Daniel 2:3 - Kashibo-Kakataibo Biblia

³ ukë ka akama ꞌapun kakëxa: —ꞌËn kana achúshiokin namán, usa ꞌain kana uisakin namákë kara ax ꞌikë ꞌunántisa tani ꞌitsaira anun masánuitutin.

Daniel 2:3 ပူးပေါင်းရင်းမြစ်များ

Génesis 40:8

—Nu rabë́xun kananuna ënë imë́ ësokin namán, ꞌaínbi ka uisakin namákë kara ax ꞌikë kixun an nu ñuixunti ꞌaíma ꞌikën kakëxun ka Josénën. —¿Diosan kara uisakin namákë kara min namákë ax ꞌikë kixun mi ñuixuntima ꞌik? —Kixun atu kakëxa katankëxun ka Josénën—. ꞌË kamina min namákëkama ñuixunti ꞌai kixun kakëxa.

Génesis 41:15

Usaia bëbakë ka faraónën kakëxa: —ꞌËn kana ësokin namán ꞌaínbi ka an ꞌën namákë ꞌë ñuixunti ꞌaíma ꞌikën, usa ꞌaínbi kana ꞌën kuan, min isamina uni aín namákë ñuixuni kixun ñuia kana kuan, usa ꞌain kaina min ꞌën namákë ꞌë ñuixunti ꞌain.

Génesis 41:8

ꞌAínbi ka a pë́karan anun masánuitukëishi ꞌixun kamabi Egipto menu ꞌikë an ñu tankë ꞌimainun an ñu ꞌunánkë unikama unun kixun kamiakëxa. Kamikëxa rikuatsinkë ka faraónën usakian namákëkama ñuixuankëxa, ñuixunkëxunbi ka uinu ꞌikë uni an ñu tankë ꞌimainun an ñu ꞌunánkë achúshinënbi ñuixuama ꞌikën, uisakin namákin kara usakin namáxa kixun.

Daniel 2:1

Anúan ax ꞌapu ꞌikë rabë́ baritia ꞌirukë anun ka Nabucodonosornën ꞌitsokin namákëxa, namákin iskëkama a ꞌitsaira sinani ka ꞌuxtisama tankëxa.

Daniel 4:5

ꞌAínbi kana achúshi imë́ ꞌuxi ꞌibúxunbi ꞌatimakin namán, namáxun ꞌën bëtsiokin sinánkëkama anunbi ꞌitsaira rakuëan.