Daniel 2:22 - Kashibo-Kakataibo Biblia

²² Min kamina unían ain sinan ꞌukëmëu unántisama okin sinánkë abi ꞌunánan; bëánkibukënu ꞌikë ñu abi ꞌunánan, kamina mix an ñu pëkakë tirí usaribi ꞌain.

Daniel 2:22 ပူးပေါင်းရင်းမြစ်များ

Génesis 41:16

Kakëxunbi ka Josénën —ax ka ꞌënbi ꞌakëma ꞌiti ꞌikë —kixun kakëxa—; ꞌaínbi ka Nukën ꞌIbu Diosan kuni mix ꞌapu ꞌaish upí ꞌinun mi ñuixunti ꞌikën.

Salmos 104:2

ꞌianan kamina tirítan pëkakë chupan rabumëkësaira ꞌain. ¡Min kamina chupa pëninkësa usa okinshi naí kamë ꞌëo uniokën!

Isaías 41:22

Uxun kamina uisai kara ñu ꞌinuxun ꞌaia kixun nu kanan uisai kara ñu ꞌiakëxa kixun nu ñuixunti ꞌain, ñuixunkëxun kananuna nukaman upíokin kuakin sinánti ꞌain; kuamainun kamina uisai kara ñu ꞌinuxun ꞌaia akamaribi nu ñuixunti ꞌain, ñuixunkëxun kananuna uisai kara a ñukama ꞌinuxun ꞌaia kixun ꞌunánti ꞌain;

Isaías 41:26

¿Uinra kara anúan ꞌitabati ꞌikë anunbi pëua ꞌixun, nukaman ꞌunánun ñuiakëx? ¿Uinu ꞌikë mitsuxira kaina bërámabi uisai kara ñu ꞌiti ꞌikë kiax nukamax kinun kiti ꞌain? Uinu ꞌikë mitsúxbi kamina usai ka ꞌinuxun ꞌaia kiax kiama ꞌain, uínbi ka achúshi banarabi banaia kuama ꞌikën.

Isaías 42:9

Kamina ꞌunánkanti ꞌain bërámabi uisai kara ñu ꞌinuxun ꞌaia ꞌëx kia akamax ka sënë́ankëxa, ꞌianan kana bëría bënoi ñu ꞌitëkënti ami iskankëma a ñuikin; a mitsun ꞌunánti a ñukama ꞌikëmapan ꞌaínbi kana mitsu ñuixunti ꞌain.”

Isaías 45:7

ꞌËn kana nëtë xabá ꞌinun ꞌimianan bëánkibukë aribi uniokën; ꞌimainun kana upia ñu ꞌinun ꞌimianan ꞌatimaribia ꞌinun ꞌimin. ꞌËx mitsun ꞌIbu ꞌixun kana usaía kamabi ñukama ñu ꞌinun ꞌimin.

Jeremías 23:24

¿Uix kara ꞌën istimaisakiax unëti ꞌik? ꞌËx kana naíkamë ꞌëonu ꞌianan kamabi menuribi ꞌain. ꞌËx min ꞌIbu ꞌaish kana ësai kin kiax ka Dios kiakëxa.

Daniel 2:11

Usa ꞌain ka min ꞌapu ꞌixun nu ñukákë ënëx tëira ꞌikën, usa ꞌain ka uínbi min namákë a ñuikin uisakin kaina namá kixun mi katima ꞌikën, anu sapi ka dioskama achúshi ꞌiti ꞌikën; ¡ꞌaínbi ka anu uni ꞌikë anu ꞌima!

Daniel 2:19

A ꞌimë́bi ka ꞌunátisama ñu a Daniel Diosan uisokin namákë ꞌianan uisai ꞌiti kara ax ꞌikë kixun kakëxa, usakia kakëxun ka Danielnën Dios naínu ꞌikë a ꞌupiokin sinánxunkin,

Daniel 2:47

Usokin ꞌamitankëxun ka Daniel kakëxa: —Asérabi ka mitsun Dios ax chaiira ꞌaish bëtsi dios kamasamaira ꞌikën; ax ka ꞌapukaman ꞌIbuira ꞌimainun, an ꞌunántisama ñukama abi ꞌunania, usa ꞌain kamina ꞌunántisama ënë ñu uisai ꞌiti kara ax ꞌikë kixun min ꞌunanin.

Daniel 5:11

mix ꞌapu ꞌain ka achúshi uni dioskaman bëru ñunshinan ꞌakinkë anu ꞌikën. Min papa ꞌapu ꞌain ka a unin upíokin sinánkë ꞌiakëxa, usa ꞌaish ka ax ñu ꞌunáinra ꞌianan an ñu tankë ꞌaish dios kamasaribi ꞌikën, usa ꞌikë ka min papa Nabucodonosornën a uni Daniel kakë an ñu tankë unin ꞌapu ꞌimainun an ñu ñunshinan kushin ñu ꞌakë ꞌianan an ñu ꞌunánkë ꞌimainun uisai kara ñu ꞌia an tankë ënë menu ꞌikë atun kushi ꞌinun anëakëxa,

Daniel 5:14

Mix ismina dioskaman bëru ñunshin upíñu ꞌai kixun ka ꞌë kaxa, ꞌimainun ismina mix upíokin sinánkë ꞌianan, sinánñuira ꞌianan ñu ꞌunáinrakë ꞌai kixun ka ꞌë kaxa.

Mateo 13:13

ꞌËn ꞌaia isquinbi ca atun ꞌën cushi Nucën Papa Diosan ꞌë ꞌináncë a sinanima. Atun pabitan ꞌën ñuixuncëxun cuaquinbi ca uisai quicë cara quixun ꞌunántisama tania. Usa ꞌain cana acaman cuaisabi oquin ñuiquinma bana itsi ñuicësoquin ñuin.

Juan 1:9

An aín sinan upíira ꞌixun uni upí ꞌimiti axa uti ñuiquin ca Juanën unicama ñuixuancëxa.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Juan 8:12

Usa ꞌain ca amiribishi Jesusan unicama cacëxa: —An aín sinan upíira ꞌixun uni upí ꞌimiti a cana ꞌëx ꞌain. Axa ꞌëmi catamëti ꞌëx cuëëncësabi oi ꞌicë uni ax ca ñu ꞌatima ꞌacëma ꞌianan aín sinan upí ꞌaish upiti tsotia.

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.

Efesios 3:5

A bana ca bëráma Jesucristo ucëma pain ꞌain, uisai cara quia quixun uni Nucën Papa Diosan ꞌunánmiama ꞌicën. Usa ꞌaínbi ca bërí aín Bëru Ñunshin Upitan an aín bana ñuixunun caíscë unicama uisai cara a bana quia quixun ꞌunánmiaxa.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

1 Juan 1:5

Jesucristonënbia nu pain ꞌunánmia ꞌixun cananuna ënë bana mitsu ñuixunin: Nucën Papa Dios an ca asérabi upíira ꞌixun ñu upíshi ꞌaia. An ca unë́xun ñu ꞌaima. Usa ꞌain ca uisa ꞌuchabi anu ꞌaíma ꞌicën.