Daniel 4:17 - Kashibo-Kakataibo Biblia

¹⁷ Ënëx ka usai ka ꞌiti ꞌikë kiaxa an bërúanti nankë ángelkama ax kikë ꞌikën, usa ꞌikë ka kamabi unikaman ꞌunánti ꞌikë, ax ka manámi ꞌikë Dios kamabi kushiñu a ꞌikën, an ka uikara ꞌapu ꞌimitisatania a ꞌapu ꞌimianan uix kara ñuumasara ꞌikë a unikamaribi aín kushia aín menubi ꞌinun ꞌimia.

Daniel 4:17 ပူးပေါင်းရင်းမြစ်များ

1 Reyes 21:25

Uinsaranbi ka Ahabnën aín xanu Jezabelnën bana tankin, ꞌaisama ñu ꞌanan Diosan upí iskëma ñuira akësokin an ꞌakë ꞌapu ꞌaíma ꞌiakëxa.

Salmos 103:19

Nukën ꞌIbu Dios ax ka naíkamë ꞌëo anu ꞌapuira ꞌikën, usa ꞌaish ka ax kamabi ñukaman ꞌibuira ꞌikën.

Éxodo 9:16

usa ꞌaínbi kana ꞌën kushi ismiti kupín mi uisabi okëma ꞌain, kamabi menu ꞌikë unían ꞌëx kana usa kushiñu ꞌai kixun ꞌunánun.

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Isaías 6:8

Ësai kia kuatankëxun kana Dios ësai kikë aín banaribi kuan: “¿Uinu ꞌikë uni karana xuti ꞌain? ¿Uix kara nukamax kikë bana uni ñuixunkë ꞌiti ꞌik?” Kia kana ꞌën kan: “Ënu kana ꞌëx ꞌain ꞌë kamina xuti ꞌain.”

Daniel 2:21

An ka nëtëkama bëtsionan, usai ꞌiti ñukama aribi usai ꞌitiokin nania, usaribiokin ka ꞌapukamaribi ꞌapu ꞌimiananbi ꞌapu ꞌimima, ꞌianan sinánñu unikama a sinánñuira ꞌinun ꞌimianan, uisakin ka ñu ꞌati ꞌikë kixun ꞌunánun uni ꞌimikë a ꞌain.

Daniel 4:2

ꞌËn kana mitsunmi Dios kamabi kushiñu an ꞌë ꞌaxunkë ñukama mitsun ꞌunánti kuëënin.

Daniel 4:25

ꞌImainun kamina mix ꞌapu ꞌaíshbi chikiti unikamabë ënanantankëx chikítankëx ñuina kamabë niti ꞌain; usai ꞌikin kamina vaca bënëkamasa ꞌixun pasto pinuxun ꞌain, usai ꞌia ka pëkarakuatsínkëbëtan nibí ꞌibúkin min nami chabóti ꞌikën. Usai kamina mix ꞌapu ꞌaish mapai achúshi ꞌimainun rabë́ baritia anúnmi Dios an ka kamabi kushiñu ꞌixun axa aín kushi ꞌiti unikama ax kuëënxun aín kushi ꞌinun ꞌimia, kixun ꞌunánti nëtë ꞌitámainun niti ꞌain, an ka uikara ꞌapu ꞌimitisatania a ꞌapu ꞌimia.

Daniel 7:25

Usa ꞌixun ka an Dios manámi ꞌikë kushiira ꞌatimakin ñuianan an rabikë unikama këñukin pëuti ꞌikën; ꞌanan ka Dios kia bana aribi bëtsiokin nainsa tanan usakin unikaman fiesta ꞌatia Dios kia aribi bëtsiokin nainsa tanti ꞌikën, usa ꞌain ka an Dios rabikë unikaman ꞌapu an kakësokinshi ꞌati ꞌikën, rabë́ ꞌimainun achúshi baritia ꞌirukë anua mapai achúshi ꞌimainun achúshi ꞌuxë sënë́mi kiti ꞌikën.

Romanos 13:1

Camabi ꞌapux ca Nucën Papa Diosan ꞌimicë ꞌicën. An ꞌimicëma ꞌapu ca ꞌaíma ꞌicën. Usa ꞌain camina mitsun ꞌapucaman bana cuati ꞌain.

1 Corintios 1:28

Ainsa ñu ꞌunánxa quixuan sináncë unicaman, —Diosan ꞌamicëxun ca aín unicaman nun sináncësamaira oquin sinania —quixun istánun ca Nucën Papa Diosan axa ënë nëtënu ꞌicë unían ñu ꞌunánma isa quixun sináncë unibu ainan ꞌinun caísaxa.

1 Timoteo 5:21

Nucën Papa Dios ꞌimainun Nucën ꞌIbu Jesucristo ꞌimainun aín ángel upícamanribia ismainun cana ësaquin ꞌanun mi cain: Min aintsi ꞌibu ꞌimainun uisa uni cara, anbia axa Jesucristomi catamëcë unicaman cushi ꞌixunbi ñu ꞌaisama ꞌaia camina axa Jesucristomi catamëcë unicama timë́cënuxun sinanamiquin cati ꞌain, ꞌën mi cacësabi oquin.

Apocalipsis 4:8

A ñucama achúshi achúshinëx ca anúan nuánti mëcën achúshi ꞌimainun achúshi pëchiñu ꞌiaxa. Aín bërucamax ca ëman ꞌianan ꞌucë mëúribi ꞌiaxa. A ñux ca nëtë́nbi imë́bi nëtëtima Nucën Papa Dios rabi ësai quiaxa: Nucën Papa Dios, ax ca upíira upí, upíira upí upíira upí ꞌicën. Aín cushix ca chaira ꞌaish bëtsi cushisama ꞌicën. Ax ca usabi ꞌiá ꞌaish, usabi ꞌaish, usabi ꞌiti ꞌicën.

1 Samuel 2:8

Nukën ꞌIbun ka ñuñuma uni ñuñu ꞌinun ꞌimia ꞌimianan ka kuaínbëkini nitsi ñu ñukákanankë uni, atúxribi ñuñu unikamabë ñuñu ꞌi ꞌapu ꞌinun ꞌimiti ꞌikën ꞌimikin ka, atux tsókë anuribi tsónun ꞌimiti ꞌikën; Dios ax ka kamabi ñun ꞌibu ꞌianan kamabi men ꞌIbu ꞌikën, usa ꞌixun ka an me uniokin anubia ꞌitinu nankëxa.