Daniel 4:21 - Kashibo-Kakataibo Biblia

²¹ ax ka pëi upíirabu ꞌianan, aín bimi ꞌaisamaira ꞌikë kamabi ñuinakan piti ꞌiaxa, ꞌimainun an tupë́onkë tëmú ꞌitsaira ñuina ninu ꞌikë anu tupëni bukukë ꞌiaxa, ꞌimainun ka ain pëñankama anu ñuina pëchiñu kaman atun na ꞌakë ꞌiaxa,

Daniel 4:21 ပူးပေါင်းရင်းမြစ်များ

Salmos 104:17

A ikamanu ka ñuina pëchiñu chukúma an aín na ꞌaia, ꞌimainun ka pino kakë ikama ain pëñanu cigüeña kakë ñuina pëchiñu chabu akamaxribi ꞌia.

Daniel 2:38

ꞌimianan ka minmi kamabi menu tsókë unikamaribi isanan, ñuinakama ꞌimainun pëchiu ñuinakamaribi isti mi ꞌimiaxa; usa ꞌain ka an mix ꞌapu ꞌikë kamabi kushi mi ꞌinánxa, usa ꞌain kamina mix aín maxká kuri ꞌakëmi iskë usa ꞌain.

Daniel 4:11

Usa ꞌain ka a i kani chaiira ꞌiaxa; usai ꞌikin ka aín pëñanën naíkamë ꞌëo tikakë ꞌiaxa, usa ꞌaish ka ax uinu kara me kuainakëakëxa anuxunbi iskë ꞌiaxa.

Daniel 4:20

I chaxkë́ ꞌianan chaira ꞌikëmi min, naíbëtan sënën ꞌikëa unin uranxunbi istisa namákin iskë,

Daniel 4:22

a iásaribi kamina mix ꞌapu ꞌaish chaiira ꞌianan kushiira ꞌain. Usai ꞌimi mix chaiira ꞌikë ax ka naíbëtan sënë́nsa ꞌikën, usa ꞌain kamina min kamabi menu ꞌikë unikama minan ꞌinun ꞌimia.

Lucas 13:19

Ënëx ca ësa ꞌicën. Mostaza bëru chamaratsu a ca unin bixun aín naënu ꞌapatia. ꞌApácëx cani iisaribi ꞌinun pëñanacëcëbëtan ca manan nuáncë ñuinacaman anu noia. Usaribiti ca Nucën Papa Diosan unicamax ꞌitsamashi pain ꞌiaxbi ꞌitsaira ꞌitánun uatia.