Daniel 3:29 - Kashibo-Kakataibo Biblia

²⁹ Usa ꞌain kana bërí ꞌëx ësai kin, uinu ꞌikë unikamax kara ënë bëná unikaman rabikë Dios ñui ꞌatimati banaia ax ka tëapakëx ain tëmërakë anunbi bamakë ꞌiti ꞌikën, ꞌianan aín xuburibi ꞌatima okin rurupakë ꞌianan, uisa ëmanu ꞌikë kara ꞌimainun uisa banan banakë kara ꞌikëbi usakin ꞌati ꞌikën, an usakin uni ië́miti bëtsi Dios usaribi ka ꞌaíma ikë kiax ꞌapu kiakëxa.”

Daniel 3:29 ပူးပေါင်းရင်းမြစ်များ

Esdras 6:11

ꞌImainun kana ësokinribia ꞌakánti bana ñuikin, uin kara ënë bana kikësabiokin ꞌaisama tania ax ka aín xubu ꞌakin purukë imaxu abi bixun xëtóxun anun tarókin ꞌakëx bamakë ꞌiti ꞌikën; usakin aín ꞌibu ꞌakë ꞌain ka aín xubu aribi rurukubutanun raskapakë ꞌiti ꞌikën.

Daniel 1:19

Anuax ka a uni bënákamabë ꞌapu banakëxa, ꞌaínbi ka a uni bënákamanu achúshi uni bënábi axa Daniel, Ananías, Misael ꞌimainun Azarías akamabë sënë́nkë ꞌaíma ꞌiakëxa, usa ꞌain ka akamax ꞌapu ñu mëëxuni anubi bërúakëxa.

Daniel 1:7

anuxun ka an ꞌapun xubu bërúankë aín kushi an atu aín anë bëtsiokin anëakëxa: Anëkin ka Daniel Beltsasar kakin anëanan; Ananías, Sadrac kakin anëanan; Misael, Mesac kakin anëanan; Azarías aribi Abed-negó; kakin anëakëxa.

Daniel 2:17

Usakin kabiani aín xubunu kuanxun ka usaía ñu ꞌikëkama abëa ꞌikë uni Ananías, Misael ꞌimainun Azarías, akama ñuixuankëxa,

Daniel 2:47

Usokin ꞌamitankëxun ka Daniel kakëxa: —Asérabi ka mitsun Dios ax chaiira ꞌaish bëtsi dios kamasamaira ꞌikën; ax ka ꞌapukaman ꞌIbuira ꞌimainun, an ꞌunántisama ñukama abi ꞌunania, usa ꞌain kamina ꞌunántisama ënë ñu uisai ꞌiti kara ax ꞌikë kixun min ꞌunanin.

Daniel 2:49

Usakin ꞌimikëxun ka Danielnën abëa ꞌikë unikama ñuikin kakëxa, kakëxun ka ꞌapun Sadrac, Mesac, ꞌimainun Abed-negó akama Babilonianu ꞌikë ëma cha anu ꞌikë ñukama an bërúanti anëakëxa. Usakin ꞌamainun ka Danielnëx anua ꞌapu ꞌikë aín xubu anubi tikiakëxa.

Daniel 2:5

Kixun kakëxun ka ꞌapun ꞌën kana ësokin namá kixun atu ñuixuankëxa: —Mitsunmi ꞌën namákë apain ꞌunántankëxun uisakin namákë kara ax ꞌikë kixun ꞌë ñuixunkëxuma kana, an mitsun xubukama ëchíkin chankakëx aín ikama bukukiankë ꞌitánun ꞌati uni xuti ꞌain.

Daniel 3:12

Usaími kikë ax ka asábi ꞌikën, usa ꞌaínbi ka uiti judíos karamina mix ꞌapu ꞌixun Babilonia ëmanu ꞌikë ñukama an bërúanti anëa akaman mix kikë banakama tainsama tania, usa ꞌixun ka a rabiti ñukama rabianan mix ꞌapu ꞌixun kuri amixun nitsinmikë aribi rabitisama tania. Akamax ka Sadrac, Mesac ꞌimainun Abed-negó akama ꞌikën.

Daniel 3:15

¿Mitsun kaina ñukama banamia kuakinshi ꞌën ꞌamikë ñu ami ñanati ꞌikin rabikantishi ꞌain? Usakin ꞌaíma kamina bëríbi mitsux tsi rëkirukë a ꞌukëmëu nikë ꞌiti ꞌain; ¿usakin ꞌaia kara uinu ꞌikë diosan mitsu ië́miti ꞌit?

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Daniel 3:28

Usa ꞌikë iskëbëshi ka Nabucodonosor munuma banai kiakëxa: “¡Sadrac, Mesac ꞌimainun Abed-negó akaman Dios ax ka rabikë ꞌiti ꞌikën, an ka aín unikama an ënkinma rabikin ꞌapux kikë bana tani aín diosma ꞌain ami rantinpuruni ꞌikëma ꞌikëa bamamiti ꞌaínbi an ië́miti aín ángel xuaxa!

Daniel 6:28

Usa ꞌain ka Daniel ax achúshi uni chaiira Darío ax ꞌapu ꞌain ꞌiakëxa, ꞌianan ka Siro kakë uni axribi persia menu ꞌapu ꞌain ꞌiakëxa.

Deuteronomio 32:31

Axa numi nishkë unikamanbi ka upíokin ꞌunánxa, Nukën ꞌIbu Dios ax ka atun dios sama ꞌaish kushiira kushi ꞌikë kixun.