Daniel 4:18 - Kashibo-Kakataibo Biblia

¹⁸ Ënëx ka ꞌapu Nabucodonosor ꞌixun ꞌën namákë ꞌikën. Usa ꞌain kamina mix Beltsasar ꞌixun bërí uisokin namákë kara ꞌën namákë ax ꞌikë kixun ꞌë ñuixunti ꞌain, uinu ꞌikë unínbi ka ꞌëx ꞌapu ꞌain, an ñu ꞌunánkëkama achúshinënbi ka ꞌën uisakin namákë kara ax ꞌikë kixun ꞌunánkëma ꞌikën, usa ꞌaínbi kamina Dios upíira ꞌain bëru ñunshinan ꞌakinkëxun min kuni ꞌë ñuixunti ꞌain kixun kaxa.

Daniel 4:18 ပူးပေါင်းရင်းမြစ်များ

Génesis 40:12

Ësokian ñuixunkëxun ka Josénën kakëxa: —Min namákë ax ka ësa ꞌikën: rabë́ ꞌimainun achúshi i pëñanmi namákë ax ka rabë́ ꞌimainun achúshi nëtë ñui kikë ꞌikën,

Génesis 41:15

Usaia bëbakë ka faraónën kakëxa: —ꞌËn kana ësokin namán ꞌaínbi ka an ꞌën namákë ꞌë ñuixunti ꞌaíma ꞌikën, usa ꞌaínbi kana ꞌën kuan, min isamina uni aín namákë ñuixuni kixun ñuia kana kuan, usa ꞌain kaina min ꞌën namákë ꞌë ñuixunti ꞌain.

Génesis 41:8

ꞌAínbi ka a pë́karan anun masánuitukëishi ꞌixun kamabi Egipto menu ꞌikë an ñu tankë ꞌimainun an ñu ꞌunánkë unikama unun kixun kamiakëxa. Kamikëxa rikuatsinkë ka faraónën usakian namákëkama ñuixuankëxa, ñuixunkëxunbi ka uinu ꞌikë uni an ñu tankë ꞌimainun an ñu ꞌunánkë achúshinënbi ñuixuama ꞌikën, uisakin namákin kara usakin namáxa kixun.

Daniel 1:20

Anuxun ka kamabi ñu ꞌunánkëira ꞌiti bana ꞌimainun, sinánñuira ꞌiti banakama a ꞌapun ñukákëxa, ñukákinbi ka an ñu ꞌunánkëira mërakëxa, usa ꞌaish, a menu ꞌikë an ñu tankë ꞌimainun an ñu ꞌunánkë unikamabëtan sënë́nmaira ꞌikë mërakëxa.

Daniel 2:38

ꞌimianan ka minmi kamabi menu tsókë unikamaribi isanan, ñuinakama ꞌimainun pëchiu ñuinakamaribi isti mi ꞌimiaxa; usa ꞌain ka an mix ꞌapu ꞌikë kamabi kushi mi ꞌinánxa, usa ꞌain kamina mix aín maxká kuri ꞌakëmi iskë usa ꞌain.

Daniel 2:7

Ësakian kakëxun ka an ñu ꞌunánkë unikaman amiribishi ꞌapu katëkëankëxa: —Nukama kamina mix ꞌapu ꞌixun min namákë ñuixunti ꞌain, nun kananuna uisakin namákë kara ax ꞌikë kixun mi kati ꞌain.

Daniel 5:15

An ñu ꞌunánkëira unikama ënë menu ꞌikë kana ax ka ënu ꞌiaxa an ka istankëxun uisai kikë kara ënë banakama ꞌë ñuixunti ꞌiaxa, ꞌaínbi ka uisa kara a bana kia kixunbi atun ꞌunanima.

Daniel 5:8

Usai kikëbë utankëx ka an ꞌapu ñu mëëxunkë an ñu ꞌunánkë unikamax anu ꞌapu ꞌikë xubu ꞌukëmëu atsínkankëxa, ꞌaínbi ka uinu ꞌikë atu achúshinanbi uisai kikë kara kënënu kuënëokë ax ꞌikë kixun ꞌapu ñuixuama ꞌikën.

Amós 3:7

Usa ꞌain ka uinsaranbi Nukën ꞌIbun aín bana ñuikë unikama a usakin kana ñu ꞌai kixun ꞌunánmixuma ñu ꞌaima.