Daniel 3:15 - Kashibo-Kakataibo Biblia

¹⁵ ¿Mitsun kaina ñukama banamia kuakinshi ꞌën ꞌamikë ñu ami ñanati ꞌikin rabikantishi ꞌain? Usakin ꞌaíma kamina bëríbi mitsux tsi rëkirukë a ꞌukëmëu nikë ꞌiti ꞌain; ¿usakin ꞌaia kara uinu ꞌikë diosan mitsu ië́miti ꞌit?

Daniel 3:15 ပူးပေါင်းရင်းမြစ်များ

2 Reyes 18:35

¿Uinu ꞌikë mekamanu ꞌikë diosan kara ꞌapu Senaqueribnën aín suntárukamabëtan ꞌaia ꞌakinti ꞌik? Mitsun kamina sinántima ꞌain Diosan ka Jerusalén ëmanu tsotia mitsu ꞌakinti ꞌikë kixun.

Éxodo 32:32

ꞌAínbi kana ꞌën atun ꞌuchami tërënxunun mi ñukáxuni uan; atun ꞌuchakë ¡tërëntisama tankin kamina ꞌë ꞌati ꞌain ꞌanan kamina ꞌën anë kirikanu kuënëokë aribi tërënti ꞌain!

Éxodo 5:2

ꞌAínbi ka faraónën kakëxa: —¿Ui kara min ꞌIbu ax ꞌik? ¿ꞌËn karana an kakëxun aín bana tankin israel unikama kuantanun xuti ꞌain? ¡ꞌËn kana min ꞌIbu ꞌunaniman, usa ꞌain kana israel unikama kuantanun xutima ꞌain!

Daniel 2:47

Usokin ꞌamitankëxun ka Daniel kakëxa: —Asérabi ka mitsun Dios ax chaiira ꞌaish bëtsi dios kamasamaira ꞌikën; ax ka ꞌapukaman ꞌIbuira ꞌimainun, an ꞌunántisama ñukama abi ꞌunania, usa ꞌain kamina ꞌunántisama ënë ñu uisai ꞌiti kara ax ꞌikë kixun min ꞌunanin.

Daniel 2:9

Usa ꞌain kamina ꞌën namákë uisai kara kia a ꞌë ñuixunima, mitsux ꞌëx kikësabi oi tëmërati ꞌain, usakin ꞌë paránuxun sinanx kanankë kupí kamina usai tëmëramikë ꞌikanti ꞌain, usa ꞌain kana ꞌën usakin sinánkë usabi okin mitsu ꞌati ꞌain. ꞌË kamina ꞌën namákë a uisakin namákë kara ax ꞌikë kixun ꞌunánun ꞌë ñuixunkanti ꞌain.

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Daniel 6:16

Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Daniel 6:20

Bëbakin ka ꞌurama okin ꞌapun Daniel masá nuitukëishi aín bana ꞌixun ësokin kakëxa: —Daniel Dios këñutima oi tsókë aín uni, ¿ami ax kikësabiokin min ꞌaxunkë an kara paru ꞌinúan kamanua mi ëñëmiax?

Mateo 10:19

A unicaman mitsu ꞌapunu buáncëxun camina racuë́quin —uisai carana quiti ꞌai —quixun sinánan —uisa banan carana cati ꞌai —quixun sinántima ꞌain. Nucën Papa Diosan ca mitsúxmi banacëbëtainshi uisaquin caramina cati ꞌai quixun mitsu sinánmiti ꞌicën.

Mateo 27:43

Ax isa aín Bëchicë ꞌaish Nucën Papa Diosmi catamëtia ca quiaxa. Ax asérabi anun cuëëncë ꞌixun ca Nucën Papa Diosan bërí ië́mitsianxa, usa ꞌaínbi ca ië́mima.

Marcos 13:11

A unicaman mitsu ꞌapunu buáncëxun camina racuë́quin —uisai carana quiti ꞌai —quixun sinántima ꞌain. Mitsúxmi banacëbëtanshia Nucën Papa Diosan mitsu sinánmicë banan camina cati ꞌain. Nucën Papa Diosan Bëru Ñunshin Upitan sinánmicëx camina quiti ꞌain.

Lucas 12:11

Unin mitsu anu judíos unicama timë́ti xubunu ꞌicë unicama ꞌimainun mitsun ꞌapucamami manánuxun buáncëxun camina racuë́quin —uisai carana quiti ꞌai —quixun sinánan —uisa banan carana cati ꞌai —quixun sinántima ꞌain.

Lucas 13:9

Usaquin ꞌacëxun sapi ca bari itsin tuati ꞌicën. ꞌAcëxunbia tuaíama camina ꞌë rëmiti ꞌain.

Hechos 4:19

Cacëxunbi ca Pedrobëtan Juanën atu cacëxa: —Mitsúnbi ca sinan, ¿Nucën Papa Dios cara cuëënti ꞌic, nun nu aín bana manuanan mitsun banaishi cuati?

Hechos 5:29

Ësai quia ca Pedrobëtan Jesusan aín bana ñuixunun caíscë unicaman cacëxa: —Unin cacësa oquin ꞌaquinbi cananuna Nucën Papa Dios, a ꞌati cuëëncëma ñu a ꞌaquinma, a ꞌatia ax cuëëncë, a ñu cuni ꞌati ꞌain.

Hechos 6:15

Usaía a unicamax a ñui quicëbëtan atun cushicaman ꞌapucama ꞌimainun anu timë́cëcamanribi iscëxbi ca Estebanën bëmánan ángelnën bëmánansa ꞌiacëxa.