Daniel 3:28 - Kashibo-Kakataibo Biblia

²⁸ Usa ꞌikë iskëbëshi ka Nabucodonosor munuma banai kiakëxa: “¡Sadrac, Mesac ꞌimainun Abed-negó akaman Dios ax ka rabikë ꞌiti ꞌikën, an ka aín unikama an ënkinma rabikin ꞌapux kikë bana tani aín diosma ꞌain ami rantinpuruni ꞌikëma ꞌikëa bamamiti ꞌaínbi an ië́miti aín ángel xuaxa!

Daniel 3:28 ပူးပေါင်းရင်းမြစ်များ

Génesis 9:26

Usokin ꞌaxa basikëbëtan ka ësokinribi kakëxa: Chúamarua ka Nukën ꞌIbu Semnën Dios ꞌiti ꞌikën, Canaánën bëchikëkama ax ka tëmërakin an uni ñu mëëxunkëishi ꞌiti ꞌikën.

Esdras 1:3

Usa ꞌain kamina uikamax kara Diosan uni ꞌikë akaman an ꞌakinmainun, kuantakëxun Jerusalén Judá menua ꞌikë anu, anuxun Israel kaman Dios rabiti xubu ꞌai kuanti ꞌain, ax ka Jerusalénnu ꞌikë unikaman Dios ꞌiti ꞌikën.

Esdras 6:11

ꞌImainun kana ësokinribia ꞌakánti bana ñuikin, uin kara ënë bana kikësabiokin ꞌaisama tania ax ka aín xubu ꞌakin purukë imaxu abi bixun xëtóxun anun tarókin ꞌakëx bamakë ꞌiti ꞌikën; usakin aín ꞌibu ꞌakë ꞌain ka aín xubu aribi rurukubutanun raskapakë ꞌiti ꞌikën.

Salmos 103:20

¡Anu uxun ka aín ángel kushiirabu an Nukën ꞌIbu Dios rabiti ꞌikën! Mitsun kamina an kakësabiokin ꞌanan, uisakin ñu ꞌanun kara mitsu kaia usakin ꞌaxunti ꞌain.

Salmos 33:18

ꞌAínbi ka Nukën ꞌIbun axa ami katamëkëkama ꞌimainun asérabi a nuibakë unikama an ka nu nuibati ꞌikë kixun ꞌunania,

Salmos 33:21

Nukamax kananuna nun nuitu chuámarua tani kuëënin; nun kananuna aín anëmi sinanin.

Salmos 34:22

ꞌAínbi ka Nukën ꞌIbun uikamax kara ꞌain bana ꞌai ami katamëtia akama ië́mia; ¡usa ꞌain ka a unikamax kastikankëma ꞌiti ꞌikën!

Éxodo 20:5

Usakin ꞌatankënxun ka a ñukamaribi ami ñanákin rabitima ꞌikën, ꞌëx kana atun Dios ꞌain, ꞌianan kana ꞌëx nishi kian an ñu ꞌatima ꞌatishi kuëënkë aín, bëchikëkama ꞌimainun aín baba aín bëchikënën bëchikë akama ꞌatimokin tëmëranun ꞌimiti ꞌain,

Daniel 2:47

Usokin ꞌamitankëxun ka Daniel kakëxa: —Asérabi ka mitsun Dios ax chaiira ꞌaish bëtsi dios kamasamaira ꞌikën; ax ka ꞌapukaman ꞌIbuira ꞌimainun, an ꞌunántisama ñukama abi ꞌunania, usa ꞌain kamina ꞌunántisama ënë ñu uisai ꞌiti kara ax ꞌikë kixun min ꞌunanin.

Daniel 3:25

—ꞌËn kana rabë́ ꞌimainun rabë́ uni tëkërëkakëma ꞌaish tsi rëkirukë nëbë́tsi uisaibi ꞌima nitsia isin, usa ꞌaish ka atu achúshinëx achúshi ángel iskësa ꞌikën.

Daniel 4:34

Anun ꞌëx usai ꞌiti nëtë a sënë́nkëbëtan kana ꞌëx Nabucodonosor ꞌixun naímiu bësukin isan, iskin kana ꞌën sinan bëtsikë a mëníokakin asábi tan; usai ꞌikin kana Dios manámi ꞌikë a asabika kixun sinánxunkin rabian, ax ka nëtë́tima oi tsotia, aín kushix ka këñutima oi ꞌiti ꞌikën, ax ka kamabi nëtën xënibua ꞌaínbi ꞌiti ꞌikën.

Daniel 6:16

Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Daniel 6:26

ꞌimainun ka ësokinribi unikama kanun kakëxa, kamabi uni ꞌëx ꞌapu ꞌaían tsókë unikaman ka Danielnën rabikë Dios ꞌashi rabikanti ꞌikën. Ax ka uínsaranbi nëtë́tima oia tsókë a ꞌikën, usa ꞌaish ka Dios xënibua ꞌaínbi tsotia. ꞌImainun ka uínsarabi ꞌatima okë ꞌianan ka uínsarabi aín kushi këñutima ꞌikën.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Hechos 4:19

Cacëxunbi ca Pedrobëtan Juanën atu cacëxa: —Mitsúnbi ca sinan, ¿Nucën Papa Dios cara cuëënti ꞌic, nun nu aín bana manuanan mitsun banaishi cuati?

Hechos 5:19

Usocëbi ca Nucën ꞌIbu Diosan xucëx, imë́ uxun, aín ángel achúshinën sipu xëócaxun chiquínquin cacëxa:

Romanos 12:1

Usa ꞌain cana ësaquin mitsu cain, ꞌën xucë́antu. Nucën Papa Diosan mitsu nuibaquin ainan ꞌinun caíscë ꞌixun camina ꞌatima ñu ꞌaquinma asérabi ax cuëëncësabi oquinshi ꞌanan, ainanshi ꞌiti ꞌain. Mitsúxmi usa ꞌiti ca Nucën Papa Dios cuëënia.

1 Corintios 13:3

ꞌËn ñucama ñuñuma uni ꞌinánan upí ñu ꞌacë cupí bëtsi unin nëëncëx bamaiabi ca uni nuibati ꞌicëma ꞌicë, Nucën Papa Diosan ꞌë upí isima.

Filipenses 1:20

Usa ꞌain cana ꞌëx Jesucristomishi catamëtia uni ië́ti bana, a ñui rabínquinma, ꞌën ꞌacësabi oquin ñuitisa tanin. Usoquin ꞌai cana nëtë camabi ami catamëti asaribi ꞌiisa tanin, ax ca asérabi upíira ꞌicë quixun ꞌunania camabi uni ami catamënun. Bamacëma ꞌixun ꞌën bana ñuixuncë cupí ꞌiananbia, ꞌëx bamacëbëbi uni ꞌën aín bana ñuixuncë cupí Jesucristomi sinánti cana cuëënin.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 11:37

Nucën Papa Diosmi catamëcë uni raíri ca unin maxaxan rëacëxa. Raíri ca Nucën Papa Diosmi sinánxma ꞌinun quixun unin bëtsi bëtsi ocëxa. Raíri ca unin tëarabëocëxa. Raíri ca manë xëtocën ꞌacëxa. Raírinëx ca chupañuma ꞌixun carnero rani pañuanan chivo rani pañuax cuaínbëquini niacëxa. Ñuñuma ꞌaish nuibacacë ꞌianan ca bëtsi bëtsi ocë ꞌiacëxa.

1 Pedro 1:21

Usa ꞌain camina an Jesucristo bamacëbi baísquimitancëxun aín nëtënu abë ꞌinun ꞌimicë cupí ami sinanin, Nucën Papa Dios an ca asérabi ax quicësabi oquin mitsu ꞌimiti ꞌicë quixun ꞌunani.

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.