Daniel 4:14 - Kashibo-Kakataibo Biblia

¹⁴ ax ka kushin banai ësai kiaxa: i akamina menu nipakëtanun rëti ꞌain ꞌaxun kamina aín pëñankama tëakëbëa, aín pëchikama tákikëbë aín bimikama abístanun tëati ꞌain. Usokin ꞌakëbë ka an tupë́onkë tëmú bukukë ñuinakama ꞌimainun ñuina pëchiu aín pëñanu ꞌikë akamaxribi kuani nëtë́ti ꞌikën.

Daniel 4:14 ပူးပေါင်းရင်းမြစ်များ

Daniel 2:21

An ka nëtëkama bëtsionan, usai ꞌiti ñukama aribi usai ꞌitiokin nania, usaribiokin ka ꞌapukamaribi ꞌapu ꞌimiananbi ꞌapu ꞌimima, ꞌianan sinánñu unikama a sinánñuira ꞌinun ꞌimianan, uisakin ka ñu ꞌati ꞌikë kixun ꞌunánun uni ꞌimikë a ꞌain.

Daniel 3:4

Usa ꞌain ka unikama timë́kë ꞌain an pëuti anëkë an munuma banakin unikama kakëxa: Kamabi ëmanu ꞌikë unikama axa bëtsi bëtsi menuax ukë ꞌimainun aín bananbi banakë unikaman mitsun kamina kuati ꞌain:

Daniel 4:12

Ax ka aín pëchikama upíira ꞌianan, ꞌaisamaira ꞌinun bimikë ꞌiaxa, usa ꞌaish ka kamaxunbi pitibëtan sënën aín bimi ꞌiaxa. Kamabi ñuinanëx ka aín tupëonkënu ꞌiaxa, ꞌimainun ka aín pëñan kamanu ñuina pëchiu kaman nóopa buinkë ꞌiaxa, usa ꞌain ka kamabi menu ꞌikë unikama ꞌimainun ñuinakamaribi a imi katamëti tsókë ꞌiaxa.

Daniel 4:23

ꞌImainun kamina min namákin ꞌapu ꞌixun achúshi ángel an bërúankë unisa ꞌaish upíira naínuax ubuti ësai kia kuan: I chaiira ax ka rëratankëxun masókë ꞌiti ꞌikën, ꞌaínbi ka ꞌain buru menu ꞌikë a ꞌimainun ꞌain tapunkama ax anubi ënkë ꞌiti ꞌikën, usakin ꞌaxun ka manë risi tunan ꞌimainun panshian mëskukin ꞌakë anun tëkërëkatanxun ninu ꞌikë xubi kamanu ꞌinun ënti ꞌikën. Usokin ꞌakëx ka ami nibí ꞌibúmainun ñuinakamabëtan ninu nikin basi pi mapai achúshi ꞌimainun rabë́ baritia niti ꞌikë kiax ka kiakëxa.

Daniel 4:29

Usa ꞌain ka achúshi baritia an namákë ñukama a inúkëbë ꞌapu ain xubu Babilonianu ꞌikë a manámi tëëkitsi anu kuaruax,

Daniel 5:20

ꞌAínbi ka ꞌëx kana usaira ꞌai kixun sinani ax chaiira ꞌia iskin, an kuëënkësa okia uni ꞌaia Diosan aín kushi biküankëxa.

Daniel 5:21

Usakin ꞌatankëxun ka uni ꞌikëbi unikamanua chikinkin achúshi ñuinasa ꞌinun ꞌimiakëxa; usokëx ka ñuina raëkëma ꞌimainun vaca bënëkamabëtan pasto pi nitsia ka, nibítan ꞌibúkin aín nami chabókëxa, usa ꞌain ka Dios manámi ꞌikë an kushiira ꞌixun kamabi menu ꞌikë unikama ꞌakianan, ui kara ꞌapu ꞌimitisa tania a ꞌapu ꞌimia kixuan anun ꞌunánti nëtë ꞌitámainun ꞌakëxa.

Mateo 3:10

Ca ësa ꞌicën. A rëti aín manë ruë tuíanx a rapasu niracëquin ca an upí oquin tuacëma icama rëtancëxun xanania unin tsin nëënia. Usaribi oquin ca bënë́nquinshi mitsúxmi sinanati ami sináncëma ꞌicë Nucën Papa Diosan mitsu ꞌati ꞌicën.

Mateo 7:19

ꞌApácëxbia upiti bimiama ca unin i rëtancëxun nëënia.

Lucas 3:9

Ësa ca. A rëti aín manë ruë tuíanx a rapasu niracëquin ca an upí oquin tuacëma icama rëtancëxun xanania unin tsin nëënia. Usaribi oquin ca bënë́nquinshi mitsúxmi sinanati ami sináncëma ꞌicë Nucën Papa Diosan mitsu ꞌati ꞌicën.

Apocalipsis 10:3

Usai ꞌitancëx ca ꞌinúan munuma banacësari banaxa. Banacëbë ca mëcën achúshi ꞌimainun rabë́ canacamëꞌëoribi banaxa.

Apocalipsis 18:2

Ai ca munuma banai quiaxa: —Babilonianu ꞌicë unicaman ꞌaisamaira oquin ñu ꞌatima ꞌacë ꞌixun ca bëtsi mecamanu ꞌicë unicamanribia usaquin ꞌanun sinánmiaxa. Camabi nëtënu ꞌicë ꞌapucamaxribi ca Babilonianu ꞌicë unicaman ꞌaia isi aín unicamabë usaribiti ꞌi cuëëanxa. Babilonianu ꞌicë an ñu marucë unicamax ca ꞌitsa ñu upíira ꞌimainun cupíira bianan maruanan aín nuitunën upí oquin sinanima ꞌitsa curíquiñuishi ꞌiti sinánxa. Atúxa usai ꞌia isi ca camabi menu ꞌicë an ñu marucë uni, Babilonianu ꞌicë ñu biquin marui ꞌitsa curíquiñu ꞌiaxa. A ëmanu ꞌicë unicamaxa usai ꞌi ꞌaisama ꞌicë ca Nucën Papa Diosan ñusmoxa. Ñusmocëbë ca anu ꞌicë xubucama rurucubuaxa. Usa ꞌain ca ñunshin ꞌatimacama anu bërí ꞌia, uisaira ñunshin ꞌatimacama cara, ax ca anu ꞌia, ꞌimainun ca uisa ñu pëchiu ꞌatima cara unin cuëëncëma, axribi anu ꞌia.