Daniel 3:26 - Kashibo-Kakataibo Biblia

²⁶ Ësai kiküatsini aí ka ꞌapu Nabucodonosor tsi rëkirukë xëkuë a ꞌurama oi munuma banai kiakëxa: —¡Sadrac, Mesac ꞌimainun Abed-negó, Dios kushiira naínu ꞌikë aín unikama anuax chikíküatsini ka ënu ukan! Usakin kakëx ka uni bënákama ax tsi rëkirukë anuax chikíküatsini uakëxa,

Daniel 3:26 ပူးပေါင်းရင်းမြစ်များ

Génesis 14:18

ꞌImainun ka bëtsi ꞌapu Melquisedec, kakë ꞌapu Salem ëmanu ꞌikë anribi biakëxa, ax ka sacerdote Nukën ꞌIbu Dios an kamabi ñu unio kushiira naí manámi ꞌikë aín uni ꞌiakëxa, an ka pán këñun vino ꞌinánkin.

1 Reyes 8:51

A unikamax ka min kaisa unibu ꞌaish min unibi ꞌikën; minbi kamina Egipto menuaxa tsi ënxaira anu ñu xuiti ꞌakë anuax ꞌikësaira ꞌinua ñu mëi tëmëraiabi atu chikiankën.

Salmos 66:12

Usakin ꞌakin kamina bëtsi unikamanbia atun kuëënkësa okin nu tëmëraminun ëankën, usokëx kananuna bakan sikánan tsi rëkirukë iskësa anun nu inúmiakën, usakin pain abëtsinkin kamina anua piti ꞌaisamaira ꞌikë me upí ënu nu bëakën.

Isaías 28:16

Usa ꞌain ka ësai Nun ꞌIbu kiaxa: ꞌËn kana Sión kakë ëmanu achúi maxax nanti ꞌain, ax ka achúshi maxax kupíirakë ꞌikën, ax ka achúshi maxax ami birukin xubu ꞌati nankë usaribi ꞌiti ꞌikën. Usa ꞌain ka uix kara ami katamëtia ax chuámarua tsóti ꞌikën.

Isaías 52:12

ꞌaínbi ka anuax chikiti kuani bënëtishi abákiani chikítima ꞌikën, Nukën ꞌIbu Israel unikaman Dios, an ka atu kuania uisa ñubi inuaxma ꞌinun amami amamiukua bërúanti ꞌikën.

Daniel 2:47

Usokin ꞌamitankëxun ka Daniel kakëxa: —Asérabi ka mitsun Dios ax chaiira ꞌaish bëtsi dios kamasamaira ꞌikën; ax ka ꞌapukaman ꞌIbuira ꞌimainun, an ꞌunántisama ñukama abi ꞌunania, usa ꞌain kamina ꞌunántisama ënë ñu uisai ꞌiti kara ax ꞌikë kixun min ꞌunanin.

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Daniel 4:2

ꞌËn kana mitsunmi Dios kamabi kushiñu an ꞌë ꞌaxunkë ñukama mitsun ꞌunánti kuëënin.

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Daniel 6:21

Kakëxun ka Danielnën kakëxa: —¡Mix ꞌapu ꞌaish kamina xënibua ꞌaínbi tsóti ꞌain!

Daniel 7:25

Usa ꞌixun ka an Dios manámi ꞌikë kushiira ꞌatimakin ñuianan an rabikë unikama këñukin pëuti ꞌikën; ꞌanan ka Dios kia bana aribi bëtsiokin nainsa tanan usakin unikaman fiesta ꞌatia Dios kia aribi bëtsiokin nainsa tanti ꞌikën, usa ꞌain ka an Dios rabikë unikaman ꞌapu an kakësokinshi ꞌati ꞌikën, rabë́ ꞌimainun achúshi baritia ꞌirukë anua mapai achúshi ꞌimainun achúshi ꞌuxë sënë́mi kiti ꞌikën.

Hechos 16:17

A xanu xuntacunëx ca Pablocëñun nu nuibiani munuma banai quiacëxa: —Ënë unicaman ca Dios, naínu ꞌicë ꞌApuira a ñu ꞌaxunia. Usa ꞌixun ca anúnmi mitsun ꞌuchacama tërë́ncë ꞌaish ainan ꞌiti bana mitsu ñuixunia.

Hechos 16:37

Usaquian an sipuacë unicama bërúancë unin cacëxun ca Pablonën policíacama cacëxa: —Nux románo uni ꞌaish quiricañu ꞌicëbi, añu caranuna ꞌa quixun nu ñucáxunmabi, ca camabi unían ismainun rishquimitancëxun nu sipuamionxa. ¿Usaquin ꞌamionxunbi cara bërí uni raírinën isnúnma nu chiquinin? Ax ca ꞌaisama ꞌicën. Atúxbi ca nu chiquini uti ꞌicën.

Hechos 27:23

Ënë imë́ cana ainan ꞌixun ꞌën a rabicë, Nucën Papa Diosan xucë́xa ucë ángel isan.

Gálatas 1:10

¿Ësaquin mitsu caquin carana unían ꞌëx cana asérabi upí ꞌai quixun ꞌë rabiti sinan? Usaquin sinánquinma cana Nucën Papa Diosan ꞌë upí isti sinan. ¿Carana unicamabë upí ꞌiti sinan? Cana usaquin sinaniman. Nucën Papa Diosma unishi cuëënmiti sinani cana Cristonën unima ꞌitsían.

Deuteronomio 4:20

Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.

Josué 3:17

Usakian Jordán kakë baka ëskinun ꞌimikëbë Israel unibu sikarakëmainun ka sacerdote unikama anua a tanti Diosan bana ꞌikë bunántisa okin ꞌakë, kurin ratakakakë buánkë unikama ax Jordán kakë baka ë́skia me rakákë a nëbëtsi kamabi uníxa sikarakëmainun nirakëakëxa.

Josué 4:10

Usa ꞌain ka sacerdotekama bunántisa okin ꞌakë kurin ratakakakë anua usai ꞌiti bana ꞌikë an uankë akamaxa Jordán kakë baka tëarabëti me rakákë anu sëtë́mainun Israel unibunën usokin ꞌanúan Nukën ꞌIbun Josué kakësabiokin ka kamabi ñu ꞌakëxa. Usakin ꞌaminuan Moisésnën Josué kakësabiokin. ꞌAkëbë ka anuax unikama bënëtishi sikarakëakëxa,

Apocalipsis 19:5

Cacë́xa anu Nucën Papa Dios ꞌicë anuax ësai banaia cana cuan: An axa cuëëncësabi oquin ꞌacë unicama, aín cushibu ꞌimainun aín cushimabu, mitsun camina camaxunbi Nucën Papa Dios rabiti ꞌain.