama kuarumainun raírinëxribi ubuti nitsia isakëxa.

2 Samuel 12:7

Ësokin kakëxun ka Natánën kakëxa: —¡Mix kamina a uni ꞌain! Ësai ka Israel unibunën Dios ax mi ñui, kiáxa: ꞌËn kana a Israel unibunën ꞌapu ꞌinun mi kaisakën: ꞌImainun kana Saúlnën ꞌati ꞌikëbi bërúankin ꞌakiankën;

Daniel 2:21

An ka nëtëkama bëtsionan, usai ꞌiti ñukama aribi usai ꞌitiokin nania, usaribiokin ka ꞌapukamaribi ꞌapu ꞌimiananbi ꞌapu ꞌimima, ꞌianan sinánñu unikama a sinánñuira ꞌinun ꞌimianan, uisakin ka ñu ꞌati ꞌikë kixun ꞌunánun uni ꞌimikë a ꞌain.

Daniel 4:11

Usa ꞌain ka a i kani chaiira ꞌiaxa; usai ꞌikin ka aín pëñanën naíkamë ꞌëo tikakë ꞌiaxa, usa ꞌaish ka ax uinu kara me kuainakëakëxa anuxunbi iskë ꞌiaxa.

Daniel 4:21

ax ka pëi upíirabu ꞌianan, aín bimi ꞌaisamaira ꞌikë kamabi ñuinakan piti ꞌiaxa, ꞌimainun an tupë́onkë tëmú ꞌitsaira ñuina ninu ꞌikë anu tupëni bukukë ꞌiaxa, ꞌimainun ka ain pëñankama anu ñuina pëchiñu kaman atun na ꞌakë ꞌiaxa,

Daniel 4:29

Usa ꞌain ka achúshi baritia an namákë ñukama a inúkëbë ꞌapu ain xubu Babilonianu ꞌikë a manámi tëëkitsi anu kuaruax,

Daniel 4:36

Ësai banai sënënishi kana a nëtënbi ꞌën ꞌatimakin sinánkë a mëniokatëkëni pëxkúti amiribishi upíokin sinánkën. Usai ꞌia ka ꞌëx ꞌapu ꞌaia aín kushikama ꞌixun an bana mëníokë unikama ꞌimainun an uni bana ñuixunkin ꞌësëkë akama ꞌënu utëkëankëxa, uxun ka amiribishi ënë menubi ꞌapu ꞌinun ꞌë ꞌimiakëxa, ꞌimikëx kana bëráma ꞌiásamaira ꞌinun ꞌapu ꞌitëkëni chaiira ꞌapu ꞌianan kushiira ꞌapu ꞌiakën, usai ꞌi mënin sinánñushi ꞌia ka usa ka a ꞌapu ꞌikë kixun unin ꞌunánkë ꞌiakën.

Apocalipsis 18:5

Atun ꞌucha ca ꞌaisamaira ꞌicën, ñu manámi chaioruquin bucúncësa ca ax ꞌicën. Usa ꞌicë ca Nucën Papa Diosan atun ꞌuchacama manuquinma sinánxa.