Daniel 3:25 - Kashibo-Kakataibo Biblia

²⁵ —ꞌËn kana rabë́ ꞌimainun rabë́ uni tëkërëkakëma ꞌaish tsi rëkirukë nëbë́tsi uisaibi ꞌima nitsia isin, usa ꞌaish ka atu achúshinëx achúshi ángel iskësa ꞌikën.

Daniel 3:25 ပူးပေါင်းရင်းမြစ်များ

Job 1:6

Achúshi nëtën ka an ñu ꞌaxunkë aín ángel kamabë usaibi ꞌikë ꞌaish Diosbë timë́ti nëtë ꞌain, axa paránankë ángel axribi atubë timë́akëxa.

Job 38:7

ángelkamax kuëënmainun ꞌispakamanribi xabá ꞌitánun pë́kakëbë kantakëx?

Job 5:19

Uínsaran kaina ñu ꞌatima inuti ꞌai anun ka achúshira okin ꞌakintankëxun ënkinma mi ꞌakinti ꞌikën, ꞌianan ka uisa ñu inuti kaina tëmërati ꞌai usabi mi tsónun mi ꞌimitima ꞌikën.

Salmos 34:7

Nukën ꞌIbun ka aín ángel kushiira an rabikë unikama ꞌakianan ië́minun kixun xutia.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Jeremías 1:19

A unikamax ka mibë mëëananti ꞌikën, ꞌixunbi ka mi kanantima ꞌikën, ꞌëx kana mi bërúai mibë ꞌiti ꞌain. ꞌËn kana Dios ꞌixun kakësa okinbi asérabi mi ꞌakinti ꞌain.

Jeremías 1:8

Usa ꞌain kamina uinu ꞌikë unimibi rakuë́tima ꞌain. ꞌËx kana mi ꞌakinux mibëbi ꞌiti ꞌain. ꞌËn kana Dios ꞌixun mi kakësa okinbi asérabi ꞌakinti ꞌain.

Jeremías 15:21

ꞌËn kana ꞌatima unikaman mi ꞌibuakëx atubë ꞌikëbi mi anua chikíanan, ¡an bënë́kinshi ñu ꞌati kuëënkë unikamanua ꞌën mitsu ië́miti ꞌain!

Daniel 3:18

ꞌAínbi kamina nun ꞌakëbëtanmabi mix ꞌapu ꞌixun upíokin ꞌunánti ꞌain, nun kananuna min rabikë dioskama rabianan kurimi ñu tankin ꞌamixun nitsínkë aribi ami rantipuruni tsóbukin rabitima ꞌain.

Daniel 3:24

Usa ꞌain ka ꞌapu Nabucodonosornën anua tsókë anuax ratuti bënëtishi nirukin aín kushibu a munuma banakin kakëxa: —¿Rabë́ ꞌimainun achúshi uni bënákama a karanuna nëaxun tsinu nikëma ꞌain? —Kixun kakëxun —ka usa ka —kixun atun kakëxa.

Daniel 3:28

Usa ꞌikë iskëbëshi ka Nabucodonosor munuma banai kiakëxa: “¡Sadrac, Mesac ꞌimainun Abed-negó akaman Dios ax ka rabikë ꞌiti ꞌikën, an ka aín unikama an ënkinma rabikin ꞌapux kikë bana tani aín diosma ꞌain ami rantinpuruni ꞌikëma ꞌikëa bamamiti ꞌaínbi an ië́miti aín ángel xuaxa!

Daniel 6:23

Usa ꞌain ka ꞌitsaira kuëënkin ꞌapun anua paru ꞌinúan ꞌikë kini anua Daniel binun kixun aín unikama kakëxa. Kakëxuan bitsia iskëxbi ka Diosmi katamëkë ꞌikëa paru ꞌinúanën uisabi aín namikama okëma isakëxa.

Marcos 16:18

Usai ꞌianan aín mëcënan bicëxunbi ca runun ꞌatima ꞌicën. ꞌImainun ca muca ñua xëacëxunbi uisabi otima ꞌicën. ꞌImainun ca aín mëcënan ramëcëx uni ñucë pëxcúti ꞌicën.

Lucas 1:35

Cacëxun ca ángelnën cacëxa: —Nucën Papa Diosan Bëru Ñunshin Upí ca minu uti ꞌicën. Manámi ꞌicë Nucën Papa Diosan sinanën camina tuñu ꞌiti ꞌain. Usaquian sinánxuncëxunmi tuacëx ca ax Nucën Papa Diosan iscëx upíira ꞌiti ꞌicën, —ax ca Nucën Papa Diosan Bëchicë ꞌicë —quiax ca unicamax a ñui quiti ꞌicën.

Hechos 28:5

Canancëbëtanbi ca Pablonën runu mëtúasquiquin tsinu niacëxa. Usoíbi ca Pablo uisaíbi ꞌiama ꞌicën.

Romanos 1:4

Usa ꞌicëbi ca bamatancëx baísquicë cupía, Nucën Papa Diosan Bëru Ñunshin Upitan ꞌamicëxun unin ꞌunánti ꞌicën, Nucën ꞌIbu Jesucristo ax ca Nucën Papa Diosan Bëchicë ꞌianan asaribi upí ꞌaish cushiira ꞌicë quixun.

1 Pedro 3:13

Mitsúnmi upí ñu ꞌaia isía mitsu ñui uni mimi manáncëxbi ca cëmëi quicë ꞌiti ꞌicën.