Daniel 2:19 - Kashibo-Kakataibo Biblia

¹⁹ A ꞌimë́bi ka ꞌunátisama ñu a Daniel Diosan uisokin namákë ꞌianan uisai ꞌiti kara ax ꞌikë kixun kakëxa, usakia kakëxun ka Danielnën Dios naínu ꞌikë a ꞌupiokin sinánxunkin,

Daniel 2:19 ပူးပေါင်းရင်းမြစ်များ

Job 4:13

Achúshi imë́ kana kamabi uníxa ꞌuxkënan bikëx ꞌuxan ꞌëxribi ꞌuxunbi, ꞌatimakin namáx a sinani masáti ꞌuxima ꞌiakën.

Daniel 1:17

A bëná unikama rabë́ ꞌimainun rabë́ a ka Diosan sinánñuira ꞌixun bëtsi bëtsi kirika ꞌunánun ꞌunámianan uisa kara ñu ꞌiti ꞌikë abi ꞌunánun ꞌunánmiakëxa. Usa ꞌain ka Danielnën namákësa okin iskë a ꞌimainun, namákin iskë akamabi uisai ñu ꞌiti namákë kara ax ꞌikë abi ꞌunánkë ꞌiakëxa.

Daniel 2:22

Min kamina unían ain sinan ꞌukëmëu unántisama okin sinánkë abi ꞌunánan; bëánkibukënu ꞌikë ñu abi ꞌunánan, kamina mix an ñu pëkakë tirí usaribi ꞌain.

Daniel 4:26

Aín buru ꞌimainun aín tapunkama ñui kikë ax ka ësaimi ꞌiti ñui kikë ꞌikën, mix kamina amiribishi ꞌapu ꞌitëkënti ꞌain, mix ꞌapu ꞌixun Dios ax ka asérabi kushiñu ꞌikë kixun ꞌunanin.

Daniel 4:9

Beltsasar an ñu tankë unikaman kushi ꞌën kana ꞌunanin Dios upíira aín bëru ñunshin an ka mi ꞌakinia, usa ꞌixun kamina min kamabi ꞌunántisama ñu abi ꞌunanin kixun kan. Usa ꞌain kamina ꞌën namákin iskë a mi ñuixunkin kamainun kuati ꞌain, kuakin kamina uisakin namákë kara ꞌën namákin iskë ax ꞌikë ꞌë ñuixunti ꞌain.

Daniel 7:2

ꞌËn kana namákin suñúan kushiira ain rëbumiax ꞌianan, ain tsipúmiax ꞌimainun, ami bari kuabúkë amiax ꞌianan amiax bari urukë amiax bëkikëbë parúmpapa ꞌumpax bëchunia isan.

Daniel 7:7

ꞌImainun ka ashiti sënë́nkin ꞌën namákësokin iskë ñuinakan ꞌëo ax ꞌaisama ꞌianan rakuë́mianankë ꞌaish kushiirabu ꞌiaxa. Aín xëta ax ka chaiira ꞌaish manë iruira usa ꞌiaxa; usa ꞌixun ka kamabi ñu pianan masókin ꞌanan axa tëxëkëkama aribi chakakin amáxa. Usa ꞌaish ka achúshi ñuinakan ꞌëo ꞌën namákësokin iskë usama ꞌiaxa, ꞌimainun ka mapai rabë́ manchanñu aín maxkánu ꞌiaxa.

Amós 3:7

Usa ꞌain ka uinsaranbi Nukën ꞌIbun aín bana ñuikë unikama a usakin kana ñu ꞌai kixun ꞌunánmixuma ñu ꞌaima.

Números 12:6

kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;