Daniel 4:13 - Kashibo-Kakataibo Biblia

¹³ Usa ꞌain kana usokin namánux ꞌuxunmabi achúshi ángel an bërúanti nankë namákin naínuax ubutia isan,

Daniel 4:13 ပူးပေါင်းရင်းမြစ်များ

Salmos 103:20

¡Anu uxun ka aín ángel kushiirabu an Nukën ꞌIbu Dios rabiti ꞌikën! Mitsun kamina an kakësabiokin ꞌanan, uisakin ñu ꞌanun kara mitsu kaia usakin ꞌaxunti ꞌain.

Salmos 89:7

Dios chaiira ꞌimainun ami rakuë́ti mi ka, naínuxun min ángelkaman mi bëarabuinxun rabikania.

Daniel 4:10

Ësokin kana ꞌën ꞌuxun namákin isan: Me nëbëtsi i achúshi chaxkë́ira nikë kana namákin isan.

Daniel 4:17

Ënëx ka usai ka ꞌiti ꞌikë kiaxa an bërúanti nankë ángelkama ax kikë ꞌikën, usa ꞌikë ka kamabi unikaman ꞌunánti ꞌikë, ax ka manámi ꞌikë Dios kamabi kushiñu a ꞌikën, an ka uikara ꞌapu ꞌimitisatania a ꞌapu ꞌimianan uix kara ñuumasara ꞌikë a unikamaribi aín kushia aín menubi ꞌinun ꞌimia.

Daniel 4:23

ꞌImainun kamina min namákin ꞌapu ꞌixun achúshi ángel an bërúankë unisa ꞌaish upíira naínuax ubuti ësai kia kuan: I chaiira ax ka rëratankëxun masókë ꞌiti ꞌikën, ꞌaínbi ka ꞌain buru menu ꞌikë a ꞌimainun ꞌain tapunkama ax anubi ënkë ꞌiti ꞌikën, usakin ꞌaxun ka manë risi tunan ꞌimainun panshian mëskukin ꞌakë anun tëkërëkatanxun ninu ꞌikë xubi kamanu ꞌinun ënti ꞌikën. Usokin ꞌakëx ka ami nibí ꞌibúmainun ñuinakamabëtan ninu nikin basi pi mapai achúshi ꞌimainun rabë́ baritia niti ꞌikë kiax ka kiakëxa.

Daniel 4:5

ꞌAínbi kana achúshi imë́ ꞌuxi ꞌibúxunbi ꞌatimakin namán, namáxun ꞌën bëtsiokin sinánkëkama anunbi ꞌitsaira rakuëan.

Daniel 7:1

Achúshi imë́ kana anua Beltsasar Babilonia menu ꞌapu ꞌikin pëukë a bari anun namákësa okin ꞌëx Daniel ꞌixun isakën. Isun kana raíri a ꞌaisa akamaishi kuënëokën. Kuënëo aka ënëx ꞌikën.

Daniel 7:17

A ñuinakan ꞌëo rabë́ ꞌimainun rabë́ ax ka rabë́ ꞌimainun rabë́ ꞌapu an ënë menu ꞌapu kushiirabu ꞌixun atun kuëënkësokin unikama ꞌati a ꞌikën.

Daniel 7:23

Usa ꞌain ka ësai kiaxa: A ñuinakan ꞌëo achúshinëx ka raíripan ꞌia ꞌain, axribi ënë menu ꞌapu ꞌiti ꞌikën, ax ka bëtsi ꞌapukama ꞌiásama ꞌiti ꞌikën. Usa ꞌixun ka an kamabi menu ꞌikë ꞌapukama uisa kara okatsia usakin ꞌain taën amákësokin masókin këñuti ꞌikën.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Marcos 1:24

—Jesús, Nazaretnu ꞌicë, min caina nu uisa oti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë a ꞌain.

Lucas 4:34

—Jesús Nazaretnu ꞌicë, ¿min caina nu uisoti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë, a ꞌain.

Deuteronomio 33:2

ënë banakama ësokin kakëxa: Nukën ꞌIbun ka aín bashi Sinaí kakë anuxunbi Seír kakë me anu bukukëbi nu pë́kakëxa. Pë́kaquin ka aín kushin barin urukin pë́kabëtsinkësokin aín bashi Parán kakë anuxunbia aín kushin pëkakë ax Meribá-Cadés anubi sënë́ankëxa; usai ukin ka unían aín mëkënan tuínxun ñu bëkësa obëtsinkin ax kushiira ꞌixun a tanti aín bana bëakëxa.

Judas 1:14

Ax pain unia nucën rara Adán aín rëbúnqui nucën rara Enoc, ax ca Nucën Papa Diosan sinánmicëx usa uni ñui ësai quiacëxa: “ꞌËn iscëx ca Nucën ꞌIbu Dios camabi ꞌaisamaira aín uni upícaman nëpúamainun uaxa.

Apocalipsis 14:10

a unicama ca Nucën Papa Diosan ꞌaisamairai ami nishquin castícanti ꞌicën. Acaman ca anuaxa manë tsi ꞌimainun azufre rëquirucë, anuxun ꞌaisamaira oquin paë tanti ꞌicën. Nucën Papa Diosan ángelcama ꞌimainun Carnero ꞌicësaribitia unin ꞌucha cupí bama, acaman ca atúxa usai ꞌia isti ꞌicën.