Daniel 3:19 - Kashibo-Kakataibo Biblia

¹⁹ Usokian rabë́ ꞌimainun achúshi uni bënákama an kakëxun kuati ka ꞌapu Nabucodonosor aín bëmánanbi panshínkuatsini ꞌitsaira nishakëxa. Usai ꞌikin ka an ñu mëëxunkë unikama anba tsi rëkarukin anu sënën xanatanua tikakë a inumikian ꞌaisamaira xana ꞌitanuan ꞌanun ꞌamiakëxa;

Daniel 3:19 ပူးပေါင်းရင်းမြစ်များ

Génesis 31:2

Usai ꞌain bëchikëkama a ñui kimainun ka Labán axribia ami nishia Jacobnën ꞌunánkëxa, usa ꞌixun ka bëráma ꞌakinsa okin ꞌiisama ꞌikën.

Daniel 2:12

Ësokin kakëxun kuati xuamati nishi ka ꞌapu, Babilonianu ꞌikë an ñu ꞌunánkë unikama ka ꞌati ꞌikë kiax kiakëxa.

Daniel 3:13

Usokin kakëxun kuati ka Nabucodonosor xuamati nishakëxa, nishkin ka aín suntáru raíri anua ꞌikë anua bitsinkian Sadrac, Mesac ꞌimainun Abed-negó. Anu bënun kixun xuakëxa, xukëx kuanxuan bëkë ka

Daniel 3:20

usokin ꞌamitankëxun ka aín suntárunën kushi raíri Sadrac, Mesac ꞌimainun Abed-negó akama nëatankëxun kininua tsi ënxaira rëkirukë a mëu ninun kakëxa.

Daniel 5:6

ratuti bëpëki bërëi saki ꞌikë anunbi aín xo rabë́ bëtsimi ratíkai aín maxkámibiki ꞌitsaira rakuë́ti bërëakëxa.

Daniel 6:24

Usokin ꞌan ka an Daniel ñankaíshibi ꞌuchokë unikama ꞌapun bana kikësabiokin atun xanu ꞌimainun atun bakë bëchikëkama këñunbi bëakëxa, bëkë ka anua paru ꞌinúankama ꞌikë kini anu nikankëxa, nia ka paru ꞌinúankaman anua atux bukukë anu pakëkëmaishi atunu ꞌirukin bikin xoñuma rakankin piakëxa.

Hechos 5:33

Quia cuati nishquin ca judíos unibunën ꞌapucaman atu ꞌati sináncë́xa.

Hechos 7:54

Usaquían cacëxun cuati ca ꞌapucama xuamati Estebanmi nishacëxa.