Daniel 1:19 - Kashibo-Kakataibo Biblia

¹⁹ Anuax ka a uni bënákamabë ꞌapu banakëxa, ꞌaínbi ka a uni bënákamanu achúshi uni bënábi axa Daniel, Ananías, Misael ꞌimainun Azarías akamabë sënë́nkë ꞌaíma ꞌiakëxa, usa ꞌain ka akamax ꞌapu ñu mëëxuni anubi bërúakëxa.

Daniel 1:19 ပူးပေါင်းရင်းမြစ်များ

Génesis 41:46

Anua ꞌapu ꞌimikë anu ka José treinta baritiañu ꞌiakëxa, usa ꞌain ka José anua faraón ꞌikë anuax chikítankëx Egipto me kamaoi kuainbëkini niakëxa.

1 Reyes 17:1

Aín bana unikama ñuixunua Diosan kaískë Elías, Tisbé kakë ëma Galaad, menua ꞌikë anu tsókë an ka ësokin Ahab kakëxa: “¡Diosan kuamainunbi kana ami sinánun mi kain, Israel unibunën Dios an kakësabiokin aín bana tankin ꞌën ñu ꞌaxunkë ax ka ꞌëx kikëbë ꞌibunux ka ënë barikaman ꞌuí ꞌibutíma ꞌimainun imë́bi nibí ꞌibutima ꞌikën!”

Jeremías 15:19

Usa aín ka Diosan ësakin ꞌë katëkëankëxa: ꞌËmi sinántëkënia kana ꞌën mi amiribishi bitëkënti ꞌain, ꞌëmi upíokin ñu ꞌaxúnun, usa ꞌain kamina upíokin ꞌë ñu ꞌaxunti ꞌain. Usa ꞌain kamina mix ꞌatimati banai min sinánkëshi banakë a ëni, mix an ꞌëx kikësa ꞌitánun an ꞌën bana upíokin ñuikë uni ꞌiti ꞌain. Usa ꞌain ka Israel unikama min ꞌën bana ñui kia kuati minu utëkënti ꞌikën, usa ꞌain kamina min atun kakëxun kuatima ꞌain.

Daniel 1:18

Usa ꞌain ka rabë́ ꞌimainun achúshi baritia ꞌapu kikë a sënë́nkëbëtan, a bëná unikama ꞌapun xubu ꞌikë anu buánkëxa.

Daniel 1:4

bënábu usa ka a uni ꞌikë kixun unin kakëma, ꞌianan uisaibi aín namimi ñukin tankëma, sinan ñuira ꞌixun kamabi ñu ꞌunántisabi, ꞌixun an ꞌapun xubunuxun ñu mëëtisabi. A uni bënákama ka caldeo bana ꞌunámianan kirika kuënëoti ꞌunánmiti ꞌiti ꞌikën.

Daniel 1:5

ꞌImainun ka Nabucodonosornën uni bënákama a aín pikë piti a ꞌimainun an xëakë xëati abi nëtë́tibi ꞌinánun kakëxa, kanan ka rabë́ ꞌimainun achúshi baritia ꞌimikin kirika ꞌamikëxun ꞌunántankëxa a ñu mëëxuni anu ꞌinun ꞌiminun kakëxa.

Daniel 1:6

A uni bënákamabë ka Daniel, Ananías, Misael ꞌimainun Azarías, Judá menu ꞌikë ñakánu ꞌikë ꞌiakëxa,

Daniel 1:7

anuxun ka an ꞌapun xubu bërúankë aín kushi an atu aín anë bëtsiokin anëakëxa: Anëkin ka Daniel Beltsasar kakin anëanan; Ananías, Sadrac kakin anëanan; Misael, Mesac kakin anëanan; Azarías aribi Abed-negó; kakin anëakëxa.

Daniel 2:13

Kixun unikaman kuanun chaniokëbëtan ka aín suntárunën kushikaman Daniel ꞌimainun abëa ꞌikë akamaribi ꞌamiti bariakëxa.

Daniel 3:29

Usa ꞌain kana bërí ꞌëx ësai kin, uinu ꞌikë unikamax kara ënë bëná unikaman rabikë Dios ñui ꞌatimati banaia ax ka tëapakëx ain tëmërakë anunbi bamakë ꞌiti ꞌikën, ꞌianan aín xuburibi ꞌatima okin rurupakë ꞌianan, uisa ëmanu ꞌikë kara ꞌimainun uisa banan banakë kara ꞌikëbi usakin ꞌati ꞌikën, an usakin uni ië́miti bëtsi Dios usaribi ka ꞌaíma ikë kiax ꞌapu kiakëxa.”