Daniel 1:20 - Kashibo-Kakataibo Biblia

²⁰ Anuxun ka kamabi ñu ꞌunánkëira ꞌiti bana ꞌimainun, sinánñuira ꞌiti banakama a ꞌapun ñukákëxa, ñukákinbi ka an ñu ꞌunánkëira mërakëxa, usa ꞌaish, a menu ꞌikë an ñu tankë ꞌimainun an ñu ꞌunánkë unikamabëtan sënë́nmaira ꞌikë mërakëxa.

Daniel 1:20 ပူးပေါင်းရင်းမြစ်များ

Génesis 31:7

ꞌimainun kamina mi rabë́xunbi ꞌunan an ka ꞌë ꞌitsokin paránxun ñu mëëmixunbi ꞌitsamashi kupíokian. Usakin ꞌaiabi ka Nukën ꞌIbu Diosan an sinánkësokian ꞌanun ꞌë ꞌamikëma ꞌikën;

Génesis 41:8

ꞌAínbi ka a pë́karan anun masánuitukëishi ꞌixun kamabi Egipto menu ꞌikë an ñu tankë ꞌimainun an ñu ꞌunánkë unikama unun kixun kamiakëxa. Kamikëxa rikuatsinkë ka faraónën usakian namákëkama ñuixuankëxa, ñuixunkëxunbi ka uinu ꞌikë uni an ñu tankë ꞌimainun an ñu ꞌunánkë achúshinënbi ñuixuama ꞌikën, uisakin namákin kara usakin namáxa kixun.

Nehemías 4:12

Usakin sinani nu ꞌakatsi kia kuati ka atu ꞌurama ꞌikë Judíos uni raírinën uxun nu bëtsin kakë ꞌikëbi an kuakë raíri unikamanribi nu manonkin kakëxa, a unikaman ka amami amamiax ukin bëarabuinxun nu ꞌaisatania,

Job 19:3

Achúshira okin ꞌakinma kamina ꞌitsaira okin ꞌë ñuikanin; ¿usakin ꞌatimakin ꞌë ñuikë anun kaina rabinkaniman?

Salmos 119:99

Usa ꞌixun kana anua kuakin an ꞌë ꞌunánmikë unikaman ꞌunánkësamaira okin, ꞌunánkin min banakama upíokin ꞌitsaira sinanin.

Éxodo 7:22

Usakian ꞌakëbëtan ka egipcio unibu an ñu tankë ꞌimainun an ñunshinan kushin ñu ꞌakë a unikamanribi usaribi okin ꞌakëxa, ꞌakëbëtan ka faraónën aín sinan iruarakin Moisés ꞌimainun Aarónën kakëxunbi Nukën ꞌIbun kakësokin aín bana kuaisama tankëxa.

Éxodo 8:19

Usa ꞌain ꞌakamakin an ñu ꞌunánkë unikaman ꞌapu faraón kakëxa: —¡Ënëx ka Diosan aín kushin ꞌakë ñu ꞌikën! ꞌAínbi ka faraónnën aín sinan iruarakin, Nukën ꞌIbun kakësabiokin kuaisama tankëxa.

Éxodo 8:7

Usakian ꞌakëbëtan ka, an ñunshinan kushin ꞌamikëxun ñu ꞌakë unikamanribi usaribi okin, ꞌakëbë ka ꞌaisamaira ꞌashá Egipto menu ꞌiakëxa.

Daniel 1:17

A bëná unikama rabë́ ꞌimainun rabë́ a ka Diosan sinánñuira ꞌixun bëtsi bëtsi kirika ꞌunánun ꞌunámianan uisa kara ñu ꞌiti ꞌikë abi ꞌunánun ꞌunánmiakëxa. Usa ꞌain ka Danielnën namákësa okin iskë a ꞌimainun, namákin iskë akamabi uisai ñu ꞌiti namákë kara ax ꞌikë abi ꞌunánkë ꞌiakëxa.

Daniel 2:13

Kixun unikaman kuanun chaniokëbëtan ka aín suntárunën kushikaman Daniel ꞌimainun abëa ꞌikë akamaribi ꞌamiti bariakëxa.

Daniel 2:21

An ka nëtëkama bëtsionan, usai ꞌiti ñukama aribi usai ꞌitiokin nania, usaribiokin ka ꞌapukamaribi ꞌapu ꞌimiananbi ꞌapu ꞌimima, ꞌianan sinánñu unikama a sinánñuira ꞌinun ꞌimianan, uisakin ka ñu ꞌati ꞌikë kixun ꞌunánun uni ꞌimikë a ꞌain.

Daniel 5:17

Kakëxunbi ka Danielnën ꞌapu kakëxa: —Mix kamina ꞌëmi ꞌinainshikatsi kikë min ñukama abëbi bërúti ꞌain, ꞌimainun kamina uinu ꞌikë bëtsi uni karamina min xubunu ꞌimitisa tani ñukama a ꞌinánti ꞌain. ꞌËn kana mixmi ꞌapu ꞌikë kënënu kuënëokë bana ax kara uisai kia mi ñuixunti ꞌain.

Números 14:22

ui unikaman kara Egipto menuxun ꞌën kushin bëtsi unin akëma ñu ꞌaia isanan anu uni ꞌikëma menuxunribi ꞌaia iskinbi, anu uni ꞌikëma menuxun kakëxunbi ꞌën bana kuakëma ꞌikën,