Daniel 2:34 - Kashibo-Kakataibo Biblia

³⁴ Mix ꞌapu ꞌixun namákin iskëx ka ain bashinuax uínbi tarankëmaxi ukin achúshi maxá chaiira an anua unisa okin ꞌakë ñu nikë a ami taramëkuatsini ukin ain taëmixun nipakin chakakëx ka tukibuaxa.

Daniel 2:34 ပူးပေါင်းရင်းမြစ်များ

Salmos 118:22

An xubu ꞌakë unikaman timakin rakan maxá ax ka bërí maxá upí ami xubu ꞌakin uarukin nankë a ꞌikën.

Isaías 28:16

Usa ꞌain ka ësai Nun ꞌIbu kiaxa: ꞌËn kana Sión kakë ëmanu achúi maxax nanti ꞌain, ax ka achúshi maxax kupíirakë ꞌikën, ax ka achúshi maxax ami birukin xubu ꞌati nankë usaribi ꞌiti ꞌikën. Usa ꞌain ka uix kara ami katamëtia ax chuámarua tsóti ꞌikën.

Isaías 60:12

Uinu ꞌikë menu ꞌikë ꞌapun kara aín unikamabëtan ꞌakinsama tania ax ka; aín ëmakama këñunbi ꞌatima okin masókin këñúkë ꞌiti ꞌikën.

Isaías 8:9

Usa ꞌain ka kamabi menu ꞌikë unikama timëaxi ꞌitsaira rakuë́ti ꞌikën; ꞌimainun ka axa ꞌuraira menu bukukë unikamanribi ënë kuati ꞌikën: kuati ka ꞌakananshisa ꞌinun atun ñu bitsi mëníokakë ꞌaishi rakuë́kanti ꞌikën; ꞌianan ka anun ꞌakánanti mëtikiruaxi rakuë́kanti ꞌikën.

Daniel 2:33

ꞌimainun ka aín ipuku rabë́ axribi manë ꞌakë ꞌimainun ka aín taë rëbu rabë́ axribi bëtsi manë ꞌakë ꞌianan bëtsiribi me tëi ꞌakë ꞌiaxa.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Mateo 16:18

Caxun ca mapara, griego banan “petra” cacë, a sinánquin Jesusan Simón cacëxa: —ꞌËn cana mi cain, mix camina Pedro caquin anëcë ꞌiti ꞌain. Minmi ꞌëmi bërí cacë bana sináncë usaribi oquin sináncë ca axa ꞌëmi catamëcë unicamax ꞌiti ꞌicën. Bamatancëxbi cëñútimoi ca a unicamax ꞌënan ꞌiti ꞌicën.

Juan 1:13

Unían aín xanumi bëchicë tuá ax ca unishi ꞌia. Unin bëchicënëxa usa ꞌaínbi ca usama Nucën Papa Diosan bëchicëcama ꞌicën. Ax ca aín cushínshia aín bëchicë ꞌimicë ꞌicën.

Hechos 4:11

Cuënëo bana axa ësai quicë a camina ꞌunan, an maxax xubu ꞌacë unían a cuëënquinma raírishi caísun biquin racáncë maxax ꞌaíshbi ca a maxax bërí ami a xubu cushicë ꞌicën, itá upímia xubucama cushicë usaribiti. A banaxa quicësaribiti ca Jesucristo ami aín unicama cushicë ꞌiti ꞌicë quixun ca Nucën Papa Diosan bërí mëníoxa.

2 Corintios 5:1

Cananuna ꞌunanin, bëráma unin ꞌá ꞌaísha xubu chëquicësaribiti ca nun nami anu nun bëru ñunshin ꞌicë ax ꞌia. Usaía nun nami ꞌiti ꞌaínbi ca Nucën Papa Diosan chëquitimoínu anu abë ꞌiti a aín nëtënu nu mëníoxuanxa. Ax ca unían ꞌacëma ꞌicën.

Hebreos 9:24

Ax ca tabernáculo, anua Nucën Papa Dios ꞌicë tanquian unin ꞌacë, anuma, anua Nucën Papa Dios ꞌicë anubi atsíancëxa, anuxuan nu Nucën Papa Dios ñucáxuncë anu.

1 Pedro 2:7

Ami catamëcë ꞌixun camina mitsun anun cuëëncë ñu upí sináncësamaira oquin a sinánti ꞌain. Mitsux usai ꞌicëbëbi ca axa ami catamëcëma unicamax Nucën Papa Diosan bana cuënëo ësai quicësa ꞌicën: An maxax xubuacë unían bitancëxun a cuëënquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.