Daniel 3:17 - Kashibo-Kakataibo Biblia

¹⁷ Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Daniel 3:17 ပူးပေါင်းရင်းမြစ်များ

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 18:14

¿Nukën ꞌIbun ꞌakasmati ñu kara ꞌaíma ꞌik? bëtsi bari ꞌirukëbë kana ꞌëx mi istëkëni uti ꞌain, ꞌimainun ka Sara achúshi tuáñu ꞌiti ꞌikën kixun ka kakëxa.

Job 5:19

Uínsaran kaina ñu ꞌatima inuti ꞌai anun ka achúshira okin ꞌakintankëxun ënkinma mi ꞌakinti ꞌikën, ꞌianan ka uisa ñu inuti kaina tëmërati ꞌai usabi mi tsónun mi ꞌimitima ꞌikën.

Salmos 115:3

Nun ꞌIbu Dios ax ka naínu ꞌikën; usa ꞌixun ka añu kara ꞌaisa tania akamabi ꞌakëxa.

Salmos 37:39

Usa ꞌain ka uni upíkama ax Nukën ꞌIbun ꞌakinkë ꞌikën, usa ꞌikë ka anúan tëmërati nëtëkama ꞌikëbëtan ꞌakinia,

Salmos 37:40

Usa ꞌikë ka Nukën ꞌIbun ꞌakinkin ië́mia. Usakin ꞌanan ka an ñu ꞌatima ꞌakë unikaman ꞌatima oisa taniabi bërúaia; usakin ka an ꞌakinun barikëxun axa ami katamëkë unikama ꞌaia.

Salmos 73:20

Uínsaran kaina mix Nukën ꞌIbu ꞌaish uníxa aín ꞌuxkënuax bësukin aín namákë manukësa usakin, atun ñu ꞌakëkama a timati ꞌain.

Isaías 54:14

Usa ꞌain ka ñu ꞌatima ꞌaíma upiti tsókë an mi kushioti ꞌikën, usai ꞌia uínbi mi uisabi okëma ꞌaish kamina rakuë́tima ꞌain, usai ꞌi kamina rakuë́tan bamati sinántëkënima upitax tsóti ꞌain.

Jeremías 1:8

Usa ꞌain kamina uinu ꞌikë unimibi rakuë́tima ꞌain. ꞌËx kana mi ꞌakinux mibëbi ꞌiti ꞌain. ꞌËn kana Dios ꞌixun mi kakësa okinbi asérabi ꞌakinti ꞌain.

Jeremías 15:20

ꞌËn kana mixmi ënë unikamanan achúshi kënë manë panshianën kënëarakin kushiokin nitsinkë usaribi ꞌinun mi ꞌimiti ꞌain. Usa ꞌikë ka mibë ꞌakanankinbi uínbi mi kanantima ꞌikën, ꞌën kana mi bërúankin ië́miti ꞌain. ꞌËx kana Min ꞌIbu ꞌaish usai kin.

Jeremías 15:21

ꞌËn kana ꞌatima unikaman mi ꞌibuakëx atubë ꞌikëbi mi anua chikíanan, ¡an bënë́kinshi ñu ꞌati kuëënkë unikamanua ꞌën mitsu ië́miti ꞌain!

Daniel 3:26

Ësai kiküatsini aí ka ꞌapu Nabucodonosor tsi rëkirukë xëkuë a ꞌurama oi munuma banai kiakëxa: —¡Sadrac, Mesac ꞌimainun Abed-negó, Dios kushiira naínu ꞌikë aín unikama anuax chikíküatsini ka ënu ukan! Usakin kakëx ka uni bënákama ax tsi rëkirukë anuax chikíküatsini uakëxa,

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Daniel 6:16

Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Daniel 6:23

Usa ꞌain ka ꞌitsaira kuëënkin ꞌapun anua paru ꞌinúan ꞌikë kini anua Daniel binun kixun aín unikama kakëxa. Kakëxuan bitsia iskëxbi ka Diosmi katamëkë ꞌikëa paru ꞌinúanën uisabi aín namikama okëma isakëxa.

Daniel 6:27

Ax ka an uni ië́mianan upiti tsónun ꞌakinkë a ꞌikën; an ka unin iskëma ñu chaiirabu naínu ꞌanan menuribi ꞌaia. An ka Daniel paru ꞌinúankaman aín ꞌuntsisan ꞌati ꞌikëbi ië́miaxa.

Lucas 1:37

ꞌAíma ca Nucën Papa Diosan ꞌacasmati ñu ꞌicën.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 21:13

Cacëxbi ca Pablo quiacëxa: —¿Añu cupí caramina usai banai bëunan mëscúquin ꞌë masá nuitumin? Jerusalénuxuan Nucën ꞌIbu Jesúsnan cupí ꞌë nëacancëxbi cana bënë́tima ꞌain. Usoquin nëanan ꞌë ꞌacancëxbi cana asábi ꞌiti ꞌain.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

2 Corintios 1:10

Nuxnu bamati ꞌicëbi ca Nucën Papa Diosan nu ië́miaxa. Usa ꞌixun ca usabi oquin nu ꞌati ꞌicën. Cananuna ꞌunanin, mitsúnmi a nu ñucáxuncëxun ca an ꞌacësabi oquin nu ië́miti ꞌicën. ꞌItsa unían a nu ñucáxuncëxuan, an nu ië́mianan nu ꞌaquincë cupí, nun upí oquin bana ñuixunia cuati ca ami sinánquin ꞌaisamaira unin cuëënquin, asábi ca quixun caquin Nucën Papa Dios rabiti ꞌicën.

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.

1 Samuel 17:37

Nukën ꞌIbu an ꞌë paru ꞌinúan ꞌimainun xaë́onnën bisa tana nitsiabi ꞌë ꞌakinkë, an ka filisteo uni ënë ꞌaia ꞌë ꞌakinti ꞌikën. Ësai kia kuakin ka Saúlnën kakëxa: —Asabi ka usa ꞌain kamina Nukën ꞌIbun mi ꞌakimainun ꞌai kuanti ꞌain.

1 Samuel 17:46

Bërí ka ꞌën ꞌIbun mi ꞌën mëkënanbi ꞌanun ꞌë ꞌamiti ꞌikën, usa ꞌain kana mi ꞌatankëxun min maxká tëbískati ꞌain, ꞌimainun ka filisteo suntárukama bamakë a ñuina pëchiñu kaman ꞌamainun raëkëma ñuina kamanribi aín nami piti ꞌikën. Usokin ꞌakë ka kamabi menu ꞌikë unikaman kuati ꞌikën, an Israel kama ꞌakinkë Dios ax ka asérabi kushiira ꞌikë kixun;